環遊世界買樓退休的想法

小子最愛冥想, 每日必定抽1小時或更多去由頭開始再想想自己的財自計劃有無做得可以再好D, 務求每日進步一點, 對自己有所交待而不浪費上天賜給的寶貴時間

由是者, 因為退休移民的念頭不斷在腦海中閃出來, 心念一轉, 問下自己想點過呢個退休生活好呢? 有咩好得過旅行呢?

諗下諗下, 吖, 呢個環遊世界買樓退休想法便跳左出來

做法係咁的:

第一步先找出5個你想去旅行的地方, 而呢個地方係你去幾次都唔會討厭的, 例如日本, 泰國 等等...
小子係揀左 1) 日本 2) 澳洲 3) 英國 4) 法國 5)芬蘭

第二步係每一個地方買2間樓, YIELD 方面, 正常便可以, 跟番MARKET,但有一個要求,係一定要買一D易出租的物業,因為好似日本,幾十萬一間,租到1年半載跟住納空租係完全無意義的,亦都唔做到個效果出來

第三步, 假設已買了10間 (每個地方2間), 而假設全部都租出 (呢個係好重要的ASSUMPTION), 而你所要做的便係將呢D屋的租金儲起唔郁, 放在當地LOCAL CURRENCY 直到你退休為止

第四步, 而退休後,連埋香港總共6個地方,每年都SPEND2個月(剛剛12個月),去當地玩,目標係洗左已收的一年租金,即便不傷本金地每個地方遊玩2個月
計一計數, 當日本樓200萬HKD, 收3% YIELD (廣告話7% NET YIELD, 我計少左), 一年收12萬HKD (2間各3%), 呢12萬用2個月洗左佢, 即係HKD 60K/月, 基本上唔係狂FING 都怕且夠 (詳細數小子無計, 因為只係一個好BRIEF的IDEA)

周而復始, 咁係HK個2個月又係洗番收租個D錢, 基本上唔太大問題, 但當然大前提係你層樓要近乎FULL PAY, 所以呢個係10-20年的大計劃, 唔係一買便可以即係實行.

來緊小子今年會飛英國同埋紐西蘭, 順便睇下計下數WORK唔WORK先