十年人事幾番新 - 1171 兗煤

今日見到昔日愛股1171 爆升到13.7

呢隻野係小子10年前初出道的蟹貨, 猶記得由17買到10蚊, 再學人懶醒用SELL PUT 接貨, 再係4蚊邊狂加倉, 彈番上7.4 沽哂 (如果跌到1.0真係冚家產, 咁L粗糙的股票技巧, 理應輸到仆街, 真係好好彩!)

雖然話7.4沽係滿意價, 但係呢個決定過後, 係升到13.7, 即係小子功力未到家
回想個時4.0, 每次聽SEMINAR (我入左FUND界4年咁大把), 又話新能源, 又SHALE GAS 又咩咩柒柒, 其實講到尾都係NOISE

又點解釋呢家舊經濟股係TURNAROUND 呢?係無撚得解 (所以小子咁L憎呢班冚家富貴, 一早已經睇L化左)

小子好耐以前都已經有CONCLUSION, 就係唔會信投行, 而股票亦都係CAP 9人水的地方, 即係一個大賭場, 所有報告其實都反映緊背後莊家的逆向取向 (或者取向)

若果今天小子好似以前咁忍唔住氣又追番, 再輸一口又如何? (WELL, 當然唔會), 因為係可以係第二隻股票追番來, 當天沽1171 的錢買左入3839, 大家都係贏20幾30萬
咁若果1171 升但3839 跌又點? 其實呢D事10中有89, 能夠舖舖清心態去玩先會有機會戰勝市場先生, 及者, 贏錢時要曉得抽身同抽金,咁就萬事大吉

直到尋日, 理大呀PROFESSOR又俾左篇文我地睇, 係關於BUY & HOLD VERSUS FLIPPING
1171 4.0買BUY & HOLD 呢54000股又得唔得? 俾你贏夠10蚊呢? 54萬大銀又好未?
需時幾耐? 3年? 5年? 10年?

10年前2008, 同一注買左間嘉湖山莊又點計? 呢家5M 喇喎....

長HOLD 係有的, 只係HARD ASSET/REITS, 而唔係莊家持有的廢紙股票
好幸運當年08/09 係重倉樓而唔係重倉股票, 又好不幸地, 呢54000股 (買個時都係好10+), 如果當日買多層嘉湖, 呢家係488萬 - 120萬= 360萬; 而唔會係呢家仲ON99等佢番家鄉 (或者已番家鄉)

不過後生仔梗係咩都試下好, 當時23歲, 梗係血氣方剛以為自己係股神上身, 及至今天, 驚見1171 已經番番上我買入個價有凸, 回頭已是百年身, 很感恩當天做左一個啱的決定, 連同一個錯的決定, 到今天見證住, 心裏感受很複雜

王杰都有得唱: 我要知道幾時要退

感恩!