轉載: 德國租樓日誌

【德國生活誌】香港打工為咗易買樓　德國搵樓難過你搵工

德國生活誌 - 租樓

再唔係更有 open viewing，時間地點講好晒，歡迎 walk-in 交 form，真係閒閒地都有幾廿人一齊睇，迫過你行年宵。

呢個時候，你會發現私人出租情況會無咁混亂；但唔代表少啲人爭。屋主 screen 過晒覺得你職業唔錯、收入唔錯咪比你睇下樓，畀你睇完樓佢再慢慢揀多一轉；但千祈唔好唔記得你面對嘅係寫得一手好 cover letter 的對手（們）。加上好多上年紀的業主未必識英文，唔想租畀外國人怕難溝通呢回事真係好普遍。而你嚟呢度做咩，你會住幾耐，都係佢揀你的條件；如果你話你係雙非嚟呢度就係想呃九年（定係而家12年？）免費教育想要派到北區小學真係唔使旨意有人想租畀你，就算你幾個人合租畀多啲錢都係咁講。

有錢冇樓租真係好可憐，何況小菲冇錢。不過搵樓咁難其實都係因為法例保障租戶多於業主，而且德國人真係睇自己文化重要過錢咁解囉。如果香港人放租都唔係錢行先，揀合適的租戶先，成件事會唔會唔同啲？香港會唔會唔同啲？

--------------------------------------------------------------------------------------------------------------------------

小子的其中一個物業就係租左俾個德國人, AGENT話佢有潔癖, 幫我拿主意叫鍾點幫佢抹, 仲要CHARGE 番我......

小子做業主必定靚仔裝修加埋好聲好氣, 大家關係對等, 我都想你錫住間屋, 但係咁樣玩法真係小子都未見過
不過小子一向好來好去, AGENT 話愉景灣係業主執好哂清理好哂仲要抺乾淨哂先俾租客

小子唯有相信佢都係錫住間屋啦, 本人做人宗旨係對人好D, 唔會郁D嫌三嫌四
最搞笑係個德國人仲話個微波爐新買想換款, 另外個雪櫃唔係原裝, 好似UPUP地...(又要叫師父搞)

下次真係要佢填番份COVER LETTER + 入息證明 + 咩咩物物; 有時又難怪香港地有D業主咁賤格, 因為D野係相向的, 如果有人麻煩的話, 下次大家都係玩執正來做

講多無謂, 去圖