2019年8月19日 星期一

小道消息 - 推介單位已沽出

小道消息, 主區AA戰報, 該盤應該沽出左

仲有2房一間頹景沽出8.75M 左右

業主在最近大型政治事件發生後心態轉弱,有個別業主無差別跪低將鎖匙奉上。

至於2.5房都有零星業主肯減價,可惜小子個底子都係一個會計佬,15% 我係決不俾班政府官員架啦

至於玩打波近親轉讓呢, 好耐之前都講過有行政風險,雖然相熟律師可以幫手做到

下個星期再UPDATE 下D盤再出海怡戰報

而由於小子有機會去埋黃竹坑區同埋香港仔區睇下樓,或會合併於下一篇睇樓記一同刋出




12 則留言:

  1. 但近排事件,樓到2047年,呢點係未真係要考慮呢?同埋今日出左新聞阿爺鼓勵港澳人士去深圳,睇來香港都危危扶,都有考慮移民,但沽唔沽空哂d物業好,快兄點睇好?
    利申: 本人有3層物業
    謝謝,心煩人上

    回覆刪除
    回覆
    1. KK 兄,

      1. 看看隔岸的深圳, 有好多貴過天水圍的樓
      2. 香港人走, 香港這個角色還在不在?
      3. 移民唔代表要沽野, 有CONCERN的話用股票操作, 沽1/3 或1/2, 切忌空倉

      刪除
  2. //業主在最近大型政治事件發生後心態轉弱,有個別業主無差別跪低將鎖匙奉上。
    --> 似乎有些人真係睇得好淡。這也難怪,畢竟這次是質變,將香港安全城市的印象,一鋪清袋。
    但香港點衰,仲有港元。北上深點好,都仲係人民幣計價。香港在中短期仍是中國境內唯一的金融中心。
    而且,人總得要住。希望有上車客能把握到這次機遇,執到筍盤。
    不過,又係果句,傳媒高唱國破家亡之時,又會有上車客出來買野呢!最終這些筍盤都是快兄這類高手撈到的多...

    回覆刪除
    回覆
    1. 三兄, 不要再說了, 我幾想無左3D辣招, 那撈貨的當真是小弟

      看淡, 主要原因係中國寸步不讓, 721無差別攻擊至令到香港人覺得唔安全同埋唔公義
      可是, 反過來看, 內地人從來唔覺得打人係一件事, 因為佢地慣左只係搵錢
      當然香港人會話, 無自由窮得只淨下錢, 我寧願走, 是對的, 是一個選擇問題
      可見會加速本土移民, 新香港人REPLACE 本土香港人, 在增加供應 (賣樓走人)下, 樓價可能有受壓/升得咁咁慢

      觀乎映日灣的購買力便知到還有不少人在出手.

      刪除
    2. //觀乎映日灣的購買力便知到還有不少人在出手.
      --> 仲有抽居屋果三十萬張申請經已解凍。
      有一些人寄望大量港人移民能推低樓價,身邊的例子告訴我,上一批移民的人,下一代都回流返香港去搵食。國藉變了,但仍舊在香港搵錢與生活者大有人在。
      最終,解決方案仍然只有大量造地。

      刪除
    3. 國藉變了,但仍舊在香港搵錢與生活者大有人在。
      //睇下我地高官, 全L部都有外國國藉!賣港求榮者,一個已太多

      刪除
    4. 泛指子女, 因為佢地做高官時已放棄外國國藉......但係佢地家人係...所以又可以二次申請.
      實在係非常過份. 上至立法會主席, 下次AO 小薯...
      支持杜絕雙重國藉, 星加坡拎PR 便唔可以有外國國藉, 而醫生律師等等高貴職業都強制要申請PR, 實在要借鏡一學!

      刪除
    5. 最終,解決方案仍然只有大量造地。
      // 三兄, 希望政府吹風加快農地置換係成真, 否則山多地少, 我地30幾年前讀書的東西, 到今天都係無改變過, 房屋依舊短缺, 非香港之福!

      刪除
    6. 即便我跟你多麼支持造地,奈何我看到社會現在只聚焦政治,無人理會造地。

      刪除
  3. 每次危機,傳媒都講到世界末日,呢刻仲有實力掃貨既投資者,真係令人羨慕。

    回覆刪除
  4. 我相信危機是人為做出來的,而不是此地變質了,人文質素下降了。今天的局面,源於國家實力不足,只能無為而治,加上敵人多年來的深耕細作的結果。區區一個特區政府,加上前朝所謂精英的庸官之治,哪可能抵抗得到國際強權的顛覆?

    可幸的是,這個地方被顛覆的方式也真夠和平理性,文明得令人驚訝,待國家站穩陣腳,這個地方便能得救,我會用自己的雙腳投下信任的一票:增持。

    而無法以道理教化的愚民,是世界各地永恒的一種存在,走到哪裏都是一樣,只差在有沒有被強力部門,翻出來搞事而已。移民了的人,如果實力不足,更是人離鄉賤,一但遇上動蕩,可能被清算身家後,黑着臉哭着回來。例如把寶島視為樂土的那位投資達人,當小心天災地變人禍,這個地方的愚民比香港的更愚蠢,恐怕終有一日,成為一場代理戰爭的戰場。

    回覆刪除
  5. 想請教,以下盤是真減,還是叫價過高,係咁咦減返啲?謝謝。

    https://www.am730.com.hk/news/%E8%B2%A1%E7%B6%93/%E6%B5%B7%E6%80%A1%E5%8F%88%E5%8A%88%E5%83%B9%EF%BC%813%E6%88%BF%E6%B8%9B%E5%83%B916-187677?fbclid=IwAR3hf_11TAmjVAtS_6UMZ3-FIcxTGhzz8GN0ChJvyoJiOXEXdWRCsntUvXA

    回覆刪除