港人世代之爭, 小子三省吾身

小子寫BLOG 的題材其實係無咩題材, 純粹當日記有感而發, 最近都發覺自己劍走偏鋒, 但係未有空進行思想沉澱

直到星期5例行公事完畢後, 小子慣性三省吾身, 先睇下自己一個星期下來的言論同埋生活當中的思維, 究竟代表緊D咩. 特別係我奉行隨心所講, 並唔會理人地點睇, 但係自己必定會檢討自己言行同自己內心思維一唔一致, 因為自己思路走歪左的後果係會令到自己行錯好多路, 要用更多時間去糾正; 做人如是, 投資如是. 因為人生要負責的人, 只有自己

經過一輪反覆思量, 其實點解我會鼓吹一個人買港樓呢? 其原因如下:

香港80後回歸後青年對自己身份沒有一個認同. 究竟我地係香港人? 定係中國人? 面對中國急速起飛, 香港青年的機會, 無可否認, 對某族群來講, 愈來愈少

幾條片入面, 有人番前海創業, 搵到機會, 平淡地講香港愈來變得愈單一化
但係同時間, 好多苦無出路的青年人, 不理後果地搞抗爭

叉開少少來講, 小子碩士的教授, 及有D做生意的朋友, 已表明唔請香港大學的畢業生, 呢樣野小子係非常之震撼, 當中原因大家都明白, 特別係如果內地業務佔比重的公司更加如是

但另一方面, 唔係創業成功者, 其實所面對的唔係財自咁簡單, 直頭係一個身份的認同問題

香港從來都唔係一個國家, 只係一個城市, 民眾慣左係有英國係樓上, 1984年英國放棄香港, 1997年回歸, 到呢家20年, 香港人都係搵緊一個身份的認同

至於經濟方面, 面對大陸精英搶佔就業, 輸入150基層佔公屋, 不少香港青年呢下面對的問題非單單只係錢, 而係佢地想上流, 不能; 下流, 亦不能

有能者, 移民, 好似小子都有數不少的朋友, 呢幾年間都移左民, 而有睇BLOG 都知小子出身名校, 但係家庭環境草根, 其同學一早已有兩至三本外國護照在手, 呢班同學當然係有自己的退路, 所以無咩顧慮

三省吾身, 小子認為呢家港青係面對緊係: 究竟做一個真正的中國人? 在香港呢個城市扎根, 陪怪獸家長谷爆子女, 但面對的就係下一代"可能" 中層機會都欠奉; 定係出走他方, 做第二個國家的公民同埋俾個悠閒點的生活俾自己呢?

呢樣野, 80/90/00後各有不同考量, 亦都因為唔同財政狀況而唔同考量, 投資移民計, 英國PASSPORT 要GBP 2M, 加拿大CAD 1M 左右; 如果用技術移民, 就要計分, 但最後都係生活問題, 去到個邊搵工如何? 生活如何?  面對對面都難搵工的情況下, 留港? 應該點做先可以唔好俾國內人材錢財的洪流浸死?

呢10年, 20年, 都係香港新生代尋找自我認同身份, 並落注的時間; 走的走, 留的留; 再下一代, 已沒有香港人, 只有中國人同埋在美/加/澳/英的中國華橋

小子鼓勵人落注, 係認為是時候用資產, 用腳, 去為自己的將來做一個決定

小子係認為硬資產應留香港, 最尾個段片 "居留權" 入面個幾個人講得好好, 本英國護照都係買個保險. 今時今日, 本護照極可能變左係香港的硬資產

是以回應番風中兄, 點解CP 值低, D人都買港樓? 會唔會係呢個因素在作崇? 同時間, 國內富二都係積極地尋找身份的認同, 做一個中國深圳市人, 定係做中國香港人

小子認為, 香港年青人要客觀認識下中國的進步及改善的速度, 無錯, 中國係一黨專政, 法治無香港咁開放, 亦唔係一個行普通法的地方; 最總有一天, 中國呢幾方面係會慢慢追上, 同國際接軌
但係呢樣野發生之前, 香港經營100年的法治, 金融中心的金招牌, 係上海自貿區, 前海自貿區, 海南保稅區都係取代唔到, 亦係中國政府的計劃的一部份. 無可避免, 那行業方面, 零售, 物流係會俾海南保稅區, 同埋深圳鹽田港取代 (YICT其實TEU 已超HIT), 港青, 特別係為人父母者, 要好好思考下, 自己應該如何設局, 幫助自己小朋友去發展

* 注, 呢篇由頭打到尾都無一粒字係粗口, 因為粗口破壞左呢篇文的氣氛