逆按原理係同按揭相反, 你按左層樓俾銀行, 收取年金, 到你走左個時後人有優先贖回的權利, 但係如果唔贖的話銀行就會拎去拍賣, 後人就渣都無得攞番
至於利息, 係用P-2.5% 計, 即係以P=5.25% , 係2.75%啦 (按揭係1.8%)
嘩, 咁X貴息咩?
無錯, 唔係銀行食屎咩? (所以話銀行點會做蝕本生意吖.............殺人的勾當有人做, 蝕本的生意無人做)
最賤最賤不至於此, 係利息係每月疊上去! 係每月疊上去! 係每月疊上去! (費用當中第一項)
你老闆吖.....一計真係吊左一聲
呢個世界最L恐怖的係利疊利呀大佬.....如果4M 貸款碌20年, 2.75%年息 (月息0.229%), 20年後要要俾2.92M利息!
而樓按呢? 借400萬, 供20年, 2.75%息計, 全期利息係120萬, 即係佢偷左你1.72M......
政府呢招真係賤中之賤, 連老人家的棺材本都貪!
正所謂留番GE係心意唔係負擔, 你同我調轉個玩法仲要包裝成糖果個下真係令人髮指
大佬, 4M 樓FULL PAY 左都收11K 啦, 你樓下終身年金 2,850 / 100萬 (即係4M 野收11,400), 你班友計咩數架? 11K 減差餉管理有9K-10K啦...老人家無收入仲要有TAX CREDIT 唔駛硬食佢個15% PROPERTY TAX RATE 添!
真係拜託政府唔好搞埋啲屎忽野啦, 安安分分做好佢個按保, 幫多D年輕人上車好過啦
(利申: 上不上車風險自負, 小子沒有企圖或意圖游說閣下買樓)
逆按遊戲規則
HKMC 的逆按簡介
今日同家人飲茶先講緊逆按有無數圍
回覆刪除本熊兄, 小子總認為每樣野都有其用處, 我覺得逆按可能係可以提供一個CASH FLOW 的父幹會比較SENSIBLE
刪除COST 係1.7M, 但係保證左20年唔會斷供, 而20年後按揭都還左2/3
而所欠的債務應該都還得7788, 而小朋友的事業都食埋頭/中段最搵到錢, 基本上大局已定, 一生二宅無誤
可能日後唔單止cash flow, 直情可以發展到用來當收入過供樓的壓測...就好像長俸一樣...
刪除如果係咁, 即係變相鼓勵人不斷換新樓...一手購買力將會源源不絕...
老人家的財富就這樣轉移到銀行和發展商身上...嗚呼哀哉...
真係賤中之賤....
刪除玩到呢個地步會唔會好似日本咁供三代?
真樓奴之鍊成
咁長遠ge嘢，我睇唔透。
刪除到時住唔起香港，咪去其他地方住囉。當然香港啲物業都係要keep住，哈哈哈。
有仔女都唔會做逆按揭 !
回覆刪除非也, LISA 師姐, 如果小子個仔呢家18歲, 我會即刻做逆按呀, 8M 樓收27K/月, 佢買4M 樓都係供皮幾野, 仲有閒錢可以加速還款, 係1.72M 捨唔捨得俾啫
刪除18年後都唔知世界變成點樣啦 :)
刪除李居明在電台說, 2026年香港會好火毒, 好多怕火的人會移民去加拿大或大陸 !
所以大家要乘呢9年好年儲多D資產 !
刪除唔知點解政府幫保險公司幫到出晒面...
回覆刪除我個人並不支持逆按揭，但以客觀角度評論，有幾點要釐清：
回覆刪除1. 逆按揭時，業主雖然借了銀行錢，仍然有住屋的權利，同時獲得逆按揭產生的現金流。如果層樓租咗出去，業主就要訓街。所以不存在業主唔做逆按揭可以出租取現金流的option。（除非佢按咗層樓再買多層收租，但又要供兩層又何來現金流？而且年紀大都供唔長，即係借唔到幾多錢）
2. 按保公司的角色是承受樓價下跌的風險。
3. 銀行無乜風險，收2.75%息的確是暴利。
4. 我的理解是，當業主過身後，如果後人不贖回，物業會拍賣，餘額扣除貸款額後會成為遺產一部分。
所以，成件事最不該的地方是政府與銀行勾結，牟取暴利。但是對於使用者來說，如果沒有投資能力，也只能任人魚肉，怪不得誰...
多謝R兄留言, 其實小子打緊文章的時候原本係諗緊遲D父幹形式會唔會申展到提供現金流而非首期去俾新一代買4M樓仔
刪除打個比喻, 老豆/小朋友有40萬首期9按上到會(假設小朋友夠35K月入過壓測), 老父唔行加按, 反而攪逆按10年/20年去泵水發功俾小朋友去頂住個供款, 等10/20年後收番間樓以戰養戰, 將下跌風險轉嫁俾HKMC
另補番條LINK
http://www.hkmc.com.hk/chi/our_business/reverse_mortgage_programme.html
至於2-4,同意, 而最尾個句好精警, 如果沒有投資能力, 也只能任人魚肉
「老父唔行加按, 反而攪逆按10年/20年去泵水發功俾小朋友去頂住個供款, 等10/20年後收番間樓以戰養戰」
刪除如果係咁佢好蠢喎，極大機會臨老唔過得世...到時錢又冇，樓又冇，仔又廢...
一定係次一等的父幹啦, 正路一槍過俾首期/FULL PAY
刪除俾CASH FLOW 已係次一等父幹
父幹ge嘢輪唔到我, 真係唔識諗。
刪除其實都唔洗啦, 資產風暴令大家幹幾年已經超越咗父母幹幾十年...
多口講多句，文中link去「金錢英雄」個網，該文章有些不失的地方，例如話債務滾大後人要承擔，是完全荒謬，建議去官方網站求證。
回覆刪除http://www.hkmc.com.hk/files/product_shortcut/1/70/chi/RM%20Info%20Pack%20%28Chi%29.pdf
唔多口, 真理愈辯愈明, 寫得出來就預左有識之士一齊傾
刪除三人行必有我師, 每個財自的人必有其心法, 而BLOGGER間的討論往往比上咩投資班有用得多
想來想去加按比逆按好! 8M 7成都 5.6M, 夠 full pay 4M 的樓 la。 除非收入唔夠做唔到，但仍然大把方法。(
回覆刪除8M借唔到七成
刪除上限60% OR 5M
刪除仲要係處子之身, 無做過按揭
身為一個冇收入人士，又冇仔女，我認為逆按揭都有佢可取之處。1. 做逆按揭時樓價定左係當時市值，之後點樣跌都唔會減你每月收既錢，但層樓升左卻可以加按番，每月收多D💲。2.可以同銀行對賭鬥長命.
回覆刪除3.當然就係可以又食又拎啦,住緊個單位唔使租畀人都可以有收入，令到D吾多識投資而有層樓喺手的老人家安心好多！
而銀行或者HKMC都有風險,就係層樓一唔小心變咗凶宅.因為老人家有機會因病厭世，或者有病死喺間屋度，重要好多日至有人發現，D血水流左去下面嗰層(下刪一百字)。
點都好啦，我認為多一個選擇都冇壞嘅，到時都係睇自己適合啲乜嘢，有得揀始終好過冇得揀呀嘛！