2019年11月14日 星期四

風雨飄搖

呢個星期香港政治情況下, 風雨飄搖

早前已提及過,中國式的止暴制亂,是以更大的暴力去制亂。是以不斷升級是可以預期。

革命,往往是在一個國家經濟最差的時候才能成功,不論東西德,蘇聯,日不落的英國等等 (要BACKGROUND 可以上WIKI FC)

在現下中國國力下,"支爆" 實在係遠而未見。香港的革命係注定時機不對。只會加快中國的殖民步伐。

然而,中國企業家賭白頭片,係一個常態,剛同一個國內大學的EMBA學生傾開,他們對香港企業負債低的程度直頭係咋舌。

及至想深一層,從M&A 角度來講,併購港企做 "回血劍",呢個LEVERAGED BUYOUT其實李小小超都做過一次,蛇吞象食左8仔拆骨散賣,至今成個TRANSACTION都係贏,輸的只是長情股東 。

這部份及表面地解釋了為何紅色公司對港資公司及資產的併購有加無減。並沒有因為最近示威活動而減少,甚至國內下達指令加快併購。所以香港的資產於國內企業是不止一個谷倉咁簡單。

行文至此,讀者必會以為小子係深藍?

小子乃一粒世間微塵,只為家庭作好打算,已夠一生營役。

樓在港,流動資產投資外地,乃係大方向。

無他,香港人真係好鍾意番工,中國人更鍾意番工。在這個民族下,"有土斯有財",死都要番工搵錢。香港人在2003 年死頂爛頂頂到死都唔想唔供樓,同美國佬掉低鎖匙等銀行收樓,在態度上係有雲泥之別!

在小農DNA 的作崇下,買入中國ZONE 1 的物業的勝算仍是比較高。如果走在街上1個鍾都聽唔到普通話的話,才想想打唔打俾經紀放盤吧。

國內人係點樣利用香港樓宇走資呢?

1. 由國內走錢買香港物業, FULL PAY

2. 去銀行按爆,摶3年後升值

3. 升值 --> 再加按走錢

4. 平手/跌 --> 凋空 或者加按財仔,食10%利息照按80%錢走人

5. 財仔收樓強拍,但款項已由香港運走,因為他們在香港不能聯絡上,所以只能去法院申請該人老破

6. 錢運走洗白, 該人不會回香港 / 其親人在香港再做多一次 

情形好似以前香港移民者在香港碌爆卡移民,又或者借爆外國學貸番香港等CASES,只不過碼數更大。

而在中國的話,呢個走資動作係行唔通的,港樓的獨特性的其中之一便是如此。一日中國有人要走資,一日香港都係不可或缺。絕對唔係你去巴黎買個HERMES唔係香港圓方買咁簡單。

試問在連支付寶及電話咭都要實名制下點樣走資? 

再加上大量國內勁人來香港搵食, 亦有不俗的持貨實力。(所以終有一日會係唔駛走資,因為走得便會來到香港這個灰色地帶,但大莊仍然係中國)

而各國大印銀紙,the world is flat,你印我又印,目的只是打刧人民辛勞的成果以給各國回血。

但睇好還睇好,在當前環境下,在沒有獨立調查委員會查警暴的大前提下,小子係唔會加倉。無他,警權過大,無委任證下隨便可以拉人 (今日CITIBANK EXECUTIVE DIRECTOR 放工俾人拉左)

此等"行刑者"一日不除,對香港這個國際金融中心仍是最大遺害。

法治社會,警察乃是根據制度給予的權力去拘捕涉嫌犯法者,將他們帶上法庭審判,而onerous of proof 在控方,無罪假設下,誰給予權力給他們唔跟警察通例做事? (發TG 有指引,用槍有指引,用警棍有指引,制服犯人亦有指引, 從前是要寫REPORT 的,開槍係好大件事,只怪香港真的太過幸福,在其他國家其實開槍不是uncommon,不論有無consequence)

香港作為一個國際金融中心,法治乃是基石,而與中國的微差異性乃是紐倫港的金蛋的sustainable factor 之一。

而中大的判決書更令小子擔心,不是擔心私樓給警察進入,而是擔心警察的強心針令到局勢失控。"警慌"相信大家係咁二用GOOGLE SEARCH下就知,指揮管叫打頭,解釋為上半身,721, 831 等等,在沒有制裁/制衡下,一定陸續有來。對國際投資者的信心必然受損。

一個賭枱在失去其認受性時又會點? Despite currently it is far from that.

而班警察在做呢D野無後果的話,坦白講,我係PC 仔我一定打爆你個頭。此乃人性使然。各人在各人崗位便會做不同的事,you ass determines your stance,做人如是,投資亦如是,不難理解。只有法律及道德社會規範著人的行為,人性本善,但社會本惡,在沒有consequence下 (or perceived no consequence),有權去到盡乃係可以預期。

但小子相信此戰好快會comes to an end,你覺得林鄭同上面班官係唔係傻?

一個清算,將本來為香港人的警察全部replaced,究竟係邊個訓覺都笑醒?

唯望各界克制,三人行兄/ 本熊兄 講得好,殺君馬者道旁兒。泛民律師幾近就手旁觀,其無腰骨實在令人髮指,有心幫班後生仔,一早在警局守候並調停雙方。有無做到自己作為議員的責任?相信大家有眼見,考30分唔代表合格。

而建制版的殺君馬者道旁兒,誰是馬,誰是道旁兒,亦堪回味。

唯望各讀者在風雨飄搖下,謠言止於智者,愛自己多一點,律己以嚴,律人以寬,那香港困局必可解決。

營養文

貨幣洪流 (八):攪完一輪大龍鳯,最終咪又係印銀紙

https://sanrenxing80s.blogspot.com/2019/11/blog-post.html

談人性

http://ac00100.blogspot.com/2019/11/blog-post_13.html


本熊兄鴻文
http://wftamalex.blogspot.com/2019/06/blog-post_13.html


無腦頹抄WIKI LINK

第二次世界大戰
https://zh.wikipedia.org/zh-tw/%E7%AC%AC%E4%BA%8C%E6%AC%A1%E4%B8%96%E7%95%8C%E5%A4%A7%E6%88%98

蘇聯解體
https://zh.wikipedia.org/zh-hk/%E8%8B%8F%E8%81%94%E8%A7%A3%E4%BD%93

東西德分裂/ 兩德統一
https://zh.wikipedia.org/zh-hk/%E5%85%A9%E5%BE%B7%E7%B5%B1%E4%B8%80

12 則留言:

  1. 感謝快活兄完美展示出甚麼叫“殺君馬者道旁兒”!

    回覆刪除
    回覆
    1. 可參考本熊兄的Blog 文:

      http://wftamalex.blogspot.com/2019/06/blog-post_13.html

      刪除
  2. 快活兄理智分析!難得可貴!

    回覆刪除
  3. 人貴自知, 快兄一文實在寫得太好~

    困局都就黎半年, 除左無限loop和加快殖民, 真的不知有任何結局呢~

    回覆刪除
  4. 好文,快兄寫多啲,慰藉下大家...

    回覆刪除
  5. 快兄好文!

    「一個清算,將本來為香港人的警察全部replaced,究竟係邊個訓覺都笑醒?」
    我相信如果搵武警replace, 香港人反彈力度更大

    回覆刪除
    回覆
    1. 暗中取替,公眾想知都冇得知

      刪除
  6. 對這個不濟的政府, 尤如吹氣球一樣. 一直吹一直吹看似冇事, 但當到達臨界點, 就太遲了.

    回覆刪除
  7. 千算萬算,可能算漏二噁英。。。

    回覆刪除
  8. 感謝在風雨中出好文。

    回覆刪除
  9. 從法治角度看,相信,即使是法治精神的社會,在沒有獨立調查委員會時,普通市民會因為在警民衝突時而被刑事訴訟,而警方卻沒有機制被調查甚至送上法庭審理,的確會影響香港的核心價值。

    回覆刪除
    回覆
    1. 如果冇機制7警又點會坐監,香港還是法治既

      刪除