點解唔賣樓

今日睇到有報導話有3個樓市怪現象 (1% ANTHONY)

非常準確! 小子間海怡2房不斷有經紀話920萬有實客賣唔賣?

問題係, 估價900萬, 賣左又點? 打15% 即係你叫我以後都唔好買番? 定係等跌番15% 我打和再買番?

一諗起呢樣已經唔想沽, 仲未計佣, 上會, 等等麻煩野

呢家D業主叫價根本係極度進取, 由其係想換樓個D人, 向公屋景叫950萬, 咁我間園景, 你個AGENT 叫我900-920? (AGENT 成日都扑傻瓜 (特別係美X), 小子一向都唔會太上心, 佢地係機會主義者, 話唔定你肯放盤俾佢呢? 你肯放佢地就有機會, 齋做租真係好大獲架)

如果賣, 得! 12M可以 (即係叫你唔好諗) ....其實問心, 俾到12M我都唔會考慮, 因為呢家個市, 有盤又係堅賣的, 多數都係質素一般, 能夠啱心水的更少, 我的時間係有COST的, 走來走去實在太過無謂

我成日都同AGENT講, 在我手中的樓, 要沽, 得2個原因, 第一係我等錢駛, 第二係一個非常吸引的價錢

2015年沽左間北角單支, 沽高市價20% (4M VS 4.88M), 之前個AGENT 串我話, 喂呀小子, 你個價搵鬼人買咩? 唔駛一個星期就甩到, 呢家仲要係估緊5.3M, 俾埋水位下家走

呢家新上會只可以借40%, 雖然同呢家結欠都係差唔多, 不過你再做會又要再交文件又要搞一大爛餐, 仲要跌15% 先係打和 (夠俾波叔駛費) 你估我真係屎忽痕無野做咩?

3D 辣招, 係迫市民焗坐, 無得沽

唯有每個月收租, 如果新買的, 最好就唔好揀新D 太低YIELD的樓, 只為租都係回報的一部份

做唔到租>供無所謂, 但係得2% 樓下真係唔好買

https://www.edigest.hk/property_market/3%e5%80%8b%e6%a8%93%e5%b8%82%e6%80%aa%e7%8f%be%e8%b1%a1-%e7%94%a8%e5%ae%b6%e4%b8%bb%e5%b0%8e%e6%a8%93%e5%83%b9%e6%9b%b4%e9%ab%98-%e6%a8%93%e5%b8%82%e5%85%a5%e9%96%80-%e9%a6%99%e6%b8%af/2/

怪現象（一）個個都睇好

升得太多就會下跌，跌夠了就會回升，以往市場有升有跌，有不同意見，有人看好，有人看淡。即使已經買樓的，手上超過1個單位的投資者，都不會盲目看好，有時候升得太多，他們都會睇淡，會身體力行賣出其中一些單位，等待樓價回調的時候再買。
然而最近與朋友閒聊，個個都一面倒看好，理由很多，無論是手上只有一層樓的用家，又或者有幾層樓的投資者，個個都睇好。點解睇得咁好？最主要的原因，是因為新辣招下，即使樓價調整，都冇機會再買，不如期望樓價再升，將來賣更好價錢。

怪現象（二）唔識計回報

真正的投資者不會盲目追價，有錢賺才會出擊。
投資者買樓要計到盡，到底層樓抵唔抵買？會唔會偏貴？
其中一個參考，就是會看看買入單位之後，如果放租，租金回報有幾多？
例如現時很多幾十年的熱炒上車屋苑，200多呎呎的單位賣到近500萬，但租金卻仍然維持在1.1萬左右，點買得落手？

用家唔知咩叫平？咩叫貴？只要喜歡、供得起，創新高照買！

如果你話：「租金回報好低喎！」
佢會答：「我諗住自己住喎！」
如果你話：「而家好貴喎！」
佢會答：「而家唔買將來仲貴呀！」
於是就形成盲目追價入市，不斷創新高，連幾十年二手屋苑呎價貴到2萬，仲貴過市區樓，租金回報低過供樓，簡直匪夷所思。

怪現象（三）個個都唔平賣

以上述的例子為例，如果你有1個單位想賣，開價600萬，現有買家出價580萬，你會唔會考慮賣呢？

如果你有10個單位，或會有衝動想賣。

投資者買賣講求理性，以往沒有辣招，賣咗隨時可以買番…只要有滿意的利潤，就會賣！或者只要套現後有更好的投資機會，預期可以賺得更多，即使賺得沒預期那麼多，都會賣！尤其非自住單位，今次賺少20萬有何問題？所謂貨如輪轉，照賣！最多下間賺番！

如果你只有1個單位，就未必有衝動想賣了。

用家買賣很多時受感性因素影響，例如要計一計，賣咗之後，套現的錢夠唔夠換樓？如果唔夠，一動不如一靜！又或者會考慮，樓價會唔會繼續升？會唔會賣平咗？會唔會之後買唔番？尤其是自住單位，賺少20萬，就是賺少20萬，因為手上就只有一層樓，賣咗就冇，換句話說如果賣平了，就沒有機會再賺番，死都唔減啦！