樓市實的的 (二) - 辣辣椒

樓市自2010年起政府不斷干預後, CCL 由約100點升到呢家160點, 約60%.
綜觀全局, 新盤起幾多, 劏得幾細都係濫竽充數。呢D納米樓根本同監倉無咩分別。
係金管局強力壓測下，發展商有咁細起咁細, 就番個LUMP SUM 去俾上車人士，但係其實最大的供應並唔係來自於一手，而係二手市場。

二手市場的存量係百幾萬個單位，2% 業主沽貨都有2萬幾3萬個供應，SSD阻止了短炒人士摸貨圖利，但另一邊卻封印左新的買家全係自用或者長綫收租之用。後果卻只有一個：市場供應急速減少。

而DSD 更加係敗筆之中的敗筆。令到原本想換樓的人, 因為付唔起大筆印花稅及做唔到按揭, 從而改為買細價樓。呢個咁影響民生的舉動真係比董建華8年禍港的遺禍更深!

由2010 到2017年, 細價盤得寶花園由1.7M 升到呢家4.0M, 升幅約為2.35倍
另一邊箱，杏花邨2009/10 年賣3.5M , 今天賣7.0M 左右, 升幅2倍

呢個政策令到細價樓的業主的防守力大增

過往只有最弱的投資者才會在升市後段追入上車盤, 但呢家變左貨入強者手。

而係最低工資下, 呀豬呀狗都有1皮野人工, 梗係唔會供唔起樓, 亦唔會交唔起租........因為求其做保安, 兩條友都搵2皮幾3皮.....

試問係咁樣的經濟同工資水平下，強者沽貨壓力有幾多?

就算係新入場的父幹族，供13,000 但求其做個7-11都有成皮野, 基本上食少D, 供樓唔係咩大問題 

2010年入手得寶細兩房，今日收10,000租, 個YIELD 都7%以上.....你係業主點會沽吖.....

只可惜政府係唔會取消DSD BSD SSD, 因為取消左大升大跌都無人孭到飛

小子最憎的騎師 - 潘頓的辣辣椒