2018年7月13日 星期五

白痴的沙中綫

估唔到紅磡站一間都夠未爆, 仲有又話個鋼筋根本未扭好, 大圍站今日又話沉降....MTR你搞咩Q呀?

成條沙中綫真係唔駛要

CCL 升到PK都無用, 為保自己命仔真係如果初次置業, 切記唔好考慮呢D所謂鐵路效應

小子只可以講, 如果到時真係有咩死人冧樓, 條綫要停定有咩差的因素的話, 所有溢價將會消失於無影無縱

冧樓死都話一槍過, 一陣D樓回歸番基本步甚至好似以前的將軍澳咁俾個DISCOUNT (呢個係永久DISCOUNT), 真係大L獲

樓升, 其中一個因素係人流, 你睇西環, 將軍澳, 消費得起的朋友入左去, 又開補習社, 高級食肆, 國際學校, 大型MALL 等等....如果D人直頭都唔想去, 可能會唔會變左屯門碼頭 (以前) 咁, 或者深井咁, 永遠有個DISCOUNT

大圍站部份月台突沉降20毫米 港鐵即時叫停新世界上蓋工程 

港鐵今日表示,東鐵綫大圍站2號月台第12卡車位置,在昨晚例行檢查時發現沉降至20毫米,據港鐵稱已要求新世界地產即時停止上蓋發展項目工程,並已邀請屋宇署及機電工程署視察,暫時並沒有影響行車安全。新世界發展表示承建商並因應港鐵公司的要求,即時暫停在東鐵綫相關鐵路保護區內的地基工程。
新世界表示一直有委託結構工程師定期監察發展項目毗鄰的大圍站沉降情況,在昨日(7月12日)發展商與港鐵公司代表聯合檢查時,發現大圍站南行綫月台末端位置及附近出現輕微沉降,結構工程師已即日向屋宇署通報。新世界表示會繼續密切監察有關發展項目的情況,並與港鐵及相關政府部門保持緊密聯繫,以配合港鐵鐵路安全措施。

【豆腐沙中綫】港鐵認鋼筋冇扭螺絲帽 高層:保護膠塞都冇拆 

沙中綫紅磡站北面連接隧道今年初因嚴重漏水,揭發駁口鋼筋沒有扭緊接駁。有傳媒上周爆出相片,顯示隧道牆身被拆開檢查時,至少一排約10多個螺絲帽完全沒有接駁鋼筋,甚至保護膠塞也未拆除,港鐵當時拒絕解釋原因;立法會今日多次就此追問港鐵沙中綫土木工程總經理黃智聰,黃最終承認曾見到膠蓋未移除。
委員會主席田北辰在會上展示傳媒取得的照片,質問港鐵代表檢查時有否見到相關情況,黃智聰並無直接回應,僅指「做得唔好」、「有機會出現」等,被連番追問下,方承認曾看到有關情況。田北辰指,紅色膠蓋未移除,顯示鋼筋根本無接駁,「係非常嚴重」,他追問運房局副局長蘇偉文會否向特首林鄭月娥反映事件,讓獨立調查委員會的調查範圍擴闊至北面隧道,蘇回應指會向陳帆及林鄭反映意見。公民黨楊岳橋詢問該處由何人簽署確認鋼筋質量符合標準方落石屎,港鐵代表指現時手頭上並無有關資料,但承諾如發現有同事沒有跟程序辦事,港鐵會跟進。他又承認港鐵監督有不足,董事會非常緊張。立法會上月初亦曾就醜聞召開會議,當日港鐵派出多名高層包括行政總裁梁國權、工程總監黃唯銘出席,惟今日二人均無出席,運輸及房屋局局長陳帆亦無出席。田北辰表示,有邀請工程總承建商禮頓、負責紮鐵工序的分判商泛迅、負責水泥工程的中科興業、港鐵及政府代表,但並無指明人員。林卓廷質疑港鐵的高層全部都無出席,「係咪怕咗中科唔敢嚟?」公民黨陳淑莊批評陳帆缺席會議,是「小器發作」。

 

13 則留言:

  1. 哈哈!小弟金翅大鑊鳥!

    回覆刪除
    回覆
    1. 究竟係沙中缐出事多?還是以前啲工程都係一L樣不過無人知?是否有結構性因素在其中?有否new player 攪局?還是分餅仔不均而有針互爆?who can tell me why...

      刪除
    2. 希望將來有套「竊聽風雲之工程大餅」,本熊一定捧場

      刪除
    3. 本熊兄,爆出來反而是好事,成條沙中線來個驗屍咁驗。雖則會延至202X通車,但咁肯定安全到不能再安全,仲有沙中線概念仲有得炒多兩三四五年。至於無爆的線路是否安全,又會有人食緊飯,夠膽走入餐廳廚房睇下點煮呢。咁娥姐又有原因賴供應不足,因為地鐵上蓋物業起唔切。

      刪除
    4. 三兄呢個就係比較好的處理方式
      但我話OK就OK,呢個咁正的文化下,如果處理不當或者唔係推倒重來,那出事未必一定,但係作為投資者,心入面有野頂住頂住,何況自住用家?
      希望林鄭搞得掂啦,呢條綫方便左好多人,唔好搞到一鑊粥

      刪除
    5. 香港已死,制度早已崩壞,三兄這次我絕不同意你的一廂情願,爛了的不會變好的,安全? 別天真好了,全部工程之後會好? 別認真好了,問題只會一直存在,只是你知道或不知道罷了。

      你睇下小米依D咁有問題既企業都可以用超高估值上市Cap水,仲要高官撐場,林鄭個仔係小米做都唔洗避嫌,香港還有制度可言嗎?
      這裡只是一部ATM而已

      刪除
    6. 小弟都唔多信官僚,同國企。所以港鐵嘛... 都係唔多信得過。

      刪除
  2. 強如香港估唔到都會發生呢D 事

    回覆刪除
  3. 田北辰依穫都好嬲, 俾足錢俾啲咁既質量.....

    回覆刪除
  4. 沙中線係正市中中心地帶, 應該都會有人流
    差在天價維修, 無限續命

    回覆刪除
  5. 濕鳩企業, 今年果斷沽清
    砌高達都唔會咁兒戲

    回覆刪除
  6. 限購令政策先到,唔使等沙中線出事
    https://hk.news.appledaily.com/local/daily/article/20180713/20448532

    回覆刪除