2019年5月22日 星期三

給兒子的短文 - 的士奇遇記

今日小子搭的士番工, 眾所鳩知小子住邊...出入一定係香港仔隧道 (唔係番中環)

一上車個的士司機的對話係

的: "唉, 行隧道?"

小子: 係呀師父, 唔該 (唔通去CWB 行蒲扶林???)

的: 吊 (真係講粗口), 我就係唔L鍾意行隧道, 好L塞, DLS 接L左你

** 係呢度要分開講一講先...

小子從前係一個極度燥底兼且鳩屎串咀的所謂"名校生", 只不過俾社會大學修理過, 修理到已經無咩火, 因為反CUP佢都無意思, 如果佢亂開車, 我生命受到極大威脅, 所以, 唔駛硬碰, 亦不必作口舌之爭.

如果俾著以前, 我只係會以下回應2揀1:

1) 吊, 咁你去唔撚去吖, 唔撚去咪去黃竹坑差館囉, 講咁多野把撚咩?

2) DLLM唔好渣的士吖嘛, 番屋企番自己架車, 想去邊都得啦

點解我話LINK到"名校生"呢? "名校生"當中好似一個社會的縮影, 而小子, 就係最下層 (因為唔係富二)的的士司機, 所以會串咀以企圖攻擊人地/保護自己, 下下都DIU L 左先, 無蝕章.

但係呢個做法係社會大學係大忌!!!

小兒, 記住: 滿招損, 謙受益, 三省吾身, 律人以寬, 律己以嚴

伸手不打笑面人, 即使對方如何, 保持心境平和, 一笑置之便可 

*****************************************************************************

講番程車, 跟住車程係4個大字 " 一路順風", 隧道一D都唔塞, 出左隧道都唔塞, 小子8:42分上車, 8:56分落車, 呢家仲食緊個早餐添!

正所謂可憐人必有可恨之處, 小子同司機講,

師父, 一D都唔塞喎, 下次唔好鬧個客啦, 都無塞車無啦啦俾食你一口

司機為之語塞, 無再出聲DIU 我老母.....

不過小子相信咁樣處理係有機會令到佢戾氣減少, 而我又唔會嬲喎....哈哈......呢D係唔係叫做老油條?

可能吧, 但對老細, 心境平和必有所得, 做生意及投資都係, 戒急用忍, 方為上策

6 則留言:

  1. 快兄發財立品,尤其對下家從理解角度出發,對孩子絕對有身教之用!
    由於小弟有親人曾經做過運輪業,所以一般情況下,小弟對司機大佬都傾向從理解的角度出發。反而,很多人都沒有想過的士司機都會蝕錢,比如打的去到山旮旯,令到的士大佬要吉車出來時,又有多少人想過要多些貼士呢?
    其實很多事都很簡單,就是三個字[同理心]!同理心,孩子需要,大人更加需要。

    回覆刪除
    回覆
    1. 三兄見笑

      小子一未發財, 二亦無品
      只係發脾氣對身體無好處, 而你發人脾氣一定會收番D唔好的脾氣, 所以才忍住唔發, 乃自私也!

      刪除
  2. 快活兄EQ真高,多謝分享,受教了

    回覆刪除
  3. 香港的士佬向來都無乜服務水平可言, 個的士牌於佢地只係搵食架撐, 所以至緊要快快快踩多幾轉賺多啲錢, 牌照背後所謂服務市民既承諾, 除左犯例會罰錢既之外, 根本就無人會理.

    所以政府唔出手的話, 的士佬比uber打到趴街是合情合理不過!

    回覆刪除
    回覆
    1. 搞到我想買個牌對衝下俾佢地的"受氣成本",不過都係免了, 江河日下便PK (睇下小巴牌)

      刪除
  4. 小子兄,我同你都一樣,唔會出聲.但我係連最後"師父, 一D都唔塞喎, 下次唔好鬧個客啦, 都無塞車無啦啦俾食你一口"呢句都唔會講.可能本人重化.

    回覆刪除