夾心階層怎麼辦

香港家庭入息中位數27.6K, 專業人士41.3K; 面對今天飛升的樓價, 應該如何自處?

首先睇下本港家庭入息中位數合唔合理先, 27.6K, 其實兩個文員仔15K-17K, 兩條友仔34K 左右係差唔多, 小子公司的姐姐都係皮幾兩皮野月入, 當佢另一半都係差唔多收入, 即係35K - 40K啦, 專業人士41.3K 又係好合理, 不過係單頭, 你睇下BIG4 D 經理幾錢人工? 60K/月左右, 無花紅雙糧 (會計界刻薄係人都知, 來生不做會計L), 720K / 12 都係6皮, 對比起私人市場做個大COMMERICAL ACCOUNTANT, 2皮5左右, 14個月糧, 等於3皮野左右. 當搓均計, 一個專業人士4皮左右都係合理 (最低端的CPA 先係4皮, 好多醫生出來已6皮8皮10皮, JPM BANKER 第一年都6皮....CFA  同CPA 一樣又係4皮....好彩的做到頂就8皮....)

好啦, 9UP 完啦, 我假定老散25K, 專業人士45K (單頭計) 係成立

如果佢地面對呢個市, 點玩法呢?

1)老散+老散 (5皮)

公屋無緣, 唯有抽居屋, 收入剛好.資產限額1.96M 理論上都唔會過啦...呢家物價咁Q貴...4皮野一家人最多咪淨2皮, 咁勁SAVING RATE 的話你都要儲100個月...(9年)

2) 老散+專業

係呢度有必要CLARIFY下, 老散只係代名詞, 係一個比較"正常"收入的香港人, 小子出身草根係好貼地的, 其實好L多大學生都係搵緊25K樓下, EVEN 10年經驗
因為老細年年只係加3% 或更少俾你, 如果唔係金融會計醫生律師, 基本上都係呢個RANGE

(小子有個BANKER話我知, PB都係3皮..... "LOCAL PB")

咁老散加專業, 回歸正傳, 約數65K 月入

呢班人就最慘. 65K 月入好明顯過哂政府關愛的貧窮綫, 仲要交大筆稅....專業人士, 交下會費上下CPD 俾佢吸水就梗, 如果唔係做大公司CFO, 多數都係自己俾無REIMBURSEMENT, 如果生埋小朋友, 一家3口租個體面少少的400呎實呎又幾錢? 得寶細一租13K (係唔係人住架DIU?)
嘉湖2房44X 又13K (咁L遠)
咁專業人士多數番港島九龍啦, 咁16K 走唔甩....唔覺意自我感覺良好租左四小虫就盛惠23K...30% 月入去左交租...得番4皮野, 分分鍾7除8扣淨番仲少過兩個老散

3)專業+專業

約莫9皮-10皮+ 家庭月入. 呢班人, 都唔係好好多, 9-10皮的壓力其實係好大, 小子同學就話日撚日俾老細問候, 唔想番工, 又唔知自己可以做幾耐等等, 佢梗係唔止單頭4皮啦....但係到個個位, 俾番8皮你, 你去第二間公司, 佢自己知道呢口價係OVER 左

值唔值就個人料子同埋見仁見智, 大把人>100K 都仲係印印腳添..不過壓力就少不免

裝身買番架車仔, 帶番隻勞仔,小朋友讀下私立呀, 屋企住四小/藍籌屋苑就梗局啦

每個月放血50K 都未為過...又係得番3-4皮DISPOSABLE INCOME

每年又去下旅行咁又倒番出街. 又係月亮光光, 月亮光光

面對呢家四小都成千的MARKET, 只有望門輕嘆

500萬首期係咩CONCEPT? 樓上講緊淨番4皮/月....即係要儲125個月....19幾年.....

1997年仲可以9成上車, 放低100推1000萬樓;
呢家郁D放低5M, 唯有玩新盤啦

所以R兄話齋,新盤市場未必係PK 之源, 好多專業+專業呢個CAT 係被迫硬食推左入去

而二手樓呢? 硬過條鐵.....因為無50% 首期係無得買 (8.33M 之後只借得5M, 其他係FULL EQUITY)

要死, 都係死新樓個班先, 但係講過啦, 佢地收入郁D都10皮....借9成...供4-5皮又唔係好大問題....做成今日的困局....如果新樓個班都安然過渡, 因為有SSD的關係, 更加無盤, 全城只有新盤去CAP 哂呢班友的購買力...

* 1997年前沒有TU, 係可以參與呢個大賭局, 當然你敢唔敢又係另一個問題; 今天連呢度門都關上左, 借貸純睇收入, 即係貧者愈貧, 富者愈富, 夾死本土班年青人, 因為佢地個收入都大約係咁上下, 但係就放左有錢個批國內人來搶樓同埋放埋國內讀書個班人"人頭"來搶9你地D土地.....

淨番落來CAT 2( 老散+專業) 呢D 高不成低不就的就要被迫租樓,直到2049

利申一下, 小子認為大家關係對等, 無好似香討咁提9你交租咁乞人憎, 今天你意氣風發, 串77, 個市唔得時你難保你仲係咁得, 滿招損, 謙受益; 不過有得揀, 好過無得揀

如果無得揀焗俾租的話, 成件事真係幾SAD

本港家庭入息中位數2.76萬元　專業人士達4.13萬元

據統計處數字，本港家庭住戶入息中位數為2.76萬元，而按個人職業劃分，專業人員月入中位數更增至4.13萬元，兩者均為有紀錄以來新高。
香港經濟學者關焯照認為，家庭月入中位數增幅，與去年經濟增長相若，數字不算驚人。至於專業人士月入中位數亦創新高，他認為反映高技術專業人士搶手，加薪幅度可觀。

他預料，失業率難再有下調空間，由於勞動人口見頂，加上外圍經濟隱憂少，預計本港失業率會徘徊於2.8至2.9%，須盡快於2至3年內解決生產力萎縮的問題，包括釋放婦女勞動力及輸入外勞等。
安俊人力資源顧問董事總經理周綺萍認為，專業人士如金融、銀行、法律、會計，培訓需時，在人力市場一向短缺，而今年不少公司業績向好，均有能力出手更高「搶人」。她亦指出，家庭收入增加，將轉化成有力的消費意慾，尤其是現時樓價高企，年輕一代寧願花費更多，提高生活質素、即時享樂。


本港家庭入息中位數

【新居屋2018】入息限額增一成應對「癲價」新盤　團體批失原意

房委會即將推售新一期居屋，合共提供約4,400伙單位，售價介乎159萬至630萬元，白表二人及以上家庭的每月入息限額為5.7萬元，比起上期增加約一成。

有關注團體及立法會議員指房委會將家庭入息上限再次推高，質疑做法是偏離居屋的政策原意，即為沒有能力購買私樓的家庭自置居所，「如果再推高，咁下次係咪訂到6萬（入息限額）呢？」建議房委會應重新制訂定價機制，如與市價脫勾或進一步調低折扣率。

房委會推售位於啟德啟朗苑、長沙灣凱樂苑及東涌裕泰苑，合共4,431個居屋單位，實用面積介乎278至631平方呎，售價由159萬至630萬元，最快下月底至4月中接受申請。

最近兩期居屋入息及資產限額比較

家庭成員人數	年份	入息限額	資產限額
兩人或以上	2018	57,000元（+9.6%)	196萬元（+15.3%)
	2017	52,000元	170萬元
單身人士	2018	28,500元（+9.6%)	98萬元（+15.3%)
	2017	26,000元	85萬元

入息及資產限額上升1至1成半

申請資格方面，綠表人士於申請成功後須交還公屋，白表2人及以上家庭，每月入息限額扣除強積金後為5.7萬元、資產限額為196萬元，單身人士的每月入息及資產限額分別為2.85萬元及98萬元。對比上期推售居屋，入息及資產限分別上升約一成及一成半。

公屋聯會總幹事招國偉質疑，白表家庭的入息限額升至5.7萬，其服務對象是否已偏離最初房委會推售居屋的原意，即為協助沒有能力購買私人樓宇的家庭自置居所。他認為若然2人家庭月入近6萬，相信已有能力購買區內部分的二手私樓。若房委會推高其入息上限，只會令更多人蜂擁申購居屋，憂真正有需要的家庭，因而無法受惠，「下次係咪要訂到6萬？」

房委會釐訂居屋入息及資産限額方法（2人或以上家庭）

項目	內容		以2017年第四季計
住屋開支	擁有位於擴展市區或新界一個樓齡10年、實用面積40平方米（430.6平方呎）私人樓宇單位所需每月開支	以樓價560萬元，假設按揭貸款80%、還款期20年、當時按揭利率計算	$23,893
	地租、差餉和管理費		$1,920
非住屋開支	私人樓宇四人家庭租戶開支屬中間三分一者的平均住戶開支，並按照甲類消費物價指數非住屋項目的變動，調整至現時價格水平		$24,900
	薪俸稅		$3,408
備用金	5%		$2,706
方程試	住屋開支+非住屋開支+備用金		$56,827
建議入息限額（每月）			$57,000

倡定價與市價脫勾​

房委會現時根據既定機制去釐訂入息及資產限額，即採用「住戶開支」作為基準計算入息限額，包括每月按揭供款的住屋開支及消費物價指數等非住屋開支，另加5%備用金。

房委會資助房屋小組委員、立法會議員柯創盛指出，新居屋單位的售價達600萬或上，形容為「癲價」，即使月入近6萬元的家庭仍可受惠，擔心會引起錯覺，令市民認為政府的房屋資源並非服務基層。他認為房委會應重新制訂定價機制，令居屋價格變得更可負擔，建議下一期推售房屋時，定價可與市價脫勾，或訂立七折以下的折扣率，否則居屋的售價只會愈來愈貴。

不吃不喝近13年才可購買一單位

政府於70年代推行十年建屋計劃，第一期居屋於1978年推出，根據統計處資料，港人扣除員工福利後，每月薪金約1,009元，當時第一代居屋，位於東九龍的順緻苑，售價約8萬至15.8萬元，以此計算，當時港人不吃不喝約6.6年便可購買到一個居屋單位。

時移世易，港人去年的工資中位數為16,200元，但居屋售價已飆升至數以百萬計，以去年推售的彩虹彩興苑為例，售價約248萬至384萬，即需不吃不喝至少約12.7年，才可購買到一層居屋。若以新一期居屋樓王、長沙灣凱樂苑630平方呎的單位，領取工資中位數打工仔，需要不吃不喝32.4年才可支付全份樓。

新居屋2018