2018年8月30日 星期四

你想做隻獅子定係綿羊?

呢排小子實在比較忙, 忙係忙在開會開會同開會

一時講錯野唔啱心水都係會好頭痕, 直到最近好番少少, 老細同我傾開移民呢個問題, 當然佢地上一代已經上左岸

佢話, 新加坡都係一個選擇, 我就其實唔係好同意, 當然新加坡係移民國家, 無二唔二等公民問題 (全民都係老美的二等公民)

亦都無大陸人打莊香港新一代未必有發圍的問題

小子核心思想係唔會有懷才不遇, 如果係你叻, 你係一定會成功, 當然可以PLACE係啱環境下 (際遇好)的情況下係會更好, 但絕不能以偏概全地, 非一即二

小子覺得新加坡唔係唔好, 只不過係比香港居住面積大, 但其實機會不比香港多. 而壓力又係一樣咁滯, 死谷爛谷

當然, 小子老細都有樣啱, 就係唔會LOST OF IDENTITY 的問題, 如果移民入大陸, 就係唔會有左"香港人" 呢D特質, 呢樣小子係好同意, 不過大家2047後香港係變左香港市, 仲有無香港人? WHY SO SERIOUS?

 亦帶出認為保持競爭力係一隻獅子, 去外國安樂係綿羊

其實小子覺得, 每個國家都有獅子同綿羊, 只不過係HOW DO YOU CHOOSE? 而香港係無得你揀, 做綿羊住新西都係會死人的, 新西都16000/呎, 都係要長途拔涉番工
而係外國, 你係可以 "選擇" 做一份HEA少少的工, 而係香港, 你可以"選擇" 排公屋, 做低端工作, 但係公屋都係要排到死為止, 同埋10000/月係香港物價下係慘過死

人最可貴的係有得選擇, 做獅子做綿羊? 最緊要係有得你揀

P.S. 最近小子有朋友又走左, 如果你得番3年命, 你仲會唔會堅持今天大家的目標與想法?

值得深思

而小子的答案係, 千里之行, 始於足下, 今天開始放慢腳步欣賞沿途風景

禮樂射御書數, 當一個城市, 無禮, 音樂搵唔到食, 射又射唔出 (射箭同射精都差唔多啫, 香港人仔都唔生, 射咩吖射), 御(騎馬,跑馬仲有得玩掛)

得番書同數, 死推爛推, 有何可喜之有? (書指畫畫....咩香港有張大千咩? 老千就大把) 

9 則留言:

  1. 何處適合自己不是重點,重點是此處不留人,自有留人處。有得揀,先係老闆。

    回覆刪除
    回覆
    1. 小子從來都係覺得天下之大總有容身之所
      人生數十年, 隨心便可, 實無必要執著對錯

      刪除
    2. 對,我都考慮緊移民⋯⋯

      刪除
  2. 近日有本書叫《中產必須死》(作者:高天佑),討論香港中產階層今時今日的生存之道,有一看的價值。

    回覆刪除
  3. 睇番之前東網"向世界錢進系列"
    個班移民就真係無競爭力0既綿羊喇,劈頭第一句就講外國住屋點點點好,就似90年代好多老粗港人北上包二奶一樣,去到其他地方好少少,咪以為自己係獅子LAW。

    另一POINT 好正,應該同二十幾三十個班講
    如果得番十年命,仲會唔會諗一生三宅?不如一生溝女啦X。

    回覆刪除
    回覆
    1. 如果得番十年命,仲會唔會諗一生三宅?不如一生溝女啦X

      70兄呢句好到, 如果得番1年命, 我諗好多人都係會做唔同野

      刪除
    2. 而家人太長命才需要諸多規劃,如果平均壽命得四十歲,肯定日日風流快活算Q數~

      刪除
    3. //如果你得番3年命, 你仲會唔會堅持今天大家的目標與想法?
      TBB有個節目叫長命120歲,一聽到就驚... 現在60仲係中年,80才是老年... 港人平均壽命成80幾90歳呢。
      所以乜乜導師、理財顧問、保險才賣到滿堂紅。預得返3年命,大家估緊自己至少80幾90歳呢... 甚至120歲呢...
      一生三宅?有120歲都未掛,應該個個有十零廿間...
      諗起都驚,都係出返去做野先了...

      刪除
    4. 而家人太長命才需要諸多規劃,如果平均壽命得四十歲,肯定日日風流快活算Q數~

      This is the saddest thing and happy problem LOL

      刪除