當「脫貧三寶」撞上供求鐵律

依家香港仲有咩職業係「打工皇帝」或者「脫貧三寶」？

以前大家毫不猶豫會答：醫、藥、護。

特別是護士。五、六年前，如果你個仔或者女入到 Nursing，全家真係開哂香檳慶祝。大家個心算盤打得好響：畢業起薪點三萬幾，有公營醫療體系（HA）呢個無限大嘅買方照住，做幾年升個 APN就六、七萬，簡直係perLfect, 靚女個D入老養輕鬆年薪過百, NURSING 都過百喎師兄, 我真係不能夠相信。

但最近睇到聖方濟各大學嘅註冊護士（RN）畢業生，寄咗 30 幾封信，等咗幾個月，最後公院無回音，私院、社福機構又壓價，搞到要走去「炒散」做物業管理客服、做海外緊急醫療運送。

連「鐵飯碗」都開始生鏽，到底邊度出咗問題？

答案好簡單，無人能避開資本市場最基礎嘅物理定律——供求關係（Supply and Demand）。

一、 盲目擴產的後果：產能過剩

「當一個產品好賺，所有人就會一擁而上，直到利潤被擠壓到零為止。」——這不單是商業社會的定律，也是香港大專院校的寫照。

以前護士點解咁L馨香？因為「缺人」。政府眼見人口老化，年年大喊醫護荒，又有醫護移民等等, 於是政府都唔係on9, 幾年前開始瘋狂增加護士培訓學額, 以前得HKU CU NURSING 好D, grad 左直入, 呢家? 開多N 咁多間, 吹呀。

• 2016/17 學年：大約 3,200 個學額。

• 2024/25 學年：暴增到大約 5,000 個學額。

八年時間，學額增幅近 60%！

呢個代表甚麼？代表大批新血像工廠流水線一樣源源不絕送入市場。但與此同時，好衰唔衰, 呢家赤字, 一定要cut funding, 政府面對財政赤字，醫管局要開源節流，非政府機構（NGO）被削減資助。

買方的預算縮減了，但賣方（畢業生）的供應卻創了歷史新高。

當「供過於求」一出現，市場主導權就瞬間從「打工仔」轉移到「老細」手中。以前 HA 搶人，面試只是行過場；現在？病房經理（Ward Manager）在實習時就拿著放大鏡睇你表現，不夠聽話、不夠勤力、甚至請假稍多，唔係好合群, 有個性個D, 直接收你皮, 「黑名單」不錄用。

二、 外勞與降級消費：醫護不值錢的先兆

市場最L殘酷的地方，在於「定價權」的轉移。

新聞提到，現在不少私營機構和安老院舍出現了「定價降級」：

1. 工時拉長、人工變相縮水：以往 9 小時的「私家更」由近 2,000 元跌到 1,500 元。

2. 高學歷、低崗位：拿著學位（Degree）的註冊護士（RN），被要求去做原本登記護士（EN）的工作，拿著 EN 的薪水。

3. 外勞替代：輸入非本地培訓護士的門檻放寬。對安老院老細而言，能用更平的價格請到人，為什麼要花溢價請本地 RN？傻的嗎?

呢D叫做「降級消費」，即係D人去番內地食野洗錢咁, 唔好以為唔關你事, 最尾都係一齊食番。當市場資金緊絀時，買家不再追求「最好、最貴」的配置，而是追求「夠用、最平」的替代品。

在老細眼中，你讀 5 年書的尊嚴和專業，在「Cost reduction（成本控制）」面前，s9rry, 一文不值。

三、 真係咁值錢? 一葉知秋, 唔好再on99

很多入讀醫護的人，往往有一種幻覺：以為高薪是因為自己優秀。

事實上，護士以前的高薪，很大程度是建立在「行業准入壁壘（Barrier to Entry）」和「政府財政補貼」這兩大護城河上。這就像以前的士牌一樣，是政策給予的「特許經營權」。

一旦政府開始放寬外國, 內地醫護、大增本地學額，再加上庫房縮水, 補貼減少，這個行業的「溢價」就會迅速消失，回歸到它應有的市場均衡價格。

今日護士, POLY 5寶都無以前咁好景, 將來會唔會到MBBS ? Let's see.