靠估

尋日小子又去左個D昆9人的banking seminar

席間一班無恥的銀行家又在侃侃而談美國利率上漲, 資金將會流向美國市場; 新興市場將會仆街, 中國將會係另一個金融中心等等

佢地叫D KAI人 (client 也) 買新興市場呀, 多D做風險投資呀等等...

小子係完左場show 後問個"專家": 吖...既然美國加息, 資金將會由新興市場走到美國市場, 咁點解你地仲叫D客買新興市場呢?

專家: 其實都要好揀擇, 如果唔係呢就會損失不菲...(我DLLM).
我:咁呢家D客個position 咪幾好, 點解又要佢地冒更大風險呢?

專家: 要摶先有得贏架嘛...何況D客坐哂係度, 我地無野可以做 (即係你班契弟食緊西北風?)
講座入面包羅萬有, 你想買咩都有...咁叫做有VIEW?

吖...明白了..即係個D傻HI客要俾佢地推左推右, 從而係中間賺佢手續費啦....根本個客輸錢與他們無關係....(這就是小子最討厭銀行SALES 的原因)

小子真係好概嘆香港有錢家族對緊D 銀行家係如斯垃圾, 不過唔出奇, 呢行D死仆街係靠吸人血已自肥, 雷曼契弟D仆街冚家產SELL 呀婆買ELN 而可見一斑.
正如小子UNCLE所講, 現在BANKER 已經不像從前般受人尊重, 只淪為一個垃圾集中營

從來大環境都係不可料, 只有靠估開飯的人, 才會叫你估;財演叫你炒股, 地產經紀叫你炒樓賺佣, 風水先生9吹等你去多幾次燒下符水飲等等....

君不見股神買D股票係10年以上?
年年出出入入個D有幾多個係成功? (經紀叫你出入賺你COMMISSION 例外)

小子奉行"掌握機遇"的一套, 機會唔駛多, 有一個即刻出手便可以.
我又學下人地D投資高手講句英文座右銘:

Great people needs a chance, diversification and averaging is for the mediocre.

MONEY CAN BUY TIME?

好多人話錢可以買到時間, 例如買車啦, 飛的啦咁.

無錯, 有時用錢係可以解決呢D少問題, 但將問題放大, 成件事又點睇法?

好多人話買樓收租, 供完層樓又點又點收租夠養老, 但係供完層樓閣下幾多歲?

小子第一次買樓係08/09年, 供完都2038/39 啦! (雖然我間唔中炒炒賣賣)

到時我都60歲左右了! 真係夠退休? 真係?

呢個問題一定係否定的...仲要俾差餉地租水電煤管理費......

樓奴

青年拒當樓奴 僅27%擬置業

https://hk.news.yahoo.com/%E9%9D%92%E5%B9%B4%E6%8B%92%E7%95%B6%E6%A8%93%E5%A5%B4-%E5%83%8527-%E6%93%AC%E7%BD%AE%E6%A5%AD-225519867.html

在香港生活, 住屋係其中一個成本. 同你做生意一樣, 有得揀都會買舖唔好俾人迫走.

當然係好唔公平, 因為各位市民都係為銀行/地產商打一世工 (好多人話)

但你諗深一層, 其實大家都係幫緊政府打工, 香港政府係行緊高地稅政策, 就正正係你衣食住行都不斷交緊稅俾政府 (業主都係受害者)

一日沒有擴闊稅基, 一日呢個情況都係會持續, 唔係的話你的醫療服務,綜緩, 公務員人工, 基建開支係邊度來?

可見將來這個情況只會持續, 而DSD 15% 等等重稅都係會持續, 因為都係政府對市民苛徵重稅的其中一種方法

立杆見影

我記得, 2010年, 小子係李生間公司做會計做得唔太開心, 因為小子係理科出身, 一直想讀醫科 (可惜HKAL太屎), 跟住問左一位高人, 前路應該點走, 佢寫低四隻字: 立杆見影

呢4隻字, from time to time 都係我腦海中出現, 亦都改變左我一生

啱啱打呢篇野之前, PK 渣打銀行成日叫我地做structured product (呢D ON9野...@@ 自從雷曼後都好少人狂做structured product), 去ENHANCE 1% p.a., 而我地係做一個月期, 即係1%/12 = 0.08% (保本定期)....做1000萬...即係成件事係8千大元最多! (DLLM 我做300萬股BOC options 收0.05/股 x 3M = 15萬, 即月都收15萬啦...柒頭) <-- 我一定有個好SOLUTION 先會D9人

尋日做左一大爛餐之後, 當然又好似上一次咁...話個window closed 左. 因為個CNH forward points 變左...OK! 又做唔到...渣打梗係解釋話就算即刻做, 個RATE 都未必係好...咁即係你又玩鳩我啦

講左樓上D無聊野, 咁又同"立杆見影"有咩關係呢?

"立杆見影"亦係今日的寫照
立杆, 我今日的演譯為先為自己口袋入口的財富定立一個目標
見影, 今天略有少成, 其實已經見左50%影, 影為之一個客觀量度自己成就的標杆, 而不會被一D無聊人左右到.

不出10年, 小子一定可以同打工SAY GOODBYE (不過我都會做, 因為我想小子老婆退下來先, 作為一個負責任的男人, 叫老婆出來做野已經係唔合格)
如果對住呢班仆街冚家產係坐監, 我的刑期係....10年

不止要贏, 仲要贏得快

小子買完樓#3後再坐低思考, 再一次確認一個諗法: 要贏, 仲要贏得快!

人生營營役役, 沒有人鍾意打工, 好可惜99% 人都無勇氣去辭職開創自己人生
每日將寶貴的時間賣俾老細去幫人地搵錢確實係好浪費.

然而, 能夠成為老細的始終為少數, 而打工亦非無發圍, 君不見霍生每年收1億人工, 又唔見得佢有幾咁慘?!

然而, 如果對於大部份人來講, 沒有計劃點樣走出呢個打工困局, 係好危險

所以一定要贏! 仲要贏得快! 因為你唔知你仲有幾耐命! 所以要快! 快! 快!

沒有一刻可以停下來, 小子將會啟動另一個變錢PROJECT, 5年內要有底氣同老細SAY GOODBYE!

旅遊, 令你距離自由愈遠

身邊同事又去旅行, 我好奇問下佢, 佢話: 我上次去大板, 今次去大板+京都嘛! 機票又平! 一人駛三幾千!

小子真係想講, 一個人窮, 一定有佢的原因, 可以係屋企人唔生性, 可以係自己唔控制自己洗費, 而最多人的死症就係旅行(尤其係短TRIP)

兩個人去一次大板, 小則一萬, 大則三四五萬, 取其中位數計, 當你一下駛20,000 連食住5DAY, 一年去兩次, 就無左40,000.

相比起一個月入30,000的中產來講,即係一年駛左11%的淨收入.
唔好講買唔買樓, 11%儲起來, 5年都20萬, 10年40萬,其實相比起上來, 到個市唔好的時候, 你買股票又好, 失左業用來頂住個雞頭都好, 都好有用

或者如果到時經濟唔好, 建行跌到4蚊, 淘大跌到120萬的時候, 呢40萬係足以令到你買到一個改變一生的機會

當然買左唔代表贏, 亦唔代表你係大富大貴, 但出手的底氣, 係你每日日積月累番來的成果

可能好多人睇完會媽媽聲, 覺得DLLM無得去10年旅行你都ON9 的...我要活在當下享受人生
其實沒有問題的, 只係一個PACKAGE. 你無可能話月月去旅行又有錢淨掛? 這個係唔合邏輯的, 除非你有父幹 (有錢係任性的, 你懂的)

正所謂: 條路自己揀, 仆街唔好喊

講番我同事, 一家4口工人姐姐PLAYGROUP七人車全齊,上有高堂下有兒女, 我都唔知佢有無錢淨, 不過真係要清楚自己做緊D咩, 同埋所有野係一個套餐........(小子自己都有去旅行, 唔係話扎炮式慳錢)

小子話齋, 你今天唔規劃你的人生, 社會會規劃你

樓市官話與誠實豆沙

官員說了一大堆關於樓市的官話，恐怕很多市民不一定聽得明白。現在我為大家找到「誠實豆沙包」，好讓大家知道殘酷的真相。

問︰「今次全面將住宅物業買賣印花稅提高至15%，是否太重手？」
官話︰「樓市反彈急速是由於中小型單位交投轉趨活躍，劃一加稅15%是壓抑樓市的最有效措施。」
誠實豆沙包︰「你可以放心，發展商到時會送15%印花稅給你，唔使驚。驚你冇錢買好過。」
注: 長實馬頭圍君柏便率先回贈15%

問︰「印花稅辣招已經推出數年，但樓價仍然上升。到底辣招是否冇效？」
官話︰「政府辣招的推出，有效壓抑市場對樓市的需求，對減低樓市亢奮有即時和顯著的冷卻作用。」
誠實豆沙包︰「每次推出辣招之後，樓價通常都是出招後跌數個月，然後就倒頭上升；因為辣招除了壓抑市場的需求，更會壓抑二手的供應量，搞到有第二間樓收租的人，更加唔捨得將樓賣出。本來在辣招之前，上車客有能力可以買300呎樓，現在連150呎都買唔起；能夠有效地讓這麼多窮人放棄買樓，辣招是非常成功的。」
注: 市面大量劏房壓境, 北角新盤出現160呎單位賣400萬, 發展商只求lumpsum夠細俾上車客盡買

問︰「為何在這時候推出新的辣招？」
官話︰「樓市是政府的重中之重，加上近期投資住宅物業有再活躍的情況，雙倍印花稅的交易數量升至歷史新高，對有關情況感到憂慮，所以辣招一定要急着推出。」
誠實豆沙包︰「我快要競選連任，如果在明天A1版看見『香港XXX樓價指數創下歷史新高，較四年前上任時暴升五成』的標題，叫我點選呀？」
注: 還有游梁雙柒助選, 梁特連任呼聲不低

問︰「未來房屋供應量可以達標嗎？」
官話︰「今年到目前供應已經有16,100個單位，預計將會超出原先訂下18,000個的目標，未來四年有93,000個潛在住宅單位，說明供應十分充裕，成效顯著，請大家鼓掌。」
誠實豆沙包︰「全靠各位發展商，將新建的單位愈劏愈細，才可以跑到數﹗其實一個人睡覺，張牀最多3呎乘6呎就夠，就算加埋洗手間和廚房，面積50呎應該實夠……如果新盤都能夠以這個面積作為目標，唔好話每年18,000個單位，就算董伯伯的八萬五目標，都可以達到﹗」

問︰「私樓的價格，較今屆特首上任時已上升五成。點解？」
官話︰「要不是今屆政府控制樓市，樓價會升得仲高。所以你們要多謝政府。」
誠實豆沙包︰「上星期我感冒去看醫生，醫生給我吃完藥後，我竟然咳到吐血，然後醫生對我說︰要不是他給藥控制我的病情，我個肺應該會生Cancer，死咗了。所以我非常多謝醫生。」

問︰「XXX……（不在FAQ範圍之內，冇得跟稿答）」
官話︰「政府會密切關注樓市走勢，會繼續採取必要措施穩定樓市。」
誠實豆沙包︰「我怎知點算好啊？我其實都唔知道有甚麼措施，可以穩定樓市。」

http://eastweek.my-magazine.me/main/60340

小子沒有補充, 難得林博士曉以大義, 不怕俾人秋後算賬, 我借評論一用