小病是福

小子星期六番學期間"焗親"，搞到星期日病左miss 一個racing day

病左其間係難得清淨的時間, 可以自己諗下野

人生好奇怪, 一出世你話等死又得, 話由零開始又得, 睇你係optimists 定 pessimists

但有一樣野就肯肯定： 我地唔知幾時瓜柴, 而每一秒都係倒數當中。好彩的, 俾你八十九歲命，唔好彩的，四五十歲走亦都唔係咩出奇事。

好多人話贏在起跑綫，其實都幾L ON9。小子鍾意計數，就用數字打個比喻：

A君同B君， A君搵10萬，B君搵3萬，但A君做野朝9晚3，B君朝9晚6。各位讀者想做A君定做B君?

當然，大部份人都係會心入面暗吊左一下...梗係搵10萬好啦, 朝9晚6搵3萬, 無出路喎....

但如果我俾多個資料(或者假設)你，A君得40歲命，而B君係80歲命，件事你又會點睇呢? (當大家65歲退休咁計)

嗱....睇呢家野好主觀....計下A/B 的"生命價值"先, 假設大家2016年30歲，通漲不作考慮之列：

A君生命價值： 100,000/月 X 12 = 1.2M/年 X (40-30) = 1200萬

B君生命價值： 30,000/月 X 12 = 0.36M/年 X (65-30) = 1260萬


好奇怪，點解B君搵得多過A君? (最緊要係B君係65歲後仲有15年命!)
其實小子ON99 咁諗...人生係唔係"平衡"呢? 咩叫做"平衡"? 你搵得多，有無命享先? 同埋......最緊要係你會唔會有意無意咁"燒"緊自己條命呢?

可能有讀者會challenge 小子的假設，唔緊要，故仔照寫，你有你睇，我有我寫，但有一樣野我係好堅信，就係"夠駛就得"...
小子媽咪教落 "千間房屋半張床"......搵夠有時都有抖抖俾自己欣賞下人生沿途美好風光

唔知有幾多讀者同我有同一個思想呢?
發UP 風完...多謝收看