2018年1月19日 星期五

理大教授的一席話

新的一個SEMESTER又開始, 星期三小子上左CORPORATE FINANCE 堂, 個教授係一個好平實的一個40歲的中年人, 但開場白絕不平凡:

大致要點係, 佢本科係讀MARKETING, 係無用的 (咁啱小子又係奸商管理MAJOR MARKETING, 絕對同意)

跟住教授讀左個MASTER IN REAL ESTATE, 而呢個係改變左佢人生的轉捩點, 佢開始於2003 年投資物業, 在座同學都不禁發出 "嘩, 唔L駛做啦你" 呢D聲響, 包括小子在內
其實於2003年有買樓, 基本上2018年退到休係合理預期

跟住教授話佢係大投行做 (即係JPM, MS, 等等), 到呢家最後一份工係放棄左5間大行OFFER而去教書, 係因為佢唔想再出賣肉身同生命俾人, 係時候要贖番佢

小子心裏面其實拍案叫絕, 估唔到呢個教授講得咁貼地, 小子之後係"自我介紹環節" 問左佢其實佢應為要幾多層樓先可以唔駛DO 呢? 佢答左2層, 一自住一收租
佢亦都講, 每年新入學的大陸人有19,000個, 而其中有50% 係會留番低, 而加埋每日150個名額, 呢家的房屋供應係遠不足夠

教授話, 而呢家係周L圍都聽到大陸人係附近講普通話. 佢話有朝一日大陸人唔來香港買野, 佢再聽唔到普通話的話, 佢先會出售手中所持物業, 而佢都勸勉大家如果一定要買一間
佢都話自己有4間, 其中一間係GRAND AUSTIN (佢無講名, 13年賣的九龍站應該唔係漾日居, 撆天, 君臨同天璽?)

佢仲話, 呢家係銀紙貶值, 唔係D樓升值 (咁撚牛B?!)
其實佢講漏左, 每日唔止有150人, 每年新婚人數30000對以上, 假設一半想搬出來住, 已經供不應求, 未計D人唔想入大西北洪水橋要揀市區等等因素, 基本上係你邊L度起D樓都唔夠數, 只不過年青人大多係會揀租唔揀買吧.....

咩咁似我的思維??????
大陸人係香港死哂就賣得啦, 有土斯有財係中國人傳統思想
係QE 洪流下, 資產升值係一個可以預期的副作用, 而作為小市民, 購入一間自住以對沖香港居住的生活成本乃係必然!

至於收租樓, 小子都係覺得, 你預左輸30%, 有50%以上首期, 你想買的話, 又唔輸得你死
不過看看四周, 都係無錢要借爆的窮港人居多, 大陸人買樓係FULL PAY的, 至少有相當一部份係, 而港人係押盡一生所有去買, 所以佢地覺得貴係理所當然, 然而事實係香港呢個咁L細的地方, 又無地震, 又無沙漠同埋沙塵暴 (北京), D錢又可以自由出入(洗黑錢), 食物又安全 (魚蛋係魚蛋, 唔係地溝魚蛋或者老鼠肉), 醫療又好 (起碼唔會打滴收你錢, 做做下手術你要DO WEPAY),個個都想住, D樓又點會平呢? (注: 2003年自由行先開波)

香港呢個咁L正的地方, 就係由窮人 (本土港人)服務一D外來有錢人, 係好L可悲, 但係反轉來, 如果你係有錢人的話, 你係會好L鍾意呢個地方的

小子雖然係窮人, 只希望兩公婆好似教授咁,日日做運動,唔駛憂柴憂米便於願足矣

14 則留言:

  1. 按進度小子兄唔洗40歲都達標啦,教授還要去教書,但本熊其實也喜歡退而不休的狀態,教授是藍本

    回覆刪除
    回覆
    1. 我都有諗過如果財自,係大學R份PART TIME LECTURER嚟做

      刪除
    2. 40歲邊供得完吖
      LONG WAY TO GO

      刪除
  2. 呢個教授有智慧

    BTW有時返返大學,周圍都係大陸人,講普通話,中共既人海戰術真係無得輸
    唔止校園,連我住既區,返學放學時間都有好多好多人講普通話... 不如合拼埋深圳,降返做深圳市香港區算啦..._

    回覆刪除
    回覆
    1. 深圳市香港區, 這是遲早發生的問題... 香港人要自我增值!

      刪除
    2. 強力部門雖然可以來港捉人, 但不能明張目膽 (TREEGUN MODE)
      又唔可以強行拆遷, 更唔好講生活質素係大陸人眼中, 香港有幾好了
      至少你去到養和仁安係睇好的醫生, 食好的藥
      開刀的話, 養和醫生都會掉低個公立醫院病人去醫私家病人
      大陸人眼中, 有咩好得過"有錢我大撚哂呢"
      雖然可悲, 但你轉個VIEW 便知點解佢地咁熱愛香港, 俾你踢喼都來, 必有其原因

      刪除
  3. "OASIS呎價2.2萬貴絕啟德 - 第二期,首張價單折實平均呎價逾2.26萬元"
    銀紙貶值,好快呎價2萬會成為常態!

    回覆刪除
    回覆
    1. 己係新常態, 巴炳頓山都32K
      爛鬼吊腳西半山, 小子呢D草根想搵間魚蛋吉下都無
      梗唔買, 同埋買唔起

      刪除
  4. 教授真叻, 可能上堂教下你地佢發達獨門秘技勝過書本上的學問

    回覆刪除
    回覆
    1. 佢只買HSI 成份股, 佢話其他股都係老千
      管理層根本同小股東有CONFLICT

      刪除
  5. 呢個教授有料到,捉住佢傾street smart計有用過上堂啲book smart

    回覆刪除
  6. 一間自住, 一間收租應該唔係好得, 要預空租, 除非佢有好多儲蓄倉 !

    回覆刪除
  7. blog 主用個"撚"同"L"字非常流暢, 忍唔住留個言, 睇得好L爽快! 哈哈

    回覆刪除