2018年12月11日 星期二

麻9煩的上一代

尋日AA打來問租客想度呎, 買定傢私

呢個動作多數小子都唔會ENTERTAIN, 同買左樓交左大訂你想上去度呎一樣, 間野係你慢慢度吧...

不過小子為人父後, 對夫婦+小朋友特別忍讓, 算吧, 予人方便

誰不知租客回覆AA話約埋老爺奶奶上來 (真心仆街了), 小子最L憎的吹毛求痴老頭一定會出現

上到去, 一貫客客氣氣, 因為呢間屋唔係小子名下, 小子慣常係話"我係代業主行行企企"(如果係小子名下, 小子係會叫親人代理, 基本上所有奇怪要求都可以事先SCREEN OUT)

AA客套話: 背後咪又係你.....(係掛, 不用分得那麼細好嘛? 買樓唔會用死一個人頭吧, 一家人邊有分你我呢?上會我上添, 真心無問題)

上到去, 呀長輩大人話好嘈, 我心諗, 2皮野有找, 對車路3房港島......自己都覺得超值 (樓上租21K, 小子收19K)....小子一貫笑笑口, 唔出聲, 第一, 向內街係對天井同埋無海景, 第二, 同你買灣仔/西半山一樣, 你吊話20000/呎無海景, 只會顯得個人同某個數字特別有緣.

戲肉來了, 因為小子全屋燈制換, 抽油煙機全換, 厠坑新, 廚厠枱面新, 水龍頭新, 老人家無咩"挑剔"

最爆係話吖.....不如呢度"拉天綫", 咁咁咁擺吖, 教小子間屋擺位, 跟住又話間房細...WELL 差唔多500實呎可以有幾細呢? 我自己住都係每間房放4X6 加個櫃都OK...咁納米樓真係死L得人...

又問, 熱水爐無換喎...我心諗, 個爐都10K, 你唔係叫我鏟9起佢重做吧, 哈哈 (由此可見老一代係負面L, 下下剔挑, 負能量只會自己食番, 一個投資者, 係非常"正面", 計好數, 有得做就做, 唔會因為咩咩咩"驚", "怕", 等等而縮, 或者算計別人)

又係個句,小子對後生仔特別忍讓, 其原係因, 現今好多80後都番工番到頭暈, 好多老人家對後生指指點點, 話買樓叫你慳D洗呀咩咩77等等, 真心, 除左個人眼高手低之外, 普遍來講買樓難度係不少, 在於升到呀媽都唔認得的情況下, 落注係要好強的心理質素去抵抗家中上一代的咀咒, 又要面對傳媒老吹話跌357成的心理壓力加埋姨媽姑姐的恥笑 (小子09年買第二間時, 亦都係俾親人恥笑, 話輸L死你呀, 仲有得跌9成....1997年咩咩柒柒.....)

之後呀老人家仲要話窗花係業主包的ETC...其實係1)無規定 2) 俾左你, 但係你唔可以要求轉款

各位, 做人真係要KEEP住UPDATE 自己, 下一代的TREND都要知, 否則太OUT真係會衝出來柒

最搞笑係小子同佢笑笑口講, 呢樣我渣唔到主意喎, 師父唔識換, 業主又唔係我, 未必肯換 (最佳擋格)
但老人家未知機話咁你叫第二個師父換啦...(=.= 凸)

其實, 買樓係現狀交收, 租樓呢? 小子如果對住上一代業主已經收左皮,
小子N年前"睇租"殘裝城市花園, 業主係LIFT 已問, 你做盛行, 幾多人住, 點解住, 有無狗, 健康如何....極度HARD FEELING, 以前年少氣盛, 一句串番佢, 話其實你殘裝仲要開門你悶唔悶呢, 收個兩雞幾野租呀支呀左, 呢家小子睇下都未曾租你都咁L串, 租左你咪大L獲, 心諗我運吉因為你樓上10層放賣呀BABY...... (所以小子對租客係好有同理心, 因為90% 係買唔到DREAM HOUSE 所以暫租, 大家客客氣氣, 唔好當人狗咁撚, 山水有相逢, 人有三衰六旺, 到時你因為咩原因都好, 要租樓, 或者去左租客公司打工, 咁就GG....不過今時今日, 都係個句, 笑而不語)

不過都係個句, 小子份人真係無咩所謂, 客客氣氣, 所有野都係好少事. 小子只係回覆, 合理就做, 業主唔肯我都無計.

出門口後, 老人家話: 吖你都算係幾好業主喎, 小子都係笑笑口, 傻啦, 少意思. 我跑腿來啫, 我又唔係業主, 但如果換唔換我都話得下事, 我唔換的話多數佢都唔會換架啦, 不過, 最緊要大家HAPPY.

冷不提防, 老人家又再一問, 個鐵閘呢? 好舊喎.... (做人正面少少好無....)

AA已搶答: 業主已訂左貨....其實呢個業主好唔話得, 咁都肯換.... (見到兩夫婦有D唔好意思, 但小子依舊笑笑口)
小子: 小事小事

AA之後同小子講, 睇你都唔止一件貨, 有咩關照下....
呢樣先係小子最大得著, 主區1又多一個可靠AA.

11 則留言:

  1. 快兄EQ高。小弟感覺到係麻煩租客,就肯定會換個第二枱。寧願租平D,搵個易話為的租客。有野壞當然一定整或換,但最好成份約零交流,不會打擾雙方生活就是最好的租務關係了!

    回覆刪除
    回覆
    1. 係老一代麻煩啫 (其實佢無份住,只係鯇魚頭搭咀)
      兩公婆都客氣, 由佢吧
      愛子女之心, 想同外人FIGHT多D啫
      FAIR & UNDERSTANDABLE
      小子都唔會加租, 由佢吧, 懶到HIHI咁

      刪除
  2. 小子真係好修養,果一代其實都有D有正能量的,不過好少係租務市場見到啫,都上曬岸了。
    幸好在下果件已經用電子鎖,唔洗下下自己去,但對著依D對手真係鎖都隨時被佢玩壞了,
    show empathy, no way... Next Please

    回覆刪除
    回覆
    1. 我無咩修養的, 粗人一個, 啱啱先打去問候完渣打銀行條友點解仲未俾番錢我

      脾氣唔好先要理性控制

      艾力兄見笑了

      刪除
  3. 快兄EQ好高,其實租約已簽,唔合理嘅一口拒絕或當聽唔到,佢咬你食呀?

    回覆刪除
  4. 快兄叫好人了,若果租客都係好的話,又同時約到時間,才會答應的~~~~~~~

    回覆刪除
  5. 好有同感,不過我係租客
    幾年前開始租樓,個業主都揀客,睇岩果度都ok,但唔知點解外父外母好熱心咁又去睇埋一份,挑挑剔剔,差啲比佢地搞亂檔。好彩業主like我。
    依家日久見人心,呢六年黎大家無事都唔會麻煩對方,比起六年前總計佢只係加得一成租左右,算係良心業主喇。不過頭一兩次續租吹水果陣佢都呻話我外父外母麻煩

    回覆刪除
  6. 上一代只管找些雞毛蒜皮來挑剔,主要是用來顯示自己食鹽多過你食米,刷存在感而已。

    回覆刪除
  7. 快兄實在太好人、太有修養了...其實有時都唔洗上一代,好多人步入中年(40+)已有很多既定想法,或墨守成規、或自以為是,並很喜歡將落伍己見強加於別人身上。快兄笑而不語待之,實在妙哉!

    回覆刪除
    回覆
    1. 也是多得R兄的啟發, 笑而不語實在係太正! 謝謝!

      刪除