海怡戰報, 柏傲莊排到嘔電

 最近小子都去左睇多左海怡, 因為目標係想入手多一間

呢張係單位外望

小子暫時等緊轉名完成後先會出手, 睇下到時件貨走左未.

講番海怡主區, 相對來講3房都係1050-1200 萬區間上落

無他, 林鄭PLAN 1000萬或以下係可以借80%, 如果一掂到1000萬的合理3房, 好快俾人買左, 所以3房相對硬淨, 無人會肯減到1000或樓下

以2.5房的成交約莫都係900-990 中間, 因為3房的價錢在1050 左右, 而少幾十呎自不然都係呢D價錢, 加上2.5房多數在3期, 即係最近MTR, 價錢上無大落價的可能性, 在TU下, 每個人都不能多借, 所以業主都普遍惜售

話雖如此, 小子知道有零星個案係沽野移民走人, 而且在貝沙副主場都係有一兩個個案出現

港資退, 中資進. 等待消化完成後便會整固穏步上揚.

市底的威力不用多講, 睇下柏傲莊排隊排到嘔電, 18000/呎最低層都仆到去買, 就知市底的強弱。柏傲莊高層的價單係22K-24K, 而且入名呢家係不設轉讓, 而新世界係無提供發展商按揭, 2房最多都10XX, 3房13XX, 樓花期2年, 即係2年後買家係一定要, 一定要, 俾50% 首期上會, 頂左一年先可以善價而沽

哪怕所謂幾咁平, 幾咁抵, 上蓋等等, 2年後都係要真金白銀拎50% 首期上會

一葉知秋, 18000/呎咁多有50% 首期的人出來買係唔係旺市? 定係淡市?

相信讀者們應該心領神會。