今日又去左小子至愛 - 中環龍記燒你老味食燒味, 例牌叫個叉雞飯
見到對面個呀叔好L勞氣, 狂吊個待應話碟飯縮水, D燒肉得幾舊, 仲係頭頭尾尾收佢成70蚊
小子真係唔知道D地產商係唔係都係食開龍記, 有感佢的份量愈來愈少, 所以叮一聲將計獻上
從前幾年就收你70蚊, 大大碟有叉有雞
呢家因為食材加價啦, 就咩都切細D, 好似你買唔起500呎800萬咩? 咁我400呎, 300呎, 200呎, 194呎.....都係賣800萬
一磚豆腐切4舊, 分俾4個人, 4個都唔飽, 最尾又係搶野食, 到時世代仲亂
個個都買200呎, 頂得一時唔頂得一世, 到佢地成家立室又點? 一係買大舊D (無錢), 一係買多舊 (15% DSD)
究竟呢個無限篤數仲可以維持幾耐?
小子認為整埋D細價納米野, 只係將正常400呎樓升級為"可以住過世的面積", 好似俾開1/4舊豆付你食, 食細你個胃, 到時俾番一舊你, 你到時又覺得好飽好有滿足感..其實俾你的食物係無少過.....但係個舊豆付的"滿足感"就提升左好多.....
配合埋3年SSD鎖盤,無得沽; 同埋15DSD, 要買要俾稅下, 就合理吸取民脂民膏, 亦間接制造 "換400呎的需求"及"谷高口價等稅收增加"....真在太狗了
三人行兄比我講得COMPREHENSIVE 好多, 小子個人實在太懶, 同埋今日比較忙, 寫到呢度
https://sanrenxing80s.blogspot.com/2018/06/blog-post_15.html
沙發了！YEAH!
回覆刪除快兄咁抬舉轉載，希望篇文無失禮師兄啦。
龍記都係想幫大家手減碳排放，同減油減鈉啫... 人家苦心你唔係睇唔出呀嘛！ ^^
真心認為你寫得好有心機, 比我亂講一通好好多,小子出身草根, 9UP亂寫無咩組織
刪除真心講，師兄有些觀點同角度，也是小弟全無諗過的。轉數同觀察力，從來比文筆來的重要。我輩不是賣文弄墨，想通問題，單純對自己及家人交待就好。其他人，要明的，想深一點會明，不願明的，也許怎樣也點不明。
刪除對用家而言，兩間200呎的 use value 不等於一間400呎呢！
回覆刪除小子兄啲財經智識已經不自覺地融入生活中，可謂功力深厚呀
回覆刪除即係個人市井....草根......
刪除【歐洲收水】歐洲央年底結束買債計劃，維持利率至少到明年夏季
回覆刪除http://www.etnet.com.hk/www/tc/news/categorized_news_detail.php?newsid=ETN280615231&page=1&category=latest
又係低利率
睇咗小子兄博文一段時間,年輕有為加投資有道!
回覆刪除我最近考慮換樓,又撞正樓價急升 (不知係乾升定係真升.我自己果間掛咗三個星期, 未有人還價.)
想問下小子兄意見. 舊屋兩房二十幾年二三線屋苑市價630萬,想換間三房樓齡二十年之內.
原本睇中咗大圍名城五年樓,貪佢交通好有沙中線利好又新,但係近排急升至1300-1400萬.
如果退而求其次,只能買鑽石山星河明居590尺,1100萬左右,但間隔唔好同舊D (20年); 或者麗港城/滙景,馬鞍山, 甚至荃灣西
plan 1: 砸鍋賣鐵買名城1350萬
plan 2: 買次一級星河名居/麗港城 (剩下幾十萬可以留住D股票或者去深圳按揭買間蚊型樓)
plan 3: 博半年後樓價跌再換樓
小子兄點睇??謝謝!
BONNIE:
刪除首先多謝抬舉, 小子都30中, 廢中一名, 未敢自詡投資有道
先要問問您買沙中綫係摶升定係有其他原因
如果摶升, 小子覺得其實沙中綫都PRICED IN 左大部份
上年名城好似仲係14K, 呢家17-20K/呎
真大圍上蓋係起緊, 名城係"車廠項目", 究竟係唔係值20000/呎?
價錢都係其次, 如果ALL IN 一間 (PLAN 1) 小子一定唔會咁做, 因為成世得一層樓, 其實買到幾大幾靚都係樓奴一名, 唯有擁有第二間物業先係正正式式開始投資之路,死供一層小子絕不建議 (PLAN 1 BAN)
跳一跳STEP, PLAN 3, 小子認為香港地一定有一層自住樓, 所以...摶...你輸唔輸得起先?如果升10%, 你的成本係10% + 稅+租金.....當稅金係3%樓價, 即係你賭緊係 15% 樓價起...小子唔覺得有任何一個人可以輸呢個碼數而處之泰然, 而有好大機會上唔番車情況下無啦啦去賭, 絕不建議
三者最其輕係PLAN 2, 如果得星河名居/麗港城, 我會揀前者;小子睇過>30間 (實際上50間-80間左右)麗港城, 無一間啱心水
本來係最遠海係最好VIEW, 但係前面已講左會起野, 麗港城又隔涉 (相對滙景), 我睇唔到有咩REASON 要推8-9M 2房
如果當你係求大圍係地方因素, 我會買聚龍居/華翠園, 12M 900呎
如果求資產升值, 換件MTR 上蓋保住後方, 二綫換一綫地點, 到時如果市跌, 無咁傷
謝謝小子咁詳細的解答。我對大圍無特别偏好的，係考慮交通方便和搏升值。我都覺得成副身家背重債買一層樓係好辛苦。
刪除plan3 半年後换樓其實係半年後才賣，然後馬上買，如果繼續升，就蝕升值的五至六成。
至於plan2 依家考慮緊星河明居、調景嶺維景灣畔都會尺、蓝田滙景花園、次選會諗埋馬鞍山聽濤雅苑。
小子兄,又係我..我終於賣甩咗我間cheap cheap兩房,依家睇緊買三房自住.依家銅鑼灣返工,但我每三四年轉一次工, 所以要搵交通便利,以後易賣易放租,有升值潛力,budget1000萬 + - 100萬.
回覆刪除上次你話名城價格太高唔值,依家樓價跌咗D. 以下價格係我自己估計的成交價, 我考慮緊以下四個屋苑 ( 按喜好排), 以下樓齡都係16-20年.
1.紅墈海濱南岸590尺三房西北園景中層呂字廰~960萬, 1.63萬/尺 (日字非西北可能1050萬) 好:近兩個站黃埔站+火車站+以後沙中線紅墈站;近大學易出租;校網唔錯;附近環境好有酒店商場少少寫字樓; 壞:唔係MTR上盖都要行8分鐘;間隔唔靚廳好多係呂字型;居屋底升值會慢D(?) 問題: 返工搭地鐵唔知會唔會好難上車??
2.鑽石山星河明居590尺三房 ~960萬 1.63萬/尺. 好:MTR上盖; 鑽石山站在沙中線上面; 壞:間隔唔靚鑽石廰房間好細
3.大圍名城 價錢巳經跌咗, 估計1080-1100萬買到 中低層西北普通裝修680/740尺三房, 1.49萬-1.59萬/尺, 東南可能要加50萬. 好: 面積大; 行去大圍站七八分鐘大圍站在沙中線;近大學易出租(?) 壞:lump sum大D;有人話長X樓質量不好多甲由 (八年樓+長X樓=>當廿年樓齡).
4.調景嶺維景灣畔 650尺三房 ~1020萬 1.57萬/尺. 好:屋苑花園好靚;有大直廰大window; 近東九龍CBD(?); 壞:行7分鐘才到MTR;調景嶺唔係香港正中心(vs紅磡鑽石山大圍);將軍澳區供應多呢個價買入可能唔保值;將軍澳三房如果以後要出租可能難D.
可唔可以俾D意見我應該哪一個屋苑好? 或者有無其他建議. 謝謝你~~~