2019年11月20日 星期三

鹹淡水魚

小子好鍾意食,食到肥屍大隻,特別鍾意食魚,仲要自己整魚食

鹹水魚如東西星,紅瓜子,黃皮老虎等等,特別在鵝頸橋底個間買D靚海魚(仲有得食海蘇眉,呢家係領有牌照先有得賣)。

一般海魚都有養殖,如老虎斑等,但一比就知食味有好大差別,D肉特別削D,更唔好講有深海魚個種魚油同埋層皮,大如龍躉可以用來扣斑尾,好食!

淡水魚亦都有上等貨,梅菜蒸鯇魚做得好食,撈飯食直頭食到唔停口,鯪魚滑煎釀三寶自家制少油又有風味......

不過小子真係好少食淡水魚,原因係真係污染得好緊要

15種鹹淡水魚含更毒PFOS


咪住....係唔係俾人HACK Q 左個ACCOUNT 呀? 我睇緊D咩?

但係咪住,有無鹹淡水魚係街市賣呢? 其實市面上好少得食,多作觀賞用

https://www.aquariadise.com/6-brackish-aquarium-fish/

香港人就好似鹹淡水魚咁,不過本身鹹淡水魚是但放養純鹹水或者純淡水魚都生存唔到,但人唔同,華洋共處,放兩邊都死唔去。但係有個副作用就係所謂兩邊都不是人。所以只有好似步步友咁狂鞭猛進,令到兩邊都敬重同埋學習,才可以佔世界的一席位。

鹹水魚如果比做外國的話,外國的價值觀是創新,科研,創業,相比下鮮有買樓收租做地主,發展中國家如德國的租客保障更大得令人咋舌。而2019年十大首富入面,Amazon, Microsoft, LVMH, Facebook, Zara, Google, Bloomberg, L'Oreal......

呢D都係面對"世界"的巨擘品牌。

西方價值就好似海洋咁,最大條的海斑,食味最好的,絕大多數都是由海洋中獲得,無他,面向世界。

而中國方面呢? 有土斯有財,根深柢固,中國有紅二代,官二代,仲有拆二代。

一塊地的賠償,足以買起10間,20間新樓,從此生活無憂,是以內地的房地產業仍舊是最大產業的原因。只因為保存財富之故。


https://top10bikeguide.com.tw/renwu/fuhao/shishi.html

排名名字年齡財富值財富來源
1
541490億美元亞馬遜
2
62938億美元微軟
3
87823億美元伯克希爾-哈撒韋公司
4
69812億美元LVMH
5
34796億美元Facebook
6
82738億美元Zara
7
78647億美元America MovilSAB
8
73593億美元甲骨文軟體
9
45548億美元谷歌
10
76533億美元彭博社
11
44532億美元谷歌
12
82511億美元美國科氏工業集團
12
78511億美元美國科氏工業集團
14
65490億美元歐萊雅
15
61463億美元印度信誠工業集團
16
70421億美元沃爾瑪
17
46419億美元騰訊
18
73419億美元沃爾瑪
19
68418億美元沃爾瑪
20
62417億美元微軟


不少人都追求自由,外國的價值,可能去移民,洗錢還好,但如果去打工,真係頭都痕,同香港唔同PACING,但下一代能夠擁抱價值觀下,魚唔過塘唔肥,過到塘更加不得了。

能夠食兩邊茶禮 , 或者禮貌D講,"WE CONNECT" 到兩邊的小粉紅,其實係比較吃香,ABC+京腔,熟知兩者文化差異,吃得開自不在話下。

停一停........小子兄,咩"小粉紅"? 唔係講緊香港人咩? 是的,係小粉紅。1980-90 年代,中外貿易靠香港呢個中轉站去做,玩配額,玩加工, 造就香港不少廠佬富豪。到2010年,加工市場都轉左去越南,柬埔寨,金邊,泰國等等東南亞地方,香港自不然無呢個優勢。

但做左資金流方面的中轉站,人民幣國際化,內地公司香港發債,上市等等,在國內方興未艾,雖然會計制度及知識等等在2000年後已追上香港,小子見普華永道 (PWC CHINA)的AUDITOR 有不少功力比土炮三大的會計畢業生勁 (小子呢D三流會計師更不休提)。

而呢一代的受惠者,是小粉紅,不是香港人。香港人在內地,10年前仲係好吃香,到呢家應該好麻麻下,筆者朋友在內地都對香港的事件唔高興,先不論黃藍,唔好講大家資訊流唔流通,得不到中國人人心係一定。

未來的路,容許我講,係比較艱難的。

而香港作為鹹淡水,其實係小粉紅的絕佳生存地方,是以中國政府大力加強在財產中的控制權及經濟方面的話語權。
我們可以見到的將會是中資加快TAKEOVER 港資,而在小粉紅充斥香港下,下一代做下個小粉紅的機會還是有的。不過有D核心價值係要GIVE AWAY,值唔值得就見仁見智。

這是一個艱難的時刻,風雨過後還是有彩虹。

然而,好多朋友都問小子,點解香港政府做得咁差?小子傾向係"那個女人"叻唔切衝出來X,而中國無計可施下,唯有力撐,始終國家的完整大於一切。(搞串左台灣個PARTY其實佢死100次都唔夠賠)

其實小子認為最正路的做法,早10年已經做緊,亦做得很好,香港人好多都驚訝中國的發展這麼快。小子當年去國內exchange,10 幾年前人地地鐵都係得3條綫,早幾年同太太番大陸,嘩, 24條。而我地香港仲係啱啱先起完港島綫延線同南港島綫。

好多香港人亦都學習緊中國呢一套,亦唔介意亙相讓利,捂住一D良心,多一D愛國。幾多後生一代去飲喜茶,玩抖音,睇我是歌手,反觀香港TVB? 除了翻播之外好像無大作為,青黃不接。

文化的改造,等於魚生存中的"水"的改造,中國其實做得好啱,只係做得太急進,令到香港年青人反感,做不到"溫水煮蛙"的效果。再加上當今政府做得太核凸 (你睇下曾鈺成,唔係俾影到個朱媛,佢真係完美示範推左走右,政治家之名當之無愧),所以引來巨大的反響,將前人20年的功勞盡毁,"那個女人"真係大大鑊。

小子亦相信成立獨立調查委員會交人頭係事在必行。證據周圍都有,交出幾百個,幾千個人頭,能換來香港政商平民團結平息事件,點睇都係最有利,而外國政府的所謂幫助,亦是推動其查警暴的推手,但其他要求如831框架外的普選,真係睬你都有味,呢D基本法寫到明俾,但無話幾時俾,好似賭仔咁,有錢咪還囉..你真係吹佢唔漲,叫人收數咩,佢話我無話唔還喎, 你無得揼佢的。

死人的, 一手推哂去警察度便OK,加幾件問責制官員辭職,50% 人收貨便OK,唔駛100%。(你睇下理大事件便知,人少的話,唔會理你)
好似政府咁講,平息左事件先。事在必行就一定,如果讀者當中有FORCE的人,真係要小心,留多點證據證明,執法時留一手,免得到時俾人清算。

國家利益大於地方利益,亦大於個別人民及族群的利益。

小子睇法:
如果REWIND 由1997年開始,最好就係輸入極高智商同PACKAGE 的人入香港,不斷將香港的人average 質素提高,做個好的模樣俾國際同埋台灣睇,一國兩制係幾咁成功,將天朝大國的風範展現出來,令到1997年怕回歸的移民華僑都揼心口,先係最成功的演譯,不過可惜,共產主義同資本主義係iOS 同Android 機,撈埋係會死機收場的。所以......你明我講咩的。(唔明可以睇番"紐倫港")

但鹹淡水係唔會改變的,買港資產的人可以肉身不在港,請準備移民的您您您,不要那麼輕易地清倉出貨,97年移民個班已經完美展示左個下場俾你地睇:悔不當初。

10 則留言:

  1. > 筆者朋友在內地都對香港的事件唔高興,先不論黃藍,唔好講大家資訊流唔流通,得不到中國人人心係一定


    還記得之前香港旅行團在菲律賓俾人綁架,菲律賓警方表現無能,香港班中產又話要鬧屋企班菲傭姐姐當報仇,將心比己,如果我係大陸人,見到香港黑衣人狂燒中資銀行,喜茶,華為,小米等等,佢打大陸遊客,我都對香港反感,無發生香港人在大陸比人打已經偷笑。

    回覆刪除
  2. 商人平民當然想盡快獨立調查,
    香港人係經濟型動物, 普唔普選無乜人至在, 只要獨立調查一出來, 起碼平息無8成都7成,
    咁就唔洗日日二噁英放題, 件事亦可以完場再收拾殘局。

    但當權既唔係低能, 到目前為止都唔想讓步一定有佢原因,

    佢地可能覺得成件事只是小問題, 完全在掌握之中, D人捉晒就無事。
    (客觀事實睇到樓市股市都無乜影響, 阿里過來抽1千幾百億亦好順利)

    亦可能認為管治靠威信, 如今日跪低/讓步等於過去5個月都一直係做錯, 到時代價可能更更更大。
    (可能有人話到時咩都推比個女人咪得囉,但小學生都知成單野都係上面話事,個女人只係執行)

    最後希望當權既快手一次換晒班建制派, 佢地水準低就緊, 最幣當權既好忙架日理萬機, 平時係靠呢班人收風。
    風平浪靜可能都相安無事,
    但有起事上黎, 你放錯風當權收錯料, 就隨時做錯決定, 而有D決定一做錯就好難返轉頭...(721)

    回覆刪除
    回覆
    1. 我成日都話,你可以支持建制,但如果你票投周浩鼎。

      我真係好懷疑你智商。

      刪除
  3. >你睇下曾鈺成,唔係俾影到個朱媛,佢真係完美示範推左走右,政治家之名當之無愧

    有關朱媛,曾鈺成有佢既版本:

    被指入理大尋找女生 曾鈺成澄清:非任何達官貴人子女

    但無論各人係信邊一個版本,佢都係作左一次有力示範。

    我自己就番睇緊黑社會...杜琪峰真係一個預言家...

    回覆刪除
  4. 無論真假,咩人在行動前總有其動機~~~~~~~~~~

    回覆刪除
  5. 小子兄,那你會如何安排小朋友學業之路?

    回覆刪除
    回覆
    1. 暫時讀國際幼稚園先,因為英文始終係國際語言。

      小學到時睇下點先,暫時未定,可能已經移民走左。

      刪除
  6. 其實一早成立個獨立調查委員會, 相信好多和理非已經收貨, 已經可以瓦解呢場運動, 越拖越耐就越難搞.

    狂鞭猛進, 谷得勁得滯隻馬好易出事, 尋晚又有隻跑跑下斷腳喇, 香港D賽期係咪太密, D馬跑得多得滯, 呢兩三年成日都有馬斷腳既..

    回覆刪除
    回覆
    1. 都係賭少幾場,之前無左幾個RACING DAY,班友仔造到九彩,大熱成日都死

      刪除
  7. 可能好多人唔認同, 但:
    97年移民個班已經完美展示左個下場俾你地睇:悔不當初。

    在歷史巨輪中咁岩坐到個靚位, 就唔好輕易走開了

    回覆刪除