小子昨日收到訊息, 內容大約有人咭冚咭有差唔多100萬咭數 (佢話100幾十萬, 我當1M了吧)
本來都諗緊寫唔寫出來, 不過小子寫BLOG 其中一個FUNCTION 係希望大家睇到有所得著, 咁無所謂了, 寫吧
一個人如果生活唔檢點, 洗腳唔抺腳, 救唔到幾多次
其實得2個解救方法
1. 賣樓
2. 加按找咭數
加按找左咭數只係拉長戰綫，等自己多啲時間去搵錢填數。
樓按, 記住永不是消費, 一日消費形式不改, 幫幾多次都係擔沙填海 (幫你找1次, 就有第二第三次, 如何斷尾?)
要處理唔難, 但係心念不改, 消費不改, 結果一定不會改變
呢個亦都係小子點解咁堅持係樓本位搭配股票, 因為只要有財商, 老來先可以避免呢D咁慘的場面 (每日都係在投資, 即係練好武功, 日子有功, 愈玩愈好, 便可以揮灑自如, 但不代表係贏, 只可以做到贏多輸少, 輸就唔駛爆廠咁解)
少年, 你不規劃自己, 老來社會規劃你
//每日都係在投資, 即係練好武功, 日子有功, 愈玩愈好, 便可以揮灑自如, 但不代表係贏, 只可以做到贏多輸少, 輸就唔駛爆廠咁解
回覆刪除同意. 所以我堅持每日人手update股/債/金市價計身家, 而唔用程式自動update，就係用來 keep 住個 market sense (同埋逼自己唔好去旅行去到盡)...
咭冚咭有差唔多100萬咭數...銀行真係多謝佢, 出糧...
回覆刪除銀行賺咁多錢，原因就是大量洗腳唔抹腳的人，真係親戚朋友隔離左右梗有個幾個大使怪。
回覆刪除我們常常說財自，財自兩個面：被動收入,和支出。支出面不作出管控，那管你財技練得如何高超，恐怕一生都是金錢的奴隸。
小子一定解決到, 賣咗層樓還卡樓, 以後要改生活習慣唔好大洗 !
回覆刪除賭性不改，長貧難顧。善哉善哉！
回覆刪除到左某一個年紀,長貧難顧...
回覆刪除不客氣地說，累人累物之人，梗有一個在左近，親人都係咁話。每人都要為自己行為負責，你幫得幾多次？
回覆刪除讓我想起某位親戚，2年欠下30幾萬賭債，要一家人幫手還，真系pk
回覆刪除幫佢等於害佢, 叫佢自己債務重組啦.
回覆刪除其實最好係IVA
刪除因為佢有生之年都唔會再買樓
資產在有錢人眼中，係金蛋
在窮人眼中，係催命符