尋找筍盤的故事二之彩蛋分享

睇番尋日留言, 忽發奇想,就講下真人真事, 不過係此前先回應下各位先

1. R兄: 再黑暗D可能要去地球的南邊搵下陽光, 應該都幾和煦下

2. KK 兄: 負擔得起, 有比市價平的都係時機, 我們不能TIME THE MARKET, 每次出手都食到平野便OK, 要等03年ALL IN 再95% 上會, 應該係現實上唔太可能. 一在於市衰上會難, 估唔到價, 二在到時出手的心理壓力會大過呢家好多, 好多無謂人會呀支呀左, 令到你錯失機會, 所以時機嘛, 平20% 俾你講真俾哂BUFFER, 計過數輸你唔死, 其實無咩太大CONCERN

3. 斗滿兄: 鋤價....識揀梗係揀大陸業主.....九站貝沙都有零星好野. 大陸人一向爽快

4. 三兄: 貴區係新貴.....仲要開屯馬線......

5. 理兄: 移民賣樓者少, 止賺離場係有, 不過坦白講, 唔多. AA 用來打去現役靚盤業主度R貨就有....

6. 唐兄: 平少少都俾人搶左了......不過應該仲有機會, 失業率好大機會會升, 早幾日我渣車在街畢打街俾排隊的的士阻住係LANDMARK 出唔到去, 時值13:00 中午....個市真係淡, 零售特別係, 想信不用多講. 一環扣一環, 有機會心理質素差少少的業主會肯沽野

7. 米兄: 始終係有一批港島FANS...海怡主區, 中價野到價都好快走到, 講緊1000萬左右的銀碼去得快

彩蛋1:

當年係由2017年9月中磨到9月尾, 當年小子睇中左就係件自住3房, 個時係極殘裝

其實極殘裝係一件好事, 因為10個睇樓有8個都睇裝修, 淨番得2個人真係同你爭, 避左D人同你搶, 你就可以慢慢磨個業主

好啦, 同相熟AGENT了解左個業主, 原來都係AGENT, 小子心入面暗暗不爽, 死啦, 即係遇到熟盤熟市, 其實好難偷雞. 

初頭俾佢玩番轉頭, 由1088加到1168, 仲話會裝修間屋放租, 小子都預左買唔到

於是小子同相熟AGENT 了解, 原來佢仲HOLD 住間海怡大野, OK, 咁即係炒家+ FIRM 賣.

咁就好搞了, 因為每個人賣樓都有原因, 例如換樓用家其實係劈唔到價, 因為佢收少左即係等於佢無錢買到新野, 理論上一個仙都唔會減, 除非佢想轉租

而呢個業主好明顯係想TIME THE MARKET, 於是我等, 等到9月下旬有2日一共跌左1600點, AGENT 打俾我就佢改番價1078有得傾, 咁我於是便即刻上去, 業主開門, 我同佢講, 呢家收左口訂, 篤落個市度都係一個OPTION (事實上跌1600個下我都有入貨)

* 其實我又有D偷雞, 因為細訂我俾多, 50萬, 升10% 先得5萬, 呢個statement 絕對係playing with his mind, 令佢有誘因沽貨.

因為佢有多一個單位, 即係有位走棧, 再加上係PROFIT TAKE, 我都預期佢係會收票. 最尾有驚無險地成左, 比佢個老底1088 仲要平左幾十萬. 

有驚無險在於其實係有一個買家同我搶票的, 我個時係跟中記買, 美記TOP SALE個客同我搶呢個單位 (即係小子美記個AGENT 朋友, 佢老姐的行動力, 正路係搶輸), 好彩當時真係即刻出手, 唔係的話又係無左, 聽番佢講, 個客到呢家都搵唔到內園大三房...都3年了. 對上一間高層樓+內園係12M 左右.....上年新高價零議價沽的...實在...抺一把冷汗.

彩蛋2:

小子上個星期其實傾緊一個同層的3房單位, 該單位沒有流出市面.

事緣小子見到對面有人搬走, 八公上身去了解下對面係租客定係業主, 租客話佢搬走, 買左樓. 咁於是我就膽粗粗去門口裝下, 原來業主兩公婆都係度, 於是同佢吹左陣水, 我便問佢, 呢家疫情, 個市又唔好, 有無諗過TAKE PROFIT, 如果價錢啱可以傾, 業主本身有個AGENT係度, 支開左佢, 業主俾左佢個電話我, 再傾, 因為佢都買左間新樓同埋佢話佢有3間屋, 所以可以商量,  WELL, 即係有心賣啦.

佢夜晚仲要打俾我, 問我考慮成點. 我一口開9.5M (中SIZE 3房), 當然係笑笑口, 話唔啱無所謂, 啱就傾下幾時成交, 其實單位估價9.5M左右, 我係無打算壓佢價, 不過市場係成交左1030-1050. 950萬到我都開心, 因為SHOW 左底牌, 同層業主想買一向都係無得平.等於你玩大富翁想買埋同一隻色的地段, 點會平俾你?

點知AGENT 落左毒, 佢知呢口價都話唔打算沽 (其實買到等於買平左100萬, 因為中三房係絕少BELOW 10M, 一係1樓加1-2期, 3,4期一定係貴50-100萬), 話個AGENT UPDATE 左佢成交都係10XX.

佢仲叫我租左佢, 等下個市跌先分分鍾會平D, 我就笑笑口話其實你唔沽俾我, 到時疫情好番你都唔會700萬沽俾我啦, 你收租都回左本 (查左冊大概計左數), 佢笑笑口話後生仔你都幾心水清喎....於是講多幾句都係話買唔到係可惜等等客氣說話

呢D供滿左樓的業主, 如果你要拎佢手上的貨係好難, 要用PREMIUM去拎我又唔多LIKEY, 反正又唔係MUST BUY, 於是就此作罷.

另外, 想借位感謝一下亮光出版社將小子的書做左E BOOK, 等在疫症影響下的朋友都可以買到書睇, 十分感謝出版社方面如此貼心的舉動

https://play.google.com/store/books/details/%E5%BF%AB%E6%B4%BB%E8%B0%B7%E5%B0%8F%E5%AD%90_%E5%BF%AB%E6%B4%BB%E8%B0%B7%E8%B2%A1%E8%87%AA%E4%B9%8B%E8%B7%AF?id=Ku7NDwAAQBAJ