好心做壞事

【資助上車】財爺陳茂波：考慮放寬按揭保險成數

財政司司長陳茂波在立法會財經事務委員會上指出，現時樓價非常難負擔，施政報告曾提到會從資助房屋著手，特別會針對首置人士，運房局會在適合時間介紹，並透露會研究按市價大折讓出售，再透過按揭保險計劃減少首期。

陳茂波重申對年輕人首置問題好上心，將會考慮放寬按揭保險成數，但直言不想市場理解為減辣措施，故此目前正觀察合適時機。根據按保計畫，只有400萬元或以下的物業才可申請九成按揭，400萬元至450萬元物業，貸款上限為360萬元。


再推高成數按揭即係鼓勵市民推盡個槓桿上車, 另一演譯即係自打咀巴, 以前成日話樓市高風險, 借貸成數好高等等都係廢話, 如果平時按揭成數係咁高, 又點解可以再放寬個成數呢? 難度按120%?

不過呢家放寬又係益左細價樓, 同埋中價樓(1000萬樓下)都係會受惠, 因為正常來講, 一早買左的買家已經儲左好L多錢在戶口, 一係等15% DSD 成為NORM後都係會入市,  或者買其他投資, 一係就換樓, 可惜呢家唔俾按揭, 積左咁多錢係度, 唯有推番大個槓桿, 等D弱者入埋市先可以製造震倉, 等D防守力無咁勁的買家沽番D貨出來 (推大槓桿亦係大大減少防守力的一種)

不過會唔會好心做壞事, 令到細價樓由4M 升到6M 真係唔知, 不過中價樓郁就幾可肯定

另外, 小子亦估計遲下會放寬供樓年期, 由30年放寬到40年 (好似以前DBS 俾人叫停個PLAN咁), 令到整體供款拉低, 但供款年期拉長, 表面目的係協助上車, 實際係收埋一雞兩味之效, 更多人上車, 更多順民, 香港便容易管治

不過如果你相信大陸人係會來香港取代原住民(咁多年來香港都係外來移民社會), 呢個可能係一生難得一次的黃金機會, 等你推盡按揭買一間以分享香港財富成果

不過風險自負, 小子都係個句, 供得起先好買