近來又食幾餐FAREWELL飯, 又有都幾多舊同事, 朋友離開或者將會離開香港
小子統計, 賣樓走的50/50 左右, 無他, 港樓一早買樓都真係好好肉, positive carry 租>供
香港政府又成日免差餉, 香港樓暫時來講持有成本係極之低廉
相比起英國的, 你升50%, 但要交18%稅, 扣埋扣埋, 如果滙水跌, 你滙番USD/HKD有幾多賺頭真係唔多清楚, 麻煩就一定
For diversification, OK, 玩ALL IN的話, 小子係有保留的
無他, 香港, 無錯, 在本土香港人眼中分數係大打折扣, 抗疫成果好唔理想, 官員處事手法同民眾預期又有落差, 180人, 另加N個官員去出席生日會, 唔駛檢疫, 但係平民就圍封強檢5日
唔理咩政見的朋友, 都有微言
承上, 賣樓走的係50/50, 小子的公司80% 都係內地海歸, 又反其道而行去買
有人覺得奇怪, 小子則一向認為, 香港係人材流轉之地, 可能香港唔適合本土香港人, 因為同以前所"信奉"的制度有出入, 即係好似跑馬咁, 跑開谷草1600 C+3, 呢家轉地, 跑膠沙地或者田泥
哪怕你係金槍六十, 都跑唔到入頭3
香港在一些人眼中由100分跌到90分, 或者80分, 但80分, 在另一班人眼中, 係OK的
投資, 情感, 同大勢都要分開來研判
暫時來講, 移民潮係有的, 而且筆者預期會在3-5年內愈來愈快
但大局來講, 有無人填補空缺, 點填補, 政策面上如何處理, 還是一個未知之數
小子亦佩服英國人玩政治的手段, one bird kills two stones > _ <
錢財, 人材, 一個吸星大法可以吸走不少中產過去, 客觀來講, 係幾高章
西方人玩政治係高明D，而且有主流輿論作支持，中方唔夠佢玩
回覆刪除好馬去到邊都跑到成績, 君不見馬王們總是杜拜法國日本四圍飛, 泥路濕重照跑出? 但香港呢, 就有班三四班馬以為自己係杏目呢... 作為普通低班馬, 走出沙田快活谷之後, 剩餘價值就只能用來做馬肉米粉, 咁你自己蠢去做都算, 拉埋自己下一代一齊去先慘.
回覆刪除西方玩政治可能高明, 但依我看問題還是教育和傳媒出問題比較大, 誰叫國家積弱太久? 想當年弱國無外交, 眼看人民被騙也無法還手.
可惜係三四班馬...又係真....
刪除哈哈. 二班頂啦, 跑唔到G1就梗
//但依我看問題還是教育和傳媒出問題比較大//
刪除教育同傳媒係配套產品,
人民接受佐一套教育學識佐一套價值觀(唔O岩聽就叫洗腦), 傳(官)媒宣傳建立國家形象就跟住套價值觀去做
大陸既套家長式文宣對國內都好WORK
同一套野搬泥香港, 人均接受廿年人權自由經濟市場化教育, 大陸打大孖沙益蟻民(排除有玩股票損佐手)都話唔啱, 唔O岩CHANNEL就無得玩
西方耶教傳教上千年經驗打底, 文教X宣傳理念一套流程熟到爛, 中國有排補課
//可惜係三四班馬...又係真....哈哈. 二班頂啦, 跑唔到G1就梗//
幾多班馬都好, 發達國家只係G1先吃香, 二班賽事場次少又低獎金,
香港人去到人生路不熟, 水土不服仲想去搶飯碗?
掉轉去阿非拉國家(當中都有民主國家, 比如瓦努阿圖)低班賽事集中地就有得玩, 願意咩?
--Dogdogchi