投資切忌為做而做

呢排小子條腰抱得小小子太多, 整親

尋日去左推拿, 呀師父無啦啦推醒左小子, 問我, 吖, 我想賣左層樓好唔好?

我就問佢, 你層樓係邊? 係我老家河南.......

佢話, 咁好唔好買股票好呢?

小子就同師父講, 嗱, 你賣左佢買咩先? 拎住錢又有咩用?

佢話唔知呀, 見個價好就賣左佢囉......

好多老散都係咁, 為沽而沽, 又或者對個價比自己買入升得多就驚跌番原價

投資要贏, 先要戰勝自己的心魔, 無視市場先生每天的報價及其他人的嘈音

正如AGENT 日日都話你層樓好價, 有人睇, 唔通我又會隨便沽?

BTW, 佢叫我放950, 當佢知道我比佢更熟書之後, 改口話990都OK, 仲有客, 問我有無得睇...

梗係無得睇啦! 有樓睇加1M 係常識啦....呢個時勢暑假租務旺季, 如果仲有樓睇, 業主真係FIRM賣了

正所謂COLD CALL都要有誠意. 打個電話入機就知個業主有咩貨, 小小功課都唔做, 難怪日日都係度R COLD CALL.

做人做事都要用心, 如果30座C係公屋景, 9.9M, 叫個業主沽9.5M 等於話俾人知, 佢唔誠實.

真係勁的AGENT, 係有班忠實FANS, 好似海怡西分店有個勁AGENT, 日日做到10點幾, 佢堅持就係搵最好的盤俾個客, 但係謝絕混吉, 因為為人老實, 所以翻頭客好多, REFERRAL都不少

小子都係聽相熟AGENT 講, 有時間真係要會一會佢