休假十二天 - 提早的檢視

小子自個多星期前休假, 一直無睇BLOG, 無寫BLOG, 亦都無理會股市樓市

一份心中的平靜, 與犬兒共聚的時光, 實在令到我不想拎起手中電話, 亦沒有空閒時間咁做 (呢個係小子的個人習慣, 電話係對個人生活最大的影響, 放假係要真放假, 唔係玩手機的放假)

呢一個星期做左一個好個人的檢視, 亦對未來的路有個好好的檢討

至於股市, 一仆一碌係最好用來形容, 好多朋友的倉位都回到年初的起點, 做孖展, 權/期的, 都好多損手爛腳

小子都係個句, 投資, 輸得起先好買, 守得到先好買

小子絕少在此談論股票, 因為大家走的時間係唔同, 買的東西即使一樣, 結果亦可以係兩極

講左, 如果人地跟左又輸的話, 實在我係會好唔好意思

當然樓都可以輸身家, 小子前後親身都幫過幾個朋友睇, 最開始個句都係會同佢講. 你輸得起先好買. 呢家係唔係會升, 我唔知, 估都估唔到. 面對市場要保持卑微, 如果你肯住10年的話, 唔介意-20%, 你又供到咪買.

正如股票, 如果你唔介意2382 2018 跌20%? (2382 都好似比30000點高位回左20%), 你又OK 咪買, 又如果你睇到個TECH TREND, 又HOLD 10年以上, 其實. 無對錯架....

話唔定佢好似700 咁. 3蚊升到300蚊 (其實係1500 因為1拆5), 回報比起樓市, 係CRAZY!

樓絕對做唔到咁短時間升跌20%, 大家其實無可比性的.

其實投資世界有好多好多CHOICE, 同武林比武一樣, 拳腳要識, 兵器又要精, 內功也不能缺.

今日先有朋友問股VS 樓 (可能CCL 187 又近HISTORICAL HIGH), 我無答到, 其實無必要比

你玩樓叻咪玩樓, 玩股叻咪玩股, 股樓權債期滙都叻咪玩哂佢, 你夠時間又贏咪得

又咁講, 我地以為D婆仔坐30年無咩EFFORT 付出, 其實幾多仔女想分佢身家, 賣左佢層樓, 中間有幾多低潮要錢佢地都唔肯沽, 呢份定力真係唔野少, 唔係簡單一句話死坐無難度

更甚係09年後買的人, 面對三朝五改的政策, 先唔好講加唔加按, 心理的困擾同埋止賺的引誘絕不比股票少, 講緊100萬以上係對好多人來講係天文數字, 2013, 2015 當局出SSD 幾多傳媒唱淡, 屋企人的壓力, 加埋自己的經濟壓力, 小子都識唔少人沽左佢收錢走人, 拎住幾百萬開開心心

公平D講, 你呢家有樓梗係笑9佢地傻仔, 2013 對比2019 的價差1倍

但問心, 如果你知2019係50% OFF你會唔會沽? 佢沽左係有機會賭贏你的, 到時FULL PAY 1開2, 你就ON99 原地轉.....誰是贏家? 實在未可知, TOO EARLY TO SAY.

而問心, 止賺的引誘幾時都在小子心中有個警號, 特別係你睇下"走佬去馬拉", 6000呎幾多錢話? 600萬HKD?
賣一間都夠去買塊地......香港人, 好似杜汶澤咁講. 真係好9慘, 而更9慘係, 好多人焗9住推個下慘.