收到 OFFER (16/5 UPDATE - REJECTED)

話說星期一見完某上市賭股的TREASURY DEPT HEAD, 一齊食個飯, 傾左陣, 叫做INTERVIEW完 (好多都係食飯順便IN 埋), FEEL下個老細咩氣場, 跟唔跟得過,食完飯當一刻, 佢問我, 你READY我就叫HR 搞埋D手續
當然, 小子亦都要諗一諗, 所以同佢好禮貌咁講, 係朋友介紹, 人品上你應該做左DD, 但係我都要睇下我可唔可以DELIVER 同埋COMMITT 到, 所以請你俾幾日時間我考慮, 如是者, 小子諗左2日, LIKELY 係REJECT OFFER, 但未CONCLUDE

小子見工,以前係BIG 4 或者COMMERCIAL ACCOUNTING, D同事/上司成日話, 有人請你/BOOK 你, 要千多萬謝, 呢個MENTALITY 真係害死唔少人, 奴性重, 永世都係做閒, 唔會做到莊

話說回來, 小子搵工, 第一樣野係著重老細, 正所謂好工不如好老細, 所有KNOWLEDGE 基本上去GOOGLE 都可以搵到番來, 除非專業如精算, 法律, 醫生, 銷售 (靠人脈關係), 90%工種都係重覆性的,可以參考/取代的, 所以工種個NATURE並唔係考慮的第一條件 (當然都好重要）

第一條件係: 你同你老細價值觀相近
一份工, 同事你無得揀, 但上司同老婆一樣, 有得揀, INTERVIEW時多問一D唔關工作事的閒談, 唔好好似隻狗咁話YES YES YES, 你揀人, 人揀你, 唔係你俾得起多三幾千我就一定要走, 新工做唔做得長, 先係重點, 唔係人工高與低
做人做事同投資一樣, 都係睇TRACK RECORDS, 而你老細, 係WORD OF MOUTH, 揀工, 一定先揀同自己"看似啱傾"的老細, 唔好俾佢POKER FACE 蒙混過關, 多D問佢工作/非工作的東西, 睇下你知識同佢比, 差幾多, 同埋睇埋佢THINKING PROCESS

如果係一個好勁的老細, 通常CHUR., 一個BIG PICTURE為主的老細, 通常A字, 取其中庸 (如要學野, 跟CHUR; 如果安樂, 中庸/HEA 老細)

第二條件係: 自己強弱的MATCHING
香港有90% - 99%人其實都唔係太知自己做緊咩, 包括小子.
由小學中學, 老豆老母上一代都係叫我地俾心機讀書, 但係有無問過, 讀左書, 又點? 10個A又點先?
就係80-00個一代, 細個無取向, 大個時就算你10A, 都係叫你入神科, MBBS, BBA LAW, GBUS
但係你本人真係想點? 我估當時都無咩人有個好CLEAR 的PREFERENCE
記得小子2X 分會考, 死讀爛讀AL 中7呀SIR話, 你都應該有2A, 好啦, 天意, 永遠都係UNEXPECTED, 好啦, 我好L想讀MBBS, 咪填Q哂佢囉, 好似小一派位咁....LA SALLE X 3

咁最後梗係無2A啦....最後去左HKUST BBA, 一個完L全唔關事的學系, 連ECON, FINANCE, ACCOUNT 都唔知係咩 (小子係PURE SCIENCE STREAM)
個時, 都係鳩揀, 誤打唔撞入唔知咩科, 完全無DD, 完全無RESEARCH, 呢個係香港教育最失敗的地方, 亦都係小子最失敗的地方, 所以以後做咩, 一定做足功課

出到來見工, 好多人都係唔知自己強弱係邊, SWOT真係有用, 起碼你真係要知你有咩做到, 有咩做唔到, 入一份工係做唔到, 係同自己過唔去, 搵工, 最緊要一定自己DELIVER 到
COMFORT ZONE 可以走出, 但係唔係UNKNOWN ZONE

第三條件係: 大局觀
呢個都係一個好緊要的FACTOR, 男怕入錯行, 女怕嫁錯郎
生做行街, 死做掌櫃
做BEAN COUNTER, 無人會VALUE你的貢獻, 你數緊幾準, 盤數幾精準係應份
但無對老細, 無對公司, 帶到生意, 呢D人一定需要係市場, 但係個PAY一定係唔高
咁不如做公墓員
但係如果你追求STABLE其實無不可, 最緊要符合自己
世事無對錯, 最緊要對自己負責
YOU ONLY LIVED ONCE

另外，世界發生咩事都要知, 正如你睇494 利豐已知零售係沒落緊, 金融自08年都係麻麻, 不過GENERALLY SPEAKING 係好過做MARKETING咁解
入啱行, 個起薪點高, 又跳得高, 先可有閒錢投資 (賭博交學費)
做左10年都係3皮真係比比皆是, 唔可以話佢地好差, 但係UPSIDE 已係LIMITED
小子有朋友00年入左CS, 9條A, 唔入MBBS
呢家...醫生朋友做卓健都6位數 (150K+), CS 得3-5皮
影響到唔係前途咁簡單, 如果買樓, 影響到借貸力, 如果投資, 影響到你有幾錢交學費, 如果財自, 直接影響到贖身時間
不能不察
但都係個句, 如果你好鍾意CS 又點? 其實都係OK
行行出狀元, 搵到自己主戰場, 贏面已有8成