一百萬的問題 (A Million-Dollar Question)
剛剛收到樓下的一個全日制K1的OFFER，呢個OFFER 值100萬
3個小朋友，12萬一年X3 = 36萬，K1-K3 總值108萬，未計及通漲及N班。
然而，這個決定只係一個HAPPY PROBLEM，亦唔駛太多時間去決定。
小子是本土名校出身，相信有爬文都大約知道。但是學唔學到野呢?我覺得還是OK，反正千金買屋，萬金買鄰，同學的質素係好重要。回想起當時真係無咩點讀過書又碌到過去，到中六中七開始讀時又太遲，入唔到神科 ，其實仲好，我呢家打針都怕血，當時係諗住可以幫到人，但出到社會都發現有好多野唔係只係睇一面，例如幫人，你捐下血捐下錢都幫到人，思維其實係立體而唔係單一性的。
至於出到來做事，最重要係自己學習及解決難題的能力，亦即係自動波。
而你在大學讀的，中學的PHY CHEM BIO 其實都真係無咩作用。
出來講野同埋寫文等等的廣度 (其實都唔係好"廣")，主要係靠自己不斷閱讀，學習同埋思考得來 ，這正正係西方教育遠比中國教育好的地方。傳統教育著重背誦，抄寫，操練，這培養到小朋友的刻苦，同埋堅毅。但創新方面亦有所欠缺。
而靜靜地坐下時，基本上再做少少FACT CHECK 去肯定一下成件事的LOGIC FLOW，再加上下一代都有自己的路要行，敢於創新同埋RISK TAKING 從而自己去找個答案其實係好重要，所以，結果自不待言。
下一代小朋友好大機會於世界不同地方發展，呢幾個因素亦好重要。所以it's an easy decision.
謝謝小子兄，的確是很好的反思，我非常同意西方教育在人越大越出來社會越能幫助佢人生上遇到困難時解決問題，而刻苦和堅毅，相信這可以家長自小培育，尤其是中國家庭成長的我們，相信這刻苦和堅毅方面能協助他們。
回覆刪除更同意未來世界發展，的確創新、熱愛探索對小朋友來說，比起背誦，抄寫重要得多。
因為現在什麼都能google, 人的計算能力和記憶力都不及電腦，或調返轉講可以靠電腦協助。
因此我們要操練的，應該是我們的思考能力和小朋友的思考能力。
最後還有一樣基礎，就是很想教曉孩子的
就是不斷閱讀，增廣豐富自己的知識。
重複閱讀練習，令喜歡的點子或別人的強項，變成自己的東西。
小子兄, 很羨慕你諗得咁清晰, 我仔尋日收多1個K offer, 對其他家長來說應該係really happy problem, 但我諗到頭都爆...
回覆刪除呢篇文比左啲insight 我, "敢於創新同埋RISK TAKING 從而自己去找個答案其實係好重要" 可能係下一代最重要的attribute 呢, 邊個路向可以增強呢方面既能力, go for it.
//千金買屋，萬金買鄰，同學的質素係好重要。
回覆刪除--> 同意。也令我琴晚諗緊係咪要同阿囝撲返間好些少的小學。
三兄，有緣相會。真人比真實年齡後生呀你! 哈哈!
刪除真實分享，小子中五前都無咩點溫過書，顧住玩，做哂老師俾的功課又咁好彩死唔去咁解，負碌精也。
今年最大得著係識左好幾個好似快兄咁充滿睿智的新朋友！下次我又帶支紅酒出來，借花敬佛！
刪除咁我又分享下，我由小學開始一直死讀書，讀死書，再加埋負碌，先上到鄉大。哈哈！
好呀，下次務必1要預留足夠時間，3小時真係未免過短
刪除次次食飯都傾到人地打烊
謝謝AC兄及唐兄留言。
回覆刪除誠然呢家KNOWLEDGE IS CHEAP，靠上一代"發三師"的路已然行唔通 (因為已經無左資訊不對稱)。在人口增加的全球化的同時，the world is flat, competition is on your left，即使連最"古老"的政府海洋公園的CEO都係會全球招聘，如何令小朋友學得學習的方法，整合ideas 同點樣present 出來比起背九因歌，弔古戰場文，人生的意義等等worth spending the time.
>萬金買鄰，同學的質素係好重要。
回覆刪除恭喜！
我年紀比較大，女兒現上了中一，這句話只會越來越重要。
名校與否，無所謂啦
回覆刪除返學，識少少加減乘除，學好語文，了解如何在群體自處，待人接物，鑑貎辦色，僅此而已
回覆刪除有個好既開始，好既根基，好既價值觀，做個世界公民，崇優擇善，咩錢都抵俾，公喜公喜~~
John
問題...幼稚園HAPPY完,小學如果入番主流,係咪都係回歸填鴨世界? 引領思考發問,是否要去番國際同出國留學呢?
回覆刪除是的，所以決定並不是幾年，而是連埋移唔移民,連同對香港的長遠研判。
刪除如果讀國際，考IB，但係入土炮大學，出來同國內精英爭一份BIG 4的話，其實都係多餘。
主要原因反而唔係填鴨與否，反而是長遠他們的"可能性"會比較著墨多點。