上星期三, 去左澳門見證好朋友求婚成功, 晚飯席間傾開一D關於小朋友的問題, 講到我死後的PLANNING, 其實係會留一間FULL PAY樓俾小小子的.
正所謂, 留番既係心意唔係負擔, 當小子去樓下報到的時候, 已經無能力教佢股票上的知識同埋自己搵多D錢去俾佢玩 (玩股票玩樓一定有輸錢的時候, 未必個個都咁好彩全身而退), 當然, 係小小子成長過程上, 為父的必會傾囊相授所有的知識, 但修為如何沒有人知道
最後的防綫就係FULL PAY 樓, 小子沒有父幹, 沒有母幹, 天天俾人幹; 小子亦都無選擇話做咩唔做咩, 我好清楚自己鍾意做咩, 但係我無收入可以支持我呢個咁任性的決定
所以呢家唔係無得揀, 係我揀左唔揀做自己最鍾意的工作, 人貴自知, 自己知自己做咩係好緊要, 所有野都係一個PACKAGE.
我亦都會寫BLOG俾佢睇, 等我拉柴的時候佢可以得閒睇番回味下 (如果佢想的話)
講番正題, 其實香港生活除左住的一環, 洗錢唔多, 所以留番件FP 俾佢, 如果佢有咩山高水低時都可以有個地方住, 唔駛出去餐風露宿. 若然佢想東山再起, 想賣左層樓就悉隨尊便.
留番既係心意, 唔係負擔
留番既係心意, 唔係負擔
留番既係心意, 唔係負擔 (好重要, 所以講三次)
上一代無好好PLAN (又或者佢地已經盡左力), 下一代便要加倍努力, 去追回上一代的差別.
金錢就好像一份成績表咁, 無得抵賴, 你窮, 必定有其原因, 常常三省吾身.
我丫媽仲成日催我結婚生仔~我話，我唔想將上一代同呢一代既貧窮傳到下一代
回覆刪除等我覺得可以解決自身既貧窮我先會考慮其他人生大事
RYAN 兄, 對的. 貧窮係會遺傳俾下一代的.
回覆刪除不單單止財產上的承傳, 更甚者係眼光的貧窮.
好似上一代的"多層沙紙擋層風", 在2017年今日已係全然沒用
副學士淪為呃9人錢的工具, 各大學院增發證書, 學歷通漲, 全不值錢.
要出人頭地, 唯有靠胆色,靠唔怕輸, 摶到一舖先有得諗.
有人搞APPS, 有人搞CAFE, 有人開股樓班授徒. 但係真正勤勤力力打份工只會俾老細剝削到體無完膚
所以為人父母者, 切記眼光短淺, 因為您的財富及眼光都係需要傳俾下一代的
雖然有謂正正因為上一代有不足之處，下一代先會努力向上游，可以理解會進化既一個過程，但如果有得揀，我都會想有豐裕既童年，有好多野小朋友無試過，大個試返其實無意思。
刪除又有謂，窮，先會努力爭取無既野，但有好多人連好基本既野都要爭取，人生游左大半世先至搵到其他人捶手可得既野，係咪太可憐？
係好L可憐,但可幸的是我們無得揀, 可悲的是我們都係無L得揀
回覆刪除首次看小子兄個blog,
回覆刪除雖然小弟人到中年仲孤家寡人,
但睇完你這篇文 真係感觸良多
字字說到小弟心砍裡.
"留番既係心意, 唔係負擔" 呢句真心對
自己又吾仔細考慮自己既搵$ 能力
好自私生出黎.. 原來冇諗過自己養老等問題
頂.. 咁真係吾好生佢出黎淚死佢