2020年4月1日 星期三

滙控取消派息 - 食息一族的惡耗

滙控因應英國監管當局要求取消派息

https://www1.hkexnews.hk/listedco/listconews/sehk/2020/0401/2020040100002_c.pdf

因此,董事會於討論審慎監管局的書面要求後,決定取消原定於 2020 年 4 月 14 日(星期二) 派發的第四次股息每股普通股 0.21 美元。就取消派息對股東(包括香港、英國及世界各地的個 人股東)所造成的影響,董事會表示遺憾。

董事會於更充分了解疫情的全面影響,以及環球經濟未來幾年的前景較為明朗之後,會重新檢 討 2020 年的普通股股息政策及支付安排。除以上因素外,董事會亦會考慮滙豐根據內部財務 預測及模型所作的分析。
-------------------------------------------------------------------------------------------------------------------------

又一次證明,靠派息過活真係在黑天鵝事件中係可以大失預算

今年唔派,出年2020年又檢討, 如果主倉5.HK 收息的話真係頭都痕埋, 佢唔派息, 股東又駛唔駛食飯呢?

如果投資者 (利申有持倉, 上個POST"全球大放水"可以睇到), 究竟閣下如果見到5.HK 因為咁今日跌到38又會唔會腳軟?

如是者說, 如果純以收息角度, 債券是比股票好. 經過滙控減派息這事兒上, 應該沒有太多人會反對或爭辯了.

至於炒價一族如小子呢? 兩個字, 輸錢

買樓收租預到租霸都係一時三刻, 申請左收樓令, 拎番層樓便OK.

5仔都唔派息? 真係吹漲了....

如果疫情影響到其他公司又有樣學樣咁就PK.....

REITS 好D, 法例規定派90% 淨利潤出去

其他公司如 1113, 1, 1038, 2638 等等, 大家話唔派息無可能啦....5仔今次作個完美示範咩叫做無可能了....9%息? 可以係彈指之間歸零, 而唔駛同股東作出任何交代的.

控制注碼以至不用任何單一事件打亂整盤部署, 嚴控槓桿, 才能安然度過風浪.

食早餐去了, 睇下9:30 市場先生會點俾個NEW PRICE TAG 5.HK

利申我有貨架

收到改篇的"滙豐之歌"

<滙豐之歌>

無法可收息的一對手 匯豐股價永遠在背後
縱使青姐始終關注 不懂分析太內疚
沉醉於低吸她不讚賞 理想的價卻永遠地折讓
決心衝開心中爭扎 今天all in報答
即使股價插痛我的心 很想看到你我仍然未退場

是你多麼高息的匯豐 教我堅毅望著錢路
始終有派息 不必放棄

無法可收息的一對手 匯豐股價永遠在背後
縱使青姐始終關注 不懂分析太內疚
沉醉於call put她不讚賞 槓桿操作卻永遠在退步
決心 long short之中掙扎 本金不可報答
Strong hold 爆跌跌到好L甘,一生積蓄無言地送贈

是你多麽驚青的目光 叫我沽盡勿望前路
請准我說聲 真的放棄

----------------------------------------------------------------------------------------------------

明明滙豐轉眼變成利豐
https://lihkg.com/thread/1952991/page/1

15 則留言:

  1. 以為收息可以財務自由的惡夢來了,滙控做了很壞的示範,甚他企業可能有樣學樣。

    之前有報導有中石油股東每年收二百幾萬股息,但股價跌至新低,差不多廿年無升過,相信收到股息,心理也不味兒。

    回覆刪除
    回覆
    1. 連渣打都跟埋,好學唔學,成班英國佬。

      刪除
  2. 英國政府已經學美國政府大派銀彈俾市民,仲出埋QE,那邊個又又又一次找數呢?

    BTW, 喜歡叫獅子銀行做 HONG KONG BANK 的朋友,又係時間諗下,點解大部份盈利來自香港,又是香港發鈔銀行,為何每逢出事,總係搵香港開刀呢?

    回覆刪除
  3. 哈哈, 三兄, 發鈔銀行得番2388 係正常派息.
    5.HK / 2888.HK 已宣告唔派息...

    回覆刪除
    回覆
    1. 快兄,小弟不是有心講匯豐。原因係本人真心不喜歡匯豐。
      我甚至覺得匯豐作為香港的發鈔行,對不起香港人。盈利主要來自香港,炒人先炒香港人,供股卻是香港人受。
      上次美國次按金融海嘯已經係搵香港開刀,這次如果英國老巢有事,恐怕又係香港員工及香港人埋單。

      刪除
    2. 呵呵, 無事的, 不用介懷, 事實在HSBC 真係搞D股東咁賤格, 係抵俾人鬧

      刪除
    3. 同意三兄,我對 HSBC 虧待香港人的做法同樣非常不忿。

      刪除
    4. 雖然hsbc 不嬲都係揾香港人著數,但今次唔係應該關監管方面既事嗎?監管當局竟然可以粗暴煞停上市公司正常既派息動作。英國已經脱勾,今次仲咁搞,倫敦個金融中心既地位真係。。。😅

      刪除
  4. 上錯賊船,認輸走人.

    回覆刪除
  5. 不如咁講啦,如果你比匯豐自己揀佢會寧願派息定係唔派?

    今次係監管當局要求銀行取消派息,並唔係佢自己一間銀行可以決定。幾年前匯豐銀行開始固定派息,目的就係可以吸引食息一族投資匯豐。由於股息金額已經固定,所以每逢股價下跌就會顯得股份更加吸引。既然匯豐實行定額派息及回購股份目的係為咗支持股價,咁點解今次佢又要自斷雙臂呢?

    回覆刪除
  6. 2008年時有人說過匯豐只值16蚊, 都唔明好多人咁喜歡買匯豐.....

    回覆刪除
  7. 其實英國有五間銀行都被斬派息,滙豐係其中一間,佢地唔單止香港,其他地方都無息派。今次大家對滙控既反感,會唔會係源於香港人對於這間雖然名字有香港兩字,但開宗明義講明「以倫敦為總部,以亞洲為主」既world's local bank投放了太多感情?

    回覆刪除
    回覆
    1. 小子認為絕對係.
      除此以外, 除淨左唔派息先係令人火起的地方

      利申, 我除淨左先買的.

      刪除
    2. 呢樣真抵打,估佢應該唔會當無事發生既,好似話有四間銀行包括HSBC响英國同政府仲傾緊。

      刪除