海怡半島特色單位

上星期日，小子睇左海怡半島特色單位。

特色單位分為A/C/E/G，跟據唔同的座數有唔同的組合，由952' 實呎 (室內)到1329'實呎不等，另加3XX 至4XX 呎露台。

這類單位在海怡半島要搶手貨，成個屋苑都係得幾十間，對上一個成交要上到3,410萬 (1329呎)，圍番26K 左右，比起當時的呎價15000左右差唔多開成個DOUBLE。

然而，入到內裏，真係好睇唔好食，雙鑽廳有一大單邊延伸出平台 (空中花園)，即係個一邊係放唔到沙發，而另一大邊係落地玻璃，又係放唔到野，窗口對面又係廚房同埋書房入口，又係放唔到電視，個廳戶主只可將電視放在書房同埋平台中間個位或者靠睡房的窄牆，感覺十分奇怪。

而且，單位雖然打通，但係將B單位變左做平台，即係原則的房小子已估計係極細，實地DOUBLE CHECK係比兩房單位仲要細少少，介乎2.5房的主房左右 (632'則的主房左右)

加埋頭房的大細又係偏細，類似888' 則的頭房左右。

而士多房似4期3房半781'則的士多房，即係等於2.5房半加2個士多房。

小子覺得好怪，當然特色單位係非常搶手，結論只係小子唔識欣賞而已。