收爐

今日半日市, 沽埋2680 袋番少少錢過個HAPPY NEW YEAR  


淨番30,000 股長和做胆睇埋文翠珊脫歐咩玩法

回顧2018年, 咩都無買過 (因為2017年年尾買左件3房), 車仔又未想買 (的士跌到490, DB車仔190-200)

除左出租左樓3之外, 基本上大PROJECT都做左8899 (2018年中搬入新屋)

展望2019:

1) KEEP番住運動, 要操番FIT 自己

2) SECRET PROJECT 進行中, 不過呢件野實在係好TIME CONSUMING, 要俾心機盡做

3) 還書債, 啱啱買左幾千蚊書FROM AMZN, AMZN 真係好X毒, 狂買...我諗唔會再係三聯的VVIP 了........

4) 2019年買多一件ASSET (因為2018年無買野), 可能係車位, 車仔, 或者寫字樓仔

5) 建構CASH COW 同埋積極研究AUS 樓

從來股票都係難玩, 仲要呢家公司限住買左要HOLD 1個月, 愈來愈麻煩

股票方面, 全年TRADE左10次咁大把, 計埋MARK TO MARKET, 贏20萬

計落去, 其實唔係最尾12月發癲買長和, 基本上成年都無郁過咁滯 (黃色乃係未沽的新買股票)

如果無買長和又係得幾十萬倉位, 真係不提也罷.

買完長和後的持倉

2018年回顧

2018又差唔多過去, 係時候總結下今年的成績

樓宇方面, 全部租出,無咩變化

身體方面, 減左10磅, KEEP 住

工作方面, 轉左工, 等緊下年上任, THE BEST IS YET TO COME

2019年係輕資產的一年, 因為3D 辣招下, 小子無咩意欲俾100幾萬政府出糧俾佢D STAFF, 所以除非好筍的情況下, 唯有忍下手

全力建構PORTFOLIO 同埋會視察澳洲樓, 準備買番D貨, 如果要移民的話都有個地方住下

話時話, 英國臨近脫歐都話想收緊中國同埋外來移民限額, 可見如果閣下仲諗緊移唔移的話, 實在係要快手少少, 否則一個落閘便GG......

長和

沙中綫等2047後通車

【豆腐沙中綫】最新開鑿地點螺絲帽仍不合標準 5次檢測全部「肥佬」

沙中綫紅磡站剪鋼筋醜聞在今年5月被揭發，港鐵半年後終同意鑿開石屎檢查。不過首批隨機抽驗的3支鋼筋已全數不達標準，立法會鐵路事宜小組委員會成員陳淑莊透露，收到消息指最新開鑿的兩個地點，而至今開鑿的五個地點，全部螺絲帽都不合格。

陳淑莊今早接受電台訪問時表示，在新開鑿兩個地點的螺絲帽同樣不合格，螺絲頭扭入螺絲帽的長度，只有31毫米及6毫米，與44毫米的標準相距甚遠：「5個地方全部都唔合格，要求扭入去44mm，最近驗果兩個數字更惡劣，一個係31（mm），一個係6（mm），我見到單位數我覺得好震驚，驗咗5個位，5個位全中。」如根據港鐵提交的《檢驗建議書》中提及檢視最少84個螺絲帽，5個不合格已經佔12.1%最高不合格率，情況並不理想，認為政府應該現身交代，甚至考慮是否要拆卸。

運房局昨日確認首個鑿開處3支鋼筋螺絲帽均外露超過兩個扭紋，不符合螺絲帽供應商最多外露兩個扭紋的標準。根據現場進行非破壞性測試的初步結果，首個開鑿位置三個鋼筋絞牙，扭入螺絲帽的長度分別是29毫米、34毫米及34毫米，比原設計可扭入44毫米，少了10至15毫米。

------------------------------------我是沙中綫-------------------------------------------------------------------------------------------------------------

可以預期立法會唔會再批撥款, 因為香港人的問責精神仍在, 要抽出UGL, 禮頓等等建築界老鼠, 搞掂個問責先有JUST & EQUITABLE GROUNDS 去再批撥款

又或者MTR 可以發債搞掂, 政府係唔會有呢個能力埋呢張單

66.HK 小股民真係小心D

不過又咁講, 作為大股東的政府, 呢舊屎咁大, 如果仲係隻眼開隻眼閉咁樣, 其實係俾一粒大子彈俾泛民做瓜佢地, 好不容易CY 先成功將港人分化, 同埋將獨派打死

呢家俾佢地出超必? 真係好考林鄭功力

但執正來做的話, 建制不會得失任何選票, 而且可以SHOW 到俾市民睇, 佢地都係唔"護短" (咁大單, 你叫護舒寶出來都搞唔掂啦, 唔係你地唔護)

如果執正做, 真係炸Q左佢, 永不通車做地下商場, 可能係最合適

一係就等2047後啦, 解決左制造問題的人就OK, 我話OK 就OK!

麻9煩的上一代

尋日AA打來問租客想度呎, 買定傢私

呢個動作多數小子都唔會ENTERTAIN, 同買左樓交左大訂你想上去度呎一樣, 間野係你慢慢度吧...

不過小子為人父後, 對夫婦+小朋友特別忍讓, 算吧, 予人方便

誰不知租客回覆AA話約埋老爺奶奶上來 (真心仆街了), 小子最L憎的吹毛求痴老頭一定會出現

上到去, 一貫客客氣氣, 因為呢間屋唔係小子名下, 小子慣常係話"我係代業主行行企企"(如果係小子名下, 小子係會叫親人代理, 基本上所有奇怪要求都可以事先SCREEN OUT)

AA客套話: 背後咪又係你.....(係掛, 不用分得那麼細好嘛? 買樓唔會用死一個人頭吧, 一家人邊有分你我呢?上會我上添, 真心無問題)

上到去, 呀長輩大人話好嘈, 我心諗, 2皮野有找, 對車路3房港島......自己都覺得超值 (樓上租21K, 小子收19K)....小子一貫笑笑口, 唔出聲, 第一, 向內街係對天井同埋無海景, 第二, 同你買灣仔/西半山一樣, 你吊話20000/呎無海景, 只會顯得個人同某個數字特別有緣.

戲肉來了, 因為小子全屋燈制換, 抽油煙機全換, 厠坑新, 廚厠枱面新, 水龍頭新, 老人家無咩"挑剔"

最爆係話吖.....不如呢度"拉天綫", 咁咁咁擺吖, 教小子間屋擺位, 跟住又話間房細...WELL 差唔多500實呎可以有幾細呢? 我自己住都係每間房放4X6 加個櫃都OK...咁納米樓真係死L得人...

又問, 熱水爐無換喎...我心諗, 個爐都10K, 你唔係叫我鏟9起佢重做吧, 哈哈 (由此可見老一代係負面L, 下下剔挑, 負能量只會自己食番, 一個投資者, 係非常"正面", 計好數, 有得做就做, 唔會因為咩咩咩"驚", "怕", 等等而縮, 或者算計別人)

又係個句,小子對後生仔特別忍讓, 其原係因, 現今好多80後都番工番到頭暈, 好多老人家對後生指指點點, 話買樓叫你慳D洗呀咩咩77等等, 真心, 除左個人眼高手低之外, 普遍來講買樓難度係不少, 在於升到呀媽都唔認得的情況下, 落注係要好強的心理質素去抵抗家中上一代的咀咒, 又要面對傳媒老吹話跌357成的心理壓力加埋姨媽姑姐的恥笑 (小子09年買第二間時, 亦都係俾親人恥笑, 話輸L死你呀, 仲有得跌9成....1997年咩咩柒柒.....)

之後呀老人家仲要話窗花係業主包的ETC...其實係1)無規定 2) 俾左你, 但係你唔可以要求轉款

各位, 做人真係要KEEP住UPDATE 自己, 下一代的TREND都要知, 否則太OUT真係會衝出來柒

最搞笑係小子同佢笑笑口講, 呢樣我渣唔到主意喎, 師父唔識換, 業主又唔係我, 未必肯換 (最佳擋格)
但老人家未知機話咁你叫第二個師父換啦...(=.= 凸)

其實, 買樓係現狀交收, 租樓呢? 小子如果對住上一代業主已經收左皮,
小子N年前"睇租"殘裝城市花園, 業主係LIFT 已問, 你做盛行, 幾多人住, 點解住, 有無狗, 健康如何....極度HARD FEELING, 以前年少氣盛, 一句串番佢, 話其實你殘裝仲要開門你悶唔悶呢, 收個兩雞幾野租呀支呀左, 呢家小子睇下都未曾租你都咁L串, 租左你咪大L獲, 心諗我運吉因為你樓上10層放賣呀BABY...... (所以小子對租客係好有同理心, 因為90% 係買唔到DREAM HOUSE 所以暫租, 大家客客氣氣, 唔好當人狗咁撚, 山水有相逢, 人有三衰六旺, 到時你因為咩原因都好, 要租樓, 或者去左租客公司打工, 咁就GG....不過今時今日, 都係個句, 笑而不語)

不過都係個句, 小子份人真係無咩所謂, 客客氣氣, 所有野都係好少事. 小子只係回覆, 合理就做, 業主唔肯我都無計.

出門口後, 老人家話: 吖你都算係幾好業主喎, 小子都係笑笑口, 傻啦, 少意思. 我跑腿來啫, 我又唔係業主, 但如果換唔換我都話得下事, 我唔換的話多數佢都唔會換架啦, 不過, 最緊要大家HAPPY.

冷不提防, 老人家又再一問, 個鐵閘呢? 好舊喎.... (做人正面少少好無....)

AA已搶答: 業主已訂左貨....其實呢個業主好唔話得, 咁都肯換.... (見到兩夫婦有D唔好意思, 但小子依舊笑笑口)
小子: 小事小事

AA之後同小子講, 睇你都唔止一件貨, 有咩關照下....
呢樣先係小子最大得著, 主區1又多一個可靠AA.

順利租出一件貨

尋日小子放工處理埋空置的一件市區3房

租金實在係非常平, 20,000 有找, 11月例淡, 係咁上下.

租客係做教育同埋銀行, 一家幾口加個工人

AGENT 叫小子在單位入面等, 說想小子同對方亙相見個面, 過程非常之好, 小子一早已經AA提出, 請租客面見, 同埋再確認有無咩東西要添加,掉左佢, 小子搵相熟師父處理

當然, 小子係一個非L常奄尖的人, 竟提出 "換鐵閘" 呢個咁痴綫的動作,準租客即刻眼前為之一亮.

佢話點會有業主肯換架....我都想同你講但係又怕你唔肯, 因為好大工程, 因為個鐵閘有D嘈, 怕嘈到小朋友.....

小子話, 其實我想換, 不過你BEAR WITH ME, 可能訂貨要少少時間, 始終個閘嘈我唔太LIKEY.....可能到你收樓仲搞緊個鐵閘, 不過你OK 我訂貨 (要幾千蚊)

最緊要收KEY之前, 見過面, 第一, 等佢知我唔係亂加租又唔整野; 第二, 我亦都同佢講, 我全屋燈, 電制, 冷氣, 抽油煙機, 廚厠枱面都鏟左佢, 厠所仲要換ROCA/TOTO (真係諗番起都痴L綫), 賣屎坑條友話, 租俾人, 用大陸貨咪得, 駛唔駛買幾千蚊個屎坑呀......我心諗, 我係差水龍頭未用HANSGROHE, 有錢你就收啦, 咁多嗲 =D

其實屙屎係好L緊要的, 面盆用大陸無所謂, 但係屎坑呢家野, 真係要買好D.

其他面盆, 星盆, 全新, 不過都係師父係大陸訂番來;

燈制, 電制全部C來得, 燈全部港貨....(本人唔淘大陸燈自己裝...會爆炸的)

雖然係區區幾皮, 我都係錫屋之人, 我當每一間屋都係自己親生仔一樣

經紀仲問我可唔可以俾多幾日免租期俾佢, 小子話隨你的便, 簽完正約, 過左支票數你攞鎖匙上去慢慢玩

AA 話呢D咁無所謂的人都係好少見, 租客仲即場抄我牌添....我話有野執漏叫我搞就得, EASY

同時間, 電話响, 中記OFFER 左22K 俾我, 竟然在租客面前拒絕左 (係未簽約的), 個AA 都O 左咀....=P

做人係要有信用, 講左係咁就咁, 唔係你俾多幾千蚊就大L哂的.

中記跟住問我賣唔賣, 呢個問題當然好容易答: 唔沽

之前有網友問我免租期的東西, 其實想講, 我係好撚求其的, 7-14 日不等, 1個月都試過, 只要合眼緣, 其實無所謂

尼采名句

對於買唔買樓, 定投唔投資, 買股定買債, 引用尼采名句:

You have your way.I have my way.As for the right way, the correct way, and the only way, it does not exist.
你有你的路。我有我的路。至於適當的路，正確的路和唯一的路，這樣的路並不存在。

而對於投資悲觀的人:

受苦的人，沒有悲觀的權利。一個受苦的人，如果悲觀了，就沒有了面對現實的勇氣，也沒有了與苦難抗爭的力量，結果是他將受到更大的苦。

一個窮出身的人, 沒有時間, 沒有空間去擔心, 去悲觀. 因為時間先生是在於他的對立面.

唯有方方面面都積極處事, 應出手時大膽, 果斷出手, 才能有機會突破籠牢

記緊! 你的投資才是自己的終身事業!

昨天放假除了同朋友去傾自己生意及處理私人野之外, 還收到一個消息, 好友的妻子俾人LAY OFF 左....

小子講過1000萬次, 再一次提醒大家, 記住, 份工係永遠唔會係STABLE的

與其花一日12個小時同人搵錢, 不如做到夠數, 淨番的時間記得同自己打算一下

唔係叫你渣流攤, 但係絕對,千萬不能為公司賣命!

MNC 都無Q用, 話郁就郁, 做左5年好, 幾多年都好, 根本到個一刻係無情講

亦都唔好相信中國人個D "無功勞都有苦勞"的ON9說話

記得, 自己的錢才是自己的. 唔好諗住咩BONUS 呀, 咩咩JOB SECURITY 呀


唔想做生意的, 記住, 2000萬係一條DEADLINE, 5% 939 又好, 5仔又好, 100萬/年收息, 係輸通漲, 但係最少最少係有尊嚴過日子的碼數.

如果無2000萬的, 有空增進下知識, 等自己5% 變做8%, 10% , 12%..... 咁的話, 唔駛2000萬都可以唔駛受人閒氣同埋唔駛怕俾人郁手

當然, 都有適當咁"增值"自己...我唔係講讀書...你懂的