2019年4月2日 星期二

羅致光 - 庸官立此存照

羅致光
羅致光GBSSBSJPLaw Chi-kwong1953年11月1號—)係現任勞工及福利局局長。之前做過扶貧委員會委員,佢亦係前民主黨成員。


羅致光喺1981年至2017年期間任教喺香港大學社會工作系(之後改名做社會工作及社會行政學系)。佢喺1993年至1997年期間出任呢個學系嘅主任,喺加入政府前係呢個學系嘅副教授。1995年至1997年期間曾出任立法局議員,並喺1998年至2004年期間出任立法會議員。佢亦曾經擔任多項公職,包括關愛基金專責委員會主席、扶貧委員會委員、策略發展委員會委員同統計諮詢委員會委員。


拾荒老婦哭訴受年齡歧視 羅致光:可向勞工處求助


立法會福利事務委員會召開公聽會,討論本港貧窮狀況。會上有拾荒者表示,自己退休後難覓工作,遭受年齡歧視,「面試十份工無一份有人請」,要求政府能夠提供支援,讓老人家過個有尊嚴、舒適的晚年。惟勞工及福利局長羅致光僅回應稱,長者可以向勞工處求助。拾荒者聞言在席上痛哭落淚。
67歲的黃月嫻表示,自己是已退休的低級公務員,每月有3000元的退休金,一個人居住公屋,交完租金及其他生活雜費後,「剩返嘅根本係要好慳好慳,先至可以生存到」,直言現時香港生活水平如此高,如果長者沒有工作,根本難以維生。
黃月嫻續說,自己兩年見過十多份工作,無一獲聘請,「我試過打電話想去見兩份診所清潔嘅工,都冇左音訊」、「又去過見鐘點工人,份工又要湊放學又要送飯要煮飯,但個工資係好低、好平、好剝削,擺明係恰我哋老人家,睇唔起我哋!」
她其後到快餐店應徵侍應,惟負責面試的經理僅派發申請表格,給予在場的另一位年輕女子,自己向對方詢問,對方也只是笑而不語,未有理會自己。她強調,長者並非不願找工作,「我哋喺香港做咗野4、50年,已經好攰,可唔可以令我哋過得有尊嚴,舒適啲嘅晚年生活俾我哋呢班老人家呢?」
惟羅致光僅稱,認為長者可以向處方求助。黃月嫻聞言隨即在席上痛哭。羅致光有關說法被部份議員訕笑,不過羅致光反駁稱,不認為向勞工處求助是可笑,強調處方每年都協助數以萬計市民找工作。

 一個做過社工, 做過副教授的知識份子可以口出此等言語???!
仲要拎埋金紫荊同埋銀紫荊星章....
小子真係無言

所以小子十分十分鼓勵呀婆後生買樓 (不過俱往矣), 有咩事REVERSE MORTGAGE, 政府都唔敢西口西面, 最多打你層樓主意啫....
唔駛俾呢D高能焗腸以何不食肉糜的回應訕笑
真係非常非常非常之過份!

17 則留言:

  1. 睇落佢應該無其他積蓄, 唔識理財真係好慘......

    回覆刪除
  2. 97後, 所有高官只需要政治正確,就會升官發財。
    從來都唔需要講工作能力。

    從古至今,中國官場文化就是這樣。

    亡國只是遲早的事, 中國人的宿命。


    回覆刪除
  3. 求人不如求己,香港由行高地價政策之後就明白係對貧苦大眾絕無憐憫之心。香港,最慘就係做老實人。

    回覆刪除
  4. 快兄認為他應該怎答? 盡快搞全民退保?

    回覆刪除
    回覆
    1. 這個Case黃婆婆一個月有3000元退休金,滿67歲可以有長生津 $2285,其實最應該的是申請綜緩

      刪除
    2. 快兄認為他應該怎答
      // 我地會交俾社會福利署人員立即跟進婆婆申請綜緩的個案, 勞福局會緊密跟進
      另外, 局長理解人口老化下, 長者搵工係要些少時間, 勞工處同事都會盡力幫助, 請婆婆放心 (當然之後咩都唔做就係梗, 一向作風)
      但係一個對人民有承擔的政府唔係咁L樣囉, 更加唔係串D弱勢市民.

      刪除
    3. 盡快搞全民退保?
      // 我計唔到咁大條數, 亦都好明白對面福利社會係靠借貸推高福利
      全民退保,小子唔覺得要攪, 因為政府在人口老化加速下有無錢負擔到都係問題. 不過絕對可以放多一點資源在醫療, 全民免費醫療(住滿18年或有7年交稅RECORDS, 唔夠者以LADDER 方法減少資助), 同埋開多D醫學院學位+醫院係可以先做呢? 好過起埋D 明日大嶼 (唔係話唔好, 事有緩急先後)

      刪除
  5. 應該叫佢去大灣區覓機會

    回覆刪除
  6. 權力使人腐化,佢已經唔記得自己係大學點樣教學生了。

    回覆刪除
  7. 恕我離地少少直言, 有公屋住, 有長俸, 有綜援, 唔知仲有無仔女... 所以我是看不出這位婆婆有多慘
    焗腸是廢的, 這點就完全沒有異議

    回覆刪除
    回覆
    1. https://www.hk01.com/%E7%A4%BE%E6%9C%83%E6%96%B0%E8%81%9E/313579/%E6%8B%BE%E8%8D%92%E5%A9%A6%E9%BB%83%E6%9C%88%E5%AB%BB%E5%93%AD%E8%A8%B4%E6%90%B5%E5%B7%A5%E9%81%AD%E6%AD%A7%E8%A6%96-%E5%86%80%E9%95%B7%E8%80%85%E5%B7%A5%E4%BD%9C%E6%9C%89%E5%B0%8A%E5%9A%B4-%E9%99%84%E7%99%BC%E8%A8%80%E5%85%A8%E6%96%87
      呢位婆婆仲有份稿交比垃圾會添, 背後有無軍師? 自己諗下~

      刪除
    2. 在已發展的國家的老年人有此等情況係唔係叫做慘?
      人慣性比較, relative benchmarking 不知害死幾多人
      咁當然我地比起非洲/大陸無人理的老人家好好, 呢個係for sure.

      無意冒犯, 如有失言請見諒, 本人就覺得香港呢個社會係好L慘同埋好L痴綫
      各有前因, 可能佢拎哂D錢幫個仔女, 跟住個仔女掉低佢, 又或者佢病左一場洗哂D錢?
      哪怕佢賭錢輸Q哂, 一個成熟的社會理應給老年人一個合理的保障 (只是個人主觀意願)

      刪除
    3. https://www.hk01.com/%E7%A4%BE%E6%9C%83%E6%96%B0%E8%81%9E/313579/%E6%8B%BE%E8%8D%92%E5%A9%A6%E9%BB%83%E6%9C%88%E5%AB%BB%E5%93%AD%E8%A8%B4%E6%90%B5%E5%B7%A5%E9%81%AD%E6%AD%A7%E8%A6%96-%E5%86%80%E9%95%B7%E8%80%85%E5%B7%A5%E4%BD%9C%E6%9C%89%E5%B0%8A%E5%9A%B4-%E9%99%84%E7%99%BC%E8%A8%80%E5%85%A8%E6%96%87
      呢位婆婆仲有份稿交比垃圾會添, 背後有無軍師? 自己諗下~

      // 樹大有枯枝, 族大有乞衣, 一竹篙打一船人定寧縱勿枉, 實很難拿到中庸之道
      對的, 雲淡兄講的東西多在犯民出現, 此乃常見
      香港作為中外角力的中心, 有不同勢力亙為影響乃係可以預期

      刪除
    4. 快兄, 或者因為我地背景不同, 所以點睇何謂民間疾苦, 就出現視角上差異啦
      我既角度可能比較低, 見有啲老人家原本住劏房, 點知都交唔起租, 搞到要訓街執人二手飯食, 佢地都無喊得咁慘

      刪除
    5. 各有前因, 小子媽媽教落, 先做好自己
      小子長大後深知其中的深度, 因為求之於己都好攰

      刪除
  8. https://youtu.be/t8xCgEdT0Fk

    五夜講場 - 學人講經濟 2018:收入不均 ‧ 心有不甘

    呢集我自己係學到嘢:原來income inequality is not necessary a bad thing, but the government should set up a better policy to take care of the elderly - 只係會叫啲老人家去揾工,真係令人搖頭嘆息。

    回覆刪除
  9. 我相信不止香港,其實好多人都有咁情況出現,所以越發達的城市,人的生活壓力會很大,希望政府多些幫助及幫到弱勢社群~~~

    回覆刪除