芬蘭學習

芬蘭學習, 呢篇真係無咩野可以打

香港人除左死操, 死操, 仲有死操

抺殺創意, 抺殺大膽創新, 抺殺面對失敗的勇氣

小朋友只懂玩一個有規則的遊戲, 而偏偏出去社會做事, 同一個事情係有N個解決方法, 對唔同人用唔用手法的效果會有著根本性, 本質性的結果分別

而由此種種, 香港小朋友都係由21歲大學畢業出來先開始學, 開始了解 (BY ELIMINATION) 自己唔鍾意做邊行, 而絕少了解自己"想做咩", "鍾意做咩", 更遑論 "擅長做咩"; 而世界的另一邊箱, 人家已由幼兒開始清楚自己鍾意咩,擅長咩, 同埋想要咩, 呢樣野已經領先香港青年20年......

在香港的RESULT DRIVEN 芬圍下, 做幾年SLASHER, 創業失敗買唔到樓, 彷彿對子女來講係世界末日, 對於父母來講更加係家門不幸, 年青人只好收斂自己的狂妄, 收起自己的理想, 加入樓奴行列, 人云亦云, 變成一個又一個沒有自我的人

小子回想起HKAL拎起成績單, 知道入MBBS 無望, 如果今天俾我做決定的話, 一定出國留學 (當然父母話無錢), 又或者, 重讀

如果以小子家庭環境, 應該負擔唔起出國, 而重讀或許係一條生路, 但俱往矣

點解教育學院係芬蘭人最想入的學系, 超越醫科同法律? 香港呢? GBUS? MBBS? LLB 有幾多係搵錢專業???

你睇下芬蘭的老師的社會地位? 我地香港又係咩人先讀IED (SORRY 小子年代係叫IED, 唔係教育大學)?

即便幾L有熱誠的老師, 都係要做怪獸家長的問責對象, 從來唔受尊重, 更不用說紅黃藍事件中國內大款對老師頤指氣使, 什至拳打腳踢

芬蘭乃創科強國, 今天呀楊焗長想搞好科技? 唔係起間科技大學就得, 真係要在學習上做出翻天覆地, 根本性, 結構性的改革

否則10年, 20年, 100年後, 好彩的話, 都仲係一個國際金融大賭場; 唔好彩的話, 只係一個廣東省深圳市下面的渡假小漁村