2019年1月8日 星期二

點解我唔鐘意講股

本來呢篇文係DRAFT BOX 度已準備DELETE

但係有見買長和篇文的VIEW 同COMMENT 忽然之間上升, 小子非常理解大眾都係鐘意 "賭" 股票, 所以....按下PUBLISH 呢個制....

"悶悶地贏, 好過過足癮輸", 實在係投資的大智慧

各位可以睇下上一代的長輩, 唔係得罪, 小子身邊的長輩知道小子做呢行, 日日都問"買咩好?"

每次小子都係答, 其實我幫公司買債券多, 至於股票, 真係好少玩, 玩都係一年應佢地老細做下OPTIONS接左貨等出

再抽離自己睇多一次, 一來, 好多上一輩係97年輸身家, 幸存者呢幾十年就係度炒炒賣賣, 贏就大大聲, 輸就唔出聲, 輸的, 已係自己的時間, 回來已是百年身

小子未畢業開始玩股, 都有10幾年,  我估正常人玩我都玩過, 炒孖展, 牛熊, 輪, 期指期權, 甚至乎邪惡地捉10大升跌爬格仔等等......小子對股市, 只係玩票性質, 永不投入全副身家, 小"賭"怡情

真係好想同佢地講, 其實你唔好再問啦, 炒左幾十年都係咁, 你唔悶架?

一個對比, 如果你97年買左太古城, 又死唔去, 係咩CONCEPT? 贏7M (怕且唔係好想計ROI 吧....)

對比起你買股票死渣20年......輸通漲都輸死你, 唔好計你賬面其實贏下輸下, 一點吋進都無.

每次有BLOGGER 貼買幾百萬貨的時候, 總會有好多聲音應為要ALL IN 某某幾隻, 又或者/甚至乎會問係咩"原因"令到你買呢隻股....

講真, 答左等於無答, 又要懶PRO咁講點點點計, 寫完自己唔笑, 狗都吠

不過, 呢條問題其實問得好好, 玩股票, 小子都係"賭" CATALYST 為主 (即係似event-driven investment...吊, 賭就賭啦, 咩investment....係賭CATALYST, OK?)

FROM 朋友: 1仔點解升就因為tamasek 賣watson, 就係咁簡單

係囉,我L知TAMASEK 賣WATSON 咩? 我L 知誠哥增持1113咩....

好彩啫!


小子買股票係會守一個紀律:

1) 輸哂唔影響生活

2) 只賭短期CATALYST, 3個月內大多清倉, 唔會"短炒變長渣". 當然會有輸錢時刻

一般輸到PK 的人都係死磨爛磨, 最經典的例子係2018/2382, 40買, 150 唔走, 跌番落40, 到頭來白忙一場, 當然有人會話, 我150走咪贏你4倍, 你係啱的, 但係你有無本事隻隻都係咁? 同埋沽到的原因係因為你睇到佢 IPHONE SALES 到頂? (80蚊沽空個班所謂專業投資者都俾人夾到180, 夾到離L哂地), 定係貼地少少, 因為閣下好彩?

當閣下仲沉醉於股神的MODELLING 同埋成功因素時, 小子只睇到佢其中最暴利, 最鍾情的一種業務, 就係保險

求其貼條LINK
http://leaderkingjustin.pixnet.net/blog/post/222123303-%E3%80%90%E5%90%8D%E4%BA%BA%E4%B9%9F%E6%8A%95%E8%B3%87%E3%80%91%E5%B7%B4%E8%8F%B2%E7%89%B9%E8%B2%A1%E5%AF%8C%E5%B8%9D%E5%9C%8B%E7%9A%84%E5%9F%BA%E7%9F%B3%EF%BC%9A%E6%AF%94%E5%85%8D

呢個世界最正的投資, 係"偷人條CASHFLOW 借力打力"

咪住?! 咁咪即係.....MORTGAGE? (巴老講左, 30年按揭係好L正喎....)

誠然, 一般窮人要發圍, 只可以借力打力, 巴老可以買左成間保險公司, 而佢地再偷左條CASHFLOW 買BONDS 去食ARBITRAGE

而閣下? 會唔會/有無呢D機會係身邊? Mostly likely not.

雖知道, 人家股票個浸, is only the tip of the iceberg, 若然一般人盲目信奉ALL IN 自己身家同埋hard-earned money, 100% 投放於股市, 下場無異於自我斷送生命

問下自己, 玩左股票咁耐, 得到D咩?
呢個唔係關於財自的問題
你的時間值得更好地花在家人同埋你的興趣身上, 唔係浪費於每天追漲殺跌
Your time should be well spent

11 則留言:

  1. 英雄所見略同,我一樣認為老巴只是本多終勝,他有大量强勁現金流去防守(就算他看錯),他買錯ibm, 最新例子係apple

    回覆刪除
  2. 快兄,請容小弟這次一雞兩味。以下為小弟覆R兄的留言:
    在歷史的長河中,唔印銀紙,甚至收返堆銀紙去燒的年份只屬極少數。君不見美國縮表N年,M3不止無跌,仲一支箭咁升嗎?坦白說,我由美國1960年睇到家下2019年,只見到幾年M3微跌,但幅度細到肉眼都睇唔到。(詳見:https://fred.stlouisfed.org/series/MABMM301USM189S) 你想佢真縮,你想估到幾時?
    在這條大TREND下,其實只有穩定現金流的,那管是兩電一煤,悶悶地,坐定定,總坐到美金變成陰司紙的時候。估跌 3 / 5 / 7 / 9 / 11成是可以的,請別忘了你不落場,美帝每10年都會偷你50%的購買力。悶悶地贏,過足癮輸,定係淡淡地乜都唔做俾美帝打劫?我們從來只能選擇與時間做朋友,還是做敵人,沒有第三條路可行。

    回覆刪除
    回覆
    1. 千里之行, 始於足下
      10年前錯失左, 今天, 走出街, 市淡睇下可唔可以好似三兄咁, 買平貨

      刪除
    2. //千里之行, 始於足下
      小弟由畢業到上車都淡左十年... 所以市場方向跟自己預估的方向相反,從來應該修正自己。
      快兄文章讀者肯定至少比小弟行少幾年冤枉路!

      刪除
  3. 完全認同,我都係大學起買股票,十多年股齡,但賺既大部份錢都唔係炒股度黎
    出出入入真係得個桔。依家買股票收下息,其餘真係小賭怡情...

    回覆刪除
  4. "Your time should be well spent", can't agree anymore!

    回覆刪除
  5. "...贏就大大聲, 輸就唔出聲..."

    不能認同得更多。所以斗滿一向認為要為自己的資產做一個年檢, 看看財富增加的主要來源是什麼, 要不然贏了一兩次就大大聲, 高呼自己眼光獨到, 輸了就 write off 當無左件事。

    說实話, 要我去估個股市升跌, 我真的做不到, 我只知道個市大約什麼時候是平, 什麼時候是貴, 但要我喺幾千隻股票入面搵一隻會爆升的話, 我真的做不到。

    回覆刪除
  6. 非常同意. 如果我一開始係不斷投資股票呢,而家應該搵個仙刮痧都冇。 首先人係貪婪嘅,得一想二,贏咗錢只會再想瞓身落去,輸咗就磨爛席唔願走。股票市場太容易買賣,有幾多個人有discipline可以跟足止賺止蝕呢? 股票嘅好處係可以小小哋玩下,但係真係同佢談戀愛真係隨時引火自焚。 所以我估將來淨係會買收息股例如RIETs同埋公用銀行股等。

    話時話,小子兄現在成手都係樓,點解話十年前錯失咗呢? 同埋點解仲有quota可以再買嘅😯😯?

    回覆刪除
    回覆
    1. 10年前錯失係對某D日日怨的朋友仔講
      唔單單係樓
      生活上, 無野係偶然, you are what you think
      如果思維上永遠都係事後孔明才是致命, 非2008定2018年買樓的時機
      心態正確, 哪怕你今次買貴左/買錯左, 也不打緊, 因為不是致命
      反觀好多97-03 輸舖杰的人, 因噎廢食, 錯失了多少90/00後認為不可多得的時機

      至於QUOTA嘛, 早在DSD 個陣我已俾DOUBLE 買的, 講平少少口價, 即係業主幫你俾左
      15% 都唔係致命, 係按揭唔俾你借咁滯 (15%稅+60-70% 首期 = 85%樓價), 那考慮點已不同, 市場上有其他投資物可以揀

      刪除
  7. 「只賭短期CATALYST, 3個月內大多清倉」

    別人也許只看到「賭博」,在我看中卻是「紀律」。支持有序投機,贏面大,why not?

    回覆刪除
    回覆
    1. 知我者......
      輸其實不可怕, 天天都在交學費 (啱啱俾左5皮野蕭生)

      刪除