2017年11月13日 星期一

中國人的智慧 - 捨得

尋日同內子朋友食飯, 席間朋友問起, 點解你咁快可以買到樓?

朋友剛收左新樓, 並成功租出, 晉身收租人士行列.

小子談笑之間好快帶過呢個問題, 因為小子真心唔覺得買到樓係成功的象徵, 好多野都可以係成功, 例如事業有成, 例如生意做得好, 唔係一層樓仔就可以決定成功與否

話雖如此, 如果叫小子答點解咁快買到樓的話, 我會應為兩個字 : 捨得

中國人造字所含的智慧係博大精深, 捨得, 先捨而後得

為左買樓, 為左一個你想要的目標, 你可以去到幾盡?

小子有去旅行, 有用I PHONE, 但去旅行係自遊行窮遊, 記得小子係去歐洲影婚照, 但一切野都係最CHEAP, 住PARIS 係住HOSTEL, 去MADRID轉百九幾程車去....等等....
但小子去除左北歐睇北極光, 德國同埋東歐 (無興趣去)之外, 其他想去的都差唔多去過

而春秋二祭小子真係留港去登高同上高登, 唔係番北海道老家 (小子利申係未去過日本的), IPHONE係用6S 仲要係6仔跌爛左補錢係電腦城換的 =.=凸

小子有車牌, 但無車, 因為泊車一個月幾千, 另加油錢供車都無左1皮, 小子覺得好X赤
當所有朋友都買BENZ同女女去飛鵝山的時候, 小子係家度睇皆大歡喜,同家燕媽媽玩遊戲,你買PS4的時候小子就ON99係度寫BLOG(免費9UP娛樂)

當然你會話小子有好多野都無左經驗, 係GE, 不過條路自己揀, XX 唔好喊. 遊車河我有去, 食好西我都有去, 但次數一定唔夠其他人多, 當然無別人的生活咁豐富啦, 好多父母有埋車個個星期車出車入去佐敦谷, 流浮山, 西貢, 大尾篤等等, 小子就無得去了

仲記得幾年前有個朋友話, 吖你有錢買樓, 無錢買車. 我都係回應左佢一句, 無計, 負擔唔起

其實小子俾STAMP都俾左幾十萬, 夠買有凸, 只不過小子無興趣爭論, 各人有各人的選擇, 沒有對與錯.

延後享樂係好重要, 今天你洗左筆錢, 又要再儲過, 周而復始,呢個無間地獄小子真係無興趣去


3 則留言:

  1. 真的要比個like 你,本熊揸左十幾年電單車都唔轉四個轆,就係唔捨得供車養車每月果一幻大洋,只是消費沒有產出,果然好資產的人思路較接近

    回覆刪除
    回覆
    1. 多謝本熊兄!見笑了
      你估我見到架波子唔流口水咩?
      我呢D死中坑唔想出街有女女望咩?
      不過代價好高囉

      刪除
  2. 我有個fd講到無車會死咁 睇黎我已經死左千百萬次haha

    回覆刪除