2020年1月2日 星期四

2020 年 - 升級之選

2019年亂局紛陳,然而樓價並沒有反映亂局的因素。

2020年,宜檢視PORTFOLIO 入面的細價樓,特別係細面積的細價樓,因為800萬以下90% 按揭,理論上兩口子收入35000-40000 (每人),即可以買到800萬的樓,以9成按揭入市。

【800萬首置】800萬樓可借9成按揭 月入多少才能過壓測?



若然亂局在來年有稍作喘息的現象下,留港及國內夠3粒星的市民將會無可避免要置業 (買樓其實就係直接將自己的前途及錢途與城市作掛勾)。再對衝番要走的本土80後的沽樓作用,小子都係認為長遠來講,中價以上的樓係比較有堅實的支持。

無他,在現行按揭下,如果買家稍有自住考量,入市7M-10M 理論上係第一下已經要做的一件事 。而使到納米樓將會無可避免長期的落後大市。試問邊個會俾600萬買200呎樓?以前因為按揭因素夾硬買,呢家應該會無咁常見。

再講番本土沽樓,以小子暫時的SAMPLE SIZE 計,以1月份2020離開的3對朋友。

#1:有1間樓,沽出所有樓房

#2:有2間樓,將自住的出租,餘下的出租樓繼續收租,搵家人打理

#3:有1間樓。自住,將會轉作出租

小子與他們傾開,全部都係有小朋友的家庭,不約而同地講,留錢不留人。

而暫時來講,計埋小子落區睇盤及經紀的報料,暫時少睇到家庭移民沽樓計數走人,租出就偏多。

反而大陸大款的套現壓力比較大。小子在貝沙灣的專用經紀朋友已不下3次通知小子有對華富邨的次一級貨可以大大口還價,最近更成交左一間24000/呎 (小子無FACT CHECK 呢個成交,因為小子在短期內唔會買貝沙灣自住,投資的1-2房又未到心動價)

若果2020年大家無見到傳媒講的失業率狂升的話,便要好好的諗下優化磨合手上的PORTFOLIO。

因為走的走,留的留。留的沒有去路,一定係馬照跑到2047,甚至2147。

而又係老一句話,安身立命,好多人都係會選擇自置居所。買樓同買一個城市的命運幾可劃上等號。

來年英國在脫歐後,以及台灣在大選後都可以多加留意。

此股移民潮實在係一個難得的機會,中國人始於還未擺脫有土斯有財的觀念,去到邊買到邊,價升量升,有心留意幾可以肯定找到一個外國樓的餐士。




15 則留言:

  1. 我計劃2021 summer離開香港,到時候如果樓價不合,也會把轉把香港樓收租。始終現在移民/回流的大部分係有點資產,而現在大家對理財的知識比想當年豐富,知道如何利用手上的資產,就算堂堂正正交稅,總有很多合法的方法把稅務exposure在合理範圍之内,例如把香港單位加按出租變成投資物業,當中產生的裝修、利息、管理費用全部可以扣稅,當然cap gain要當收入交稅這個是香港沒有的,但stepping back如果cap gain其實係difference between 賣價和成爲稅務居民一刻的差價,如果當時賣了,基本沒有cap gain可言,所以從這個角度看,有得交cap gain也是好事啊,而加按舊錢可以付當地物業首期,當然要計下供樓現金流。另外,never say never,孩子日後再再回流香港有個瓦遮頭絕對係贏在起跑綫 - 當然,我個人意願係不想他們再再回流,不過這個由他們自己決定了。

    回覆刪除
  2. "把香港單位加按出租變成投資物業,當中產生的裝修、利息、管理費用全部可以扣稅,"
    This is not the case if the property is not owned by a limited company. If the property is owned by individual,only 20% of the rental income will be deducted for property tax purpose and there are no other deductions for tax purposes.

    回覆刪除
    回覆
    1. 這僅是香港的情況...香港的稅率已夠低了吧,還想走稅?

      刪除
    2. Sorry,我講得不夠清楚,因爲我要移民的地方係全球徵稅,所以除了要交香港物業稅 ie 80% annual rental income*0.15 外,香港的出租收入都是要交稅 (double tax agreement後,某d國家有tax credit,或其他可以claim back的arrangement,但總之就係要交稅啦)。我所説的"把香港單位加按出租變成投資物業,當中產生的裝修、利息、管理費用全部可以扣稅,",就是指香港租金收入作爲海外投資收入而言,係從移民後成爲當地稅務居民而又想保留香港物業作爲收租投資的角度出發。沒有想過走稅 - 請不要誤會。

      刪除
  3. thanks, sorry,我講得不夠清楚,因爲我要移民的地方係全球徵稅,所以除了要交香港物業稅 ie 80% annual rental income*0.15外,香港的出租收入都是要交稅 (double tax agreement後,某d國家有tax credit,或其他可以claim back的arrangement,但總之就係要交稅啦)。我所説的"把香港單位加按出租變成投資物業,當中產生的裝修、利息、管理費用全部可以扣稅,",就是指香港租金收入作爲海外投資收入而言,係從移民後成爲當地稅務居民而又想保留香港物業作爲收租投資的角度出發。

    回覆刪除
  4. 聽聞唔少人想移民,請問快兄識嘅人,真正行動嘅多唔多?
    另外,點解移民嘅人都咁答水,唔使賣樓套現,外國樓大大間,其實lump sum都唔少。

    回覆刪除
    回覆
    1. CLASS REP 兄,

      今次行動的人算係多。 外國樓其實有ZONE 1-5,下下住ZONE 1 CBD 梗係賣血都唔掂。

      好多外國樓唔係CORE AREA 都係幾百萬港元有交易。LUMP SUM 都係2-3個車位咁上下。

      以該批人的經濟能力,其實唔係咩好難的事 (未計個邊仲可以做按揭)。

      刪除
    2. 快兄,多謝分享。
      新一年投資賺多啲,生活快活啲!

      刪除
  5. 快兄,遲講好過無講:祝快兄新年快樂,2020年繼續投資順利,大賺特賺!

    回覆刪除
    回覆
    1. 風兄,一D都唔遲,大家持盈保泰,悶悶地贏!

      刪除
  6. //若然亂局在來年有稍作喘息的現象下,留港及國內夠3粒星的市民將會無可避免要置業
    -->亂局的一大副作用是2023供應斷層已經無法阻止,而且可能逐年惡化。按長策會最新估算,打後十年私樓總供應只有129,000,即是平均每年12,900. 而且做唔做到都成為一大問題,供應端真係無眼睇。究竟移民潮涉及有幾多人?數數身邊有幾多拿著外國護照的三粒星在香港工作及生活就知了。港式移民很多都是純粹買個保險。

    再祝快兄新年快樂,2020年繼續大賺!

    回覆刪除
    回覆
    1. 祝三兄新一年都係持盈保泰,悶悶地贏!
      2023年斷層有心留意都會知道,只不過同移民一樣,有幾多人真係出手?
      到時贏家又係大戶。

      刪除