如何磨死一代人

 我地尊貴的張議員就係一個好好的例子, 一直租左20年, 計下佢交左幾多租, 20K X 12 = 0.24M X 20 = 480萬 (ON AVERAGE)

其實即係送左層樓俾個業主 （呢個時代係唔係咁我唔知，買左守唔到收幾多都無用。至少20年前買來租俾張議員，到20年後，數字係咁計）

小子屋企家門有D死PK, 小子家庭的租樓年期比張議員有過之而無不及, 所以怪不得人, 家家有個仆街之星

話分兩頭, 講番林鄭填海大計先:

林鄭特首呢家話填海, 開拓新土地, 理應增加到土地供應, 應該幫到年青人上會了是吧?

錯! 咁諗真係大錯特錯!

盲點在乎於新居屋的折扣優惠, 簡直係糖衣毒藥! 好多無樓人士梗係歡天喜地話DLLM 52折, 我地買到平樓唔駛捱貴樓! 唔駛買你D ON9納米樓啦..哈哈.....

其實係正中政府的下懷! 52折新居屋, 如果你諗住有下家接貨, 真係ON9到極點之中的G點! 林鄭想大量填海, 真正目的係想無限量供應平樓, 即係代表咩? 代表新居屋買左係唔會再有綠表市場! 因為後來者係唔會想俾一個貴的價錢買一D無限量供應的物件, 正如空氣, 唔駛錢你會唔會要二手空氣? 仲要俾錢?

呢家就係居二有得炒, 仲要政府包底俾D靚地俾你去炒樓...呢家林鄭打莊無呢支歌仔唱了.......（即係窮人想靠資產增值發達已近無望，做生意？工都未打好學人做生意？計下成功率有幾多先，做到生意者小子十分尊重，因為乃難得人才，好似70兄咁唔買樓靠生意搵錢，100個都無1個。打工？買埋間居屋已入死胡同，供到尾，耶耶耶，耶耶耶 側田模式）

鄭嘉FING 話齋: 荒謬!

而呢D新居屋都係會係填海選址, 無錯, 如果搞得掂環保L係會可以狂起, 但係市區私樓就會變得奇貨可居, 因為新居屋有價無市, 樓宇保存財富的能力亦都無埋....

到時D樓又係山旯旮, 又無市場....WELL, 但唔好唔記得, 係要俾錢架! 市價52折... (如果市價10M , 你要俾5.2M 喎..即係差唔多半世人的收入了......)

呢D錢又係掉左落咸水海, 到時填海地又有沉降要俾錢維修, 又無政府基建+遠離CBD, 真係葛BLESS YOU

呢一代, 如果中埋居屋毒, 真係會萬刧不復, 一個只有居住權的屋, 係無L用的

最最最撚仆街係居屋要補地價先可以出租! 即係佢地想出租都唔得, 係刑事!

即係拎左間屋, 又唔賣得, 又唔租得, 我真係恭喜你啦!

其實咁出招都好正常, 換個角度思考, 如果你係林鄭, 你想日日睇到業主燒炭, 好似03年咁個個月報有幾負資產, 有幾多人食二手飯吖, 定係好似呢家咁, 睇下BEN SIR 睇樓團叫人買外國樓對沖下? 今年7月1日仲有無人報示威幾多萬人? 

咁講雖然係好冷血, 但係從政者同我地打工仔普通人一樣, 都係有KPI

上一代係藍絲老屎忽, 走唔郁, 支持政府施政; 另一方面, 另一班反反反, 新年掉下磚, 一係話別國的事不關我事, 如果你係林鄭, 你會犠牲邊個?

【好唔甘心要買樓】男人60開始供樓 張超雄一直租屋逃避：唔甘心好depressing

男人六十 連環跪低 張超雄

「某某靠父幹成功上車，他和他一家都必得救。」地產版每天都有這樣的報導。張超雄今年六十一歲，首次在香港置業，卻無半分「得救」之喜悅，「好唔甘心，好depressing。」「我係好不屑去進入呢個遊戲。但喺度生存又無可避免。一直用租屋嚟逃避，到今日都要make a choice。」

香港樓市是龐氏騙局，只要心存公義都難以認同。是什麼驅使張超雄跪低？是愛？是責任？「嚟緊會進入收入減少嘅狀態。如果仲要交租， 唔知交到幾時。」他去年從理大應用社會科學系的教職退休，立法會還有兩年才換屆，趁著議員的薪津可通過壓力測試，還是快快趕上尾班車，「我僅僅仲申請到mortgage。如果冇mortgage，更加唔使買樓啦。」

供樓至八十歲，又是時候做逆按揭，想想都覺抑鬱。而且張超雄還有一身兒女債。他嚴重弱智的二女盈盈轉眼已廿七歲，雙方力氣此消彼長，「而家扶佢比較困難，俾佢拍兩嘢都幾大鑊。」多年來，張氏夫婦堅持親自照顧女兒，如今不得不為她申請政府殘障人士院舍，「唉，呢個係另一個跪低。」輪候人龍長又長，一等要十幾年。到時世界變成怎樣？張超雄只知蝸居仍未供滿。

張宅紮根海怡半島多年。今次在同一屋苑大屋搬細屋，豈止唔見一籮穀，「以而家嘅租金計，租一個合理啲嘅地方要二萬蚊，我哋之前唔止添啦。唔知自己退休後幾時死㗎嘛，如果十年都未死咪大鑊?廿四萬一年、淨喺交租都二百四十萬。唔使食?」「買咗就有機會保值。租呢，丟咗就冇得番轉頭。去到一個地步，就冇晒啲資產。」這些道理，阿婆師奶港女皆曉。但現時入市，不怕摸頂？「可能呀，但點知啫。如果我唔買，我驚風險更大。」

張超雄九六年由美國回流，看著樓市多番起伏。馬後炮的說，若他在任何一點入市，都要比今日來得輕鬆，「又冇咩後唔後悔嘅。 呢個係一個我哋一直都唔得閒諗、又唔願意去諗、亦都不屑去諗的問題。尤其我哋喺外國生活多年，香港係完・全・唔・值。你叫我用咁嘅代價買呢啲樓，完全唔合理。」

香港唔合理的事還有很多。張超雄在加州大學柏克萊分校取得博士學位後，在奧克蘭服務華人社區。市長把九月十三日定為「Dr. Fernando Cheung Day」，以紀念他貢獻良多。在美國一切安好，然而二女的出現，卻改變了他的人生，「有盈盈呢個小朋友，其實好冇安全感，有咩事真係唔知點攪。嗰時覺得，返香港始終有家人，有事佢哋即刻會撲嚟幫手。」

「對我哋嚟講，照顧上都manage到。但嗰種無間斷嘅擔憂，先係最大嘅精神負擔。所以我最感覺到，如果唔識向外求助、或者家人的支援不足，其實係困獸鬥。你幾錫佢，佢都會有發脾氣，攪唔掂。」《一念無明》的故事時有發生。一四年，一名全職照顧智障兒子的父親，因為筋疲力歇而嚴重抑鬱，刺死兒子後試圖自刎，也不知是生者或是死者更不幸。「返嚟香港就多人錫佢。星期日家庭聚會，係我最relax嘅時間，因為唔使擔心佢。」